¹ Diahlah pokok utama pambicaraan ite: ite gat'n umpu imam Besar da munyung ka santao tahta da dapaling nyamo ka surga. ² Ni' malayani ka ruang Mahakudus ge' ka Kemah Suci sejati da gat'n mantagut'n kat' adup Jabata, inya kat' talino. ³ Karna satiap imam Ahyo gat'n nojo yak mamparsembahkan pamangkat ge' korban, maka imam ahyo diah uga arus minsak'ng tarut yak gat'n parsambahkan. ⁴ jika imam Ahyo diah idup ka bumi, ni' kati ao' a' jadi imam samu sakali sabab ka bumi ngalaka ani imam-imam da mamparsambahkan pamangkat'n sasuai Hukum Taurat, ⁵ yaitu ayo' a' da baribadah nurut tiruan da bayang-bayang umpat'n hal-hal surgawi samu Jabata mamparingatkan Musa pas ni' ao' mantagut'n Kemah Suci: "Pastikanlah akupm umas sagale tarut a' sasuai nige' rancana da ngalaka ko' nojo a' ka imu' ka samo gunung. ⁶ Namun, mati', Yesus narima tugas palayanan da jauh labih mulia karna pajanjian bahu da gat'n paranta kat'-A' dakoh uga jauh labih nyamo ge' gat'n natapkan badasarkan ka janji-janji da labih bait. ⁷ Sabab, jika ;pajanjian da pamule kati ngandung kasalahan, kati ao' ani da mambutuhkan pajanjian da kadua. ⁸ Karna Jabata ngangkaat'n sara talino, ni' nyansana, " Milelah, ano a' ao' utuk'ng; wat Tuhan, 'katika iko' ao' a' ngadakan nyabuah pajanjian bahu nige' kaum Israel ge' kaum Yehuda. ⁹ Kati samu' pajanjian da ngalaka ko' adakan nige' nini moyang ayo' a' yaitu katika iko' nirik ayo' a' nige' barek-Ko yak mimpin ayo' a' kalura umpat'n tana Mesir. Karna ayo' a' kati satia ka pajanjian da gat'n ko' mangkat'n, maka Iko' kati maduli ayo' a',' wat Tuhan. ¹⁰ Diahlah pajanjian da ao' a' ko' umas nige' kaum Israel ngalaka wakyu dakoh; wat Tuhan: 'Iko' ao ' a' mana hukum-hukum-Ko' sadat'n pikiran ayo' a' ge' IKo' ao' a' nulis a' ka ate ayo' a'. Iko' ao' a' jadi Jabata ayo' a', ge' ayo' a' ao' jadi umat-Ko'. ¹¹ Ayo' a' kati ao' a' agi ngajar samu adup bangsa a' ato age a' nige' nyansana, ' Kanallah Tuhan' karna samaan sok ao' a' ngana Iko', umpat'n da enek sampe da paling ahyo. ¹² sabab, Iko' ao' a' berbalas kasian kasamo palanggaran da duse-duse ayo' a'. Iko' pun katii agi ao' a' agi ngingat kasalahan-kasalahan ayo' a'." ¹³ Katika Jabata mangucapkan pajanjian bahu, ni' umas pajanjian da ama kati ba laku agil. ge', jai da ngalaka kati ba laku agi ge' usang ao' a' segera ayap.