¹ Lakadakoh, iko' mile' ka barekng santao' Ini' da unyung ka tumukng takhta dakoh nyabuah gulokng kitab, da umpu' tulisan ka pihikng sadatn ge' satoa', da gatn nyigel nige' ijo' sigel. ² Ge', iko' mile' nyungan malaikat da gagah ngampak nige' saratn da kuat,'' Asi ta da layak muka gulong kitab dakoh ge muka sigel-sigel'a?" ³ Ao' ata, kati' ani nyungan sok pun, bait da ka surga, ka bumi, ato pun da ka saroh bumi da kaatn muka ato mile' bagian sadatn gulokng dakoh. ⁴ Maka, iko mule munse sampe sikal karna kati ani nyungan pun gatn amput layak ya' muka gulokng kitab dakoh ato mile' bagian sadatna'. ⁵ Ao'a ta nyungan umpatn da ama -ama dakoh nyasana wa iko',"Madi lah munse! Mile, Singa umpatn suku Yehuda' katurunan Daud, laka manang singe Ini' kaatn muka gulokng kitab dakoh ge ijo' sigela'." ⁶ Ge', iko' mile ka tuda-tuda takhta ge' 4 Makhluk ijah, ge ka tuda-tuda ayo da ama-ama dakoh nyungan Anak Domba agutn, samu laka gatn nyabaleh, da umpu ijo' tanduk ge' ijo matu, kohta ijo' Roh Jabata da gatn ngutus ka smaan bumi. ⁷ Anak Domba dakoh utukng ge' naap gulokng kitab dakoh umpatn barekng santaok Ini' da unyung katumukng takhta. ⁸ Ge', jangkah Anak Domba laka naap gulokng kitab dakoh, ka ampat makhluk ge' kadua puluh ampat da ama-ama sujud ka hadapan Anak Domba dakoh, masing-masing nyinte nyabuah kecapi ge' nyabuah cawan barawatn da panhu nige' kamayan, da ani lah doa ayo sok kudus. ⁹ Lalu, ayoa' ngado nyabuah lagu bahu, waatna': "Imu' layak naap gulokng kitab dakoh ge muka sigel-sigela' karna Imu' laka gatn nyambaleh, ge' nige daya'Mu, Imu' laka nabos ayo sok umpatn satiap suku, bahasa, kaum, ge' bangsa bagi Jabata. ¹⁰ ge' Imu' laka umas ayoa' ngajadi nyabuah kerajaan ge' imam-imam bagi Jabata ite, ge' ayoa' ao' marintah kasamo bumi." ¹¹ Lakadakoh, iko' mile, ge iko' dangah saratn umpatn karah malaikat da ngalilik takhta, 4 makhluk, ge ayo da ama-ama dakoh. Ge' jumlah ayoa' baribu-ribu, bahkan bapuluh ribu, ¹² ngampak nige saratn da karas, "Layak lah Anak Domba, da laka gatn nyambaleh dakoh, narima kuasa, ge' kakayaan, ge' hikmat, ge' kakuatan, ge' hormat, ge kemuliaan, ge' pujian." ¹³ Lakadakoh, iko' dangah satiap makhluk da ani ka surga, ge' ka bumi, ge ka saroh bumi, ge' ka laut, ge' smaan da ani kasadatn, smaan dakoh nyasana, "Bagi Ini', da unyung ka samo takhta, ge' bagi Anak Domba, smaan pujian, hormat, kemuliaan, ge' kuasa sampe salama-lamaa'!" ¹⁴ Ge' 4 makhluk dakoh nyasana, "Amin!" ge ayo da ama-ama sujud ge nyambah.