¹ Ngalaka dakoh, iko' mile' ampat malaikat agutn ka ampat penjuru bumi, sadang nahan kaampat angin bumi supaya kati' ani da ngampoh ka darat, ka laut, atopun ka puutn-puutn. ² Lakadakoh, iko' mile' malaikat laitn mungkas umpatn tampat matuano mungkas, nige' minsakng sigel umpatn Jabata da idup. Ini' ngampak nige' saratn da kuat wa' kaampat malaikat da laka gatn mangkatn kuasa ya' ngarusak bumi ge' laut ijah, ³ " Iya'ta ngarusak bumi, laut, ato puutn-puutn katinga kai abas mangkatn tande sigel wa' kanikng hamba-hamba Jabata." ⁴ Iko' dangah jumlah ayoa' da gatn nyigel 144.000 sok karah a'. Ayoa' samaan baasal umpatn satiap suku ayo kangot Israel: ⁵ umpatn suku Yehuda ⁶ umpatn suku Asyer ⁷ umpatn suku Simeon ⁸ umpatn suku Zebulon ⁹ Ngalaka dakoh iko' mile', sabatol a' nyajumlah ahyo talino da kati' kaatn gatn ngitong jumlah a', umpatn smaan negara ge' suku ge' bangsa ge' bahasa, agutn ka muka tahkta ge' ka hadapan Anak Domba, ngiak jubah ranakng ge' daatn-daatn palem ka barekng ayoa'; ¹⁰ ge' ayoa' ngampak nige' saratn da karas, "kasalamatan bagi Jabata kai' da unyung ka samo takhta' ge' bagi Anak Domba." ¹¹ Ge' samaan malaikat da agi agutn ka sakalilik da ama-ama, ge' kaampat makhluk dakoh, ayoa' sujud ka hadapan takhta dakoh ge' nyambah Jabata, ¹² nige' nyasana, "Amin! pujian ge' kamuliaan ge' hikmat ge' ucapan syukur ge' kahormatan ge' kakuasaan, ge' keperkasaan, bagi Jabata ite sampe salama-lamaa'. Amin!" ¹³ Ngalaka dakoh, 1 umpatn da ama-ama dakoh nyasana ge' mansikatn wa iko', "Asi ta ayoa' da ngiak jubah ranakng diah ge' umpatn ume ayoa' utukng?" ¹⁴ Maka, iko' nyasana wa ini' "Tuanko', imu' panea'." Lalu, ini' nyasana wa iko', "Ayoa diu'ta ayo sok da nga mungkas umpatn panganiayaan da ahyo ge' nga meetn Jubah ayoa' ge' maranaknga' ka sadatn daya Anak Domba. ¹⁵ Oleh karna dakoh, ayoa' agutn ka hadapan takhta Jabata ge' malayani Ini' tano ge' ngarum ka bait-A; ge'Ini' da unyung ka samo takhta dakoh aok' madi ka antara ayoa'. ¹⁶ Ayoa' kati aok' saburuk ato aus agi; atopun matuano kati aok' mangkannapn ayoa' atopun paras kuat da laitna'. ¹⁷ Sabab, Anak Domba da ka tuda-tuda takhta dakoh aok' jadi Gembala ayoa' ge' aok' ngirikng ayoa' ka matu paitn kahidupan; ge' Jabata aok' ngapus smaan paitn matu umpatn matu ayoa'."