¹ Bahkan, pajanjian da ama pun berisi tantang paraturan ibadah ge' tampat kudus da ani ka tana pait. ² Karna ladakohlah kemah Jabata gat'n ngayiapa': bagian luar, da ket' a' ani palita, meja, ge' roti sajian, nimuji tampat kudus. ^{5 3} Ka balakaqng tirai kadua anilah kemah da gat'n magaat Ruang Mahakudus, ⁴ ka tampat dakoh ani Altar pedupaan da gat'n umas umpat'n barawat ge' Tabut Pajanjian da samaan sisia' gat'n galapis ge barawat. Ka sadatn tabut dakoh, ani nyabuah kandi barawat da barisi Manna, tongakt Harun da parnah ba tunas, serta dua lempeng batu pajanjian. Ka sammo a', ani dua kerub kamudian da manaungi Tutup pendamaian, tatapi saat diah inyalah waktu tepat yak mambicrakan sacara taparinci. ⁶ Setelah samaan a' ikoh gat'n nyiap sadamikian rupa, ayo imam maruh ka bagian pa tama umpatn kemah ikoh secara rutin, yak umas palayanan ibadah ka Jabata. ⁷ Ao' tatapi, hanya imam ahyo sadi da boleh maruh ka bagian kadua umpatn kemah ikoh, ikoh pun hanya nyasawa nyakali, ge' minsak dayya yak gat'n parsembahka' ka Jabata demi adup a' sadi ge' demi duse-duse umat da gat'n umas ti sangaje. ⁸ Roh Kudus manyatakan ka ite bahwa pagala manuju Ruang Mahakudus tingga ta buka salama Ruang Kudus maseh ani, ⁹ hal dakoh anilah kiasan mengenai zaman diah. Damikian uga sagala pamangkat ge' kurban-kurban da gat'n parsembahkan kati gat'n nyempurnakan nurani ayo' sok da beribadah, ¹⁰ sabab, hanya bakaitan nige' pangkuman, minuman, ge' ritual pambasuhan yak jasmani da barlaku sampe saata' waktu pambaharuan. Ibadah sadatn pajanjian Bahu ¹¹ Namun, katika Kristus utukng sabagai Imam ahyo samo hal-hal bait da ao' utukng, Ni' maruh lewat Tampat Kudus da labih ahyo ge' labih sampurna; da kati ni umas kat barek talino ge' inyalah suatu ciptaan. ¹² Ini' maruh ka Ruang Mahakudus nyakali yak salamaa', inya nige' minsak dayya kambing are ge' dayya anak sapi, tatapi nige' minsak dayya adup-A' sahingga kaat panabusan da kakal. ¹³ Sabab, jika pemercikan dayya kambing are ge' sapi are, ge' uga abu anak sapi mahung ka sok najis bisa nyuci ungan jasmani ayo' a'. ¹⁴ Labih-labih dayya Kristus, yaitu Ni' da lewat Roh da kakal mamparsambahkan adup-A' sabagai kurban da kati bacacat ka Jabata yak nyucikan ate nuranimu' umpatn parbuatan sia-sia supaya imu' bisa melayani Jabata da idup. ¹⁵ Yak alasan diahlah Kristus jadi parantara umpatn pajanjian da bahu supaya ayo' a' da ngalaka gat'n maba Jabata boleh narima warisan kakal da laka gat'n janjikan-A'; sabab sabuah pangkabis ngalaka tajadi yak nebus ayo' a' umpatn palangaran-palangaran da ayo' a' umas ka saroh pajanjian pa tama. ¹⁶ Jika ani surat wasiat, maka arus ani pangkabis umpatn sok da umas a'. ¹⁷ Sabab, surat wasiat hanya balaku jika sok da umas a' nga kabis; surat dakoh kati umpu kuasa salama sok da umas a' maseh idup. ¹⁸ Ikohlah sabab a', jailah pajanjian pa tama pun kati ba laku tanpa kurban dayya. ¹⁹ Sabab, ngalaka Musa muji a' satiap parintah sadatn Hukum Taurat ka umat Israel, ni' nangkap dayya anak sapi ge' kambing lalu gat'n nyampur a' nige' pait. Ge', manggune saput wol bajara serta nyabatakng hisop, ni' ma mercik a' ka Kitab Taurat ge' ka samaan umat ²⁰ sambil nyansana, "diahlah dayya umpatn pajanjian da ngalaka Jabata parintah a' yak imu' taati." ²¹ Nige' cara da samu, Musa uga mamercik Kemah suci ge' samaan parlengkapan da gat'n gune a' sadatn ibadah nige' dayya. ²² Manurut Hukum Taurat, hampir sagala hal arus gat'n nyuci a' nige' dayya, ge' tanpa ani a' panumpahan dayya, kati ao' ani pangampunan. Yesus Kristus anilah Kurban pangngapus duse. ²³ Karna dakoh, sagala hal da malambangkan hal-hal surgawi sangat parlu gat'n nyuci a' nige' hal diah, tatapi sagala hal da ka surga gat'n nyuci a' nige' kurban da labih baik. ²⁴ Sabab, Kristus kati maruh ka sadatn Ruang MahaKudus da gat'n umas kat barek manusia, da hanyalah tiruan umpatn da sasungguh a', tatapi ni' maruh ka sadatn surga ikoh ta ge' mati' madi ka hadapan Jabata demi ite. ²⁵ Kristus uga kati mamparsembah a' adup-A' ba kali-kali, samu Imam ahyo da arus maruh ka Ruang MahaKudus umpatn tahun ka tahun nige' minsak dayya da inya dayya adup a'. ²⁶ Sa ladakoh, Kristus arus mandarita barulang kali sejak dunia gat'n cipta a'. Ao' tatapi, Kristus hanya manyatakan adup-A' nyakali sadi yak salama-lama a' ka zaman akhir diah demi ngapus duse, nige' cara mamparsembah a' adup-A' sadi. ²⁷ Samu talino, da gat'n nentu a' yak kabis nyakali sadi ge' laka dakoh ngadap panghakiman, ²⁸ la dakoh uga Kristus; Ni' gat'n mamparsambah a' hanya nyakali sadi yak nanggong duse sok karah, ge' ao' utukng ka dua kali a', inya yak nanggong duse, malain a' yak minsak kasalamatan ka ayo' da nunggu a' Ini'.