¹ Iman anilah jaminan ka samo' jaipun da ite harapkan, ge' umpat'n jaipun da kati tile. ² Sabab, kat' iman ayo'lak ayo' sok ka zaman idu kaat'n pujian. ³ Kat' iman, ite ngarati bahwa alam semesta gat'n cipta nige' Firman Jabata. jadi, jai da tile kati na umas kat jai da tile uga. ⁴ Kat iman, Habel persambahkan ka Jabata kur da rabeh bait daripada da gat'n kain parsembahkan. Lewat parsembahana' dakoh, habel kaat'n kesaksian da bait umpat'n Jabata sebage sok taman; Jabata mangkat'n kesaksian dakoh nige' narima kurban parsembahana'. Ge, kat' imana', meskipun ni' kabis, Habel maseh kaat'n ngansana. ⁵ Kat iman, Henokh gat'n majaka supaya ni' kati arus ngalami pankabis ge' ni' kati gat'n amput karna Tuhan ngalaka majakaa'; karna katinga gat'n majaka, ni' kaat'n kesaksian sebage sok da nyanangkan Jabata. ⁶ Kati mungkin nyanangkan Jabata tanpa iman, sabab asi pun da ngakariket Jabata arus pacaya bahwa Jabata ani, ge' bahwa Jabata mangkat'n pahala ka ayo' da nyajo' Ini'. ⁷ Kat' iman, ngalaka gat'n peringatkan kat' tantang peristiwa da tingga gat'n ni' mile, Nuh nige' gantar ge' taat mantagut'n nyabuah bahtera yak nyalamat kaluarga'. Nige' diah, Nuh ngukum dunia ge' jadi pawaris kabenaran da sasuai nige' imana'. ⁸ Kat' iman, Abraham ketika gat'n Tuhan maba, taat yak ano ka suatu tempat da ao' a' gat'n mangkat sebage umpu pusakaa'. Ge' ni' berangkat, walaupun kati pane ka ume ni' ao' a' ano. ⁹ Kat' iman, ni' ano ge' madi' ka tana da gat'n janji ulah madi' ka tana asing, yaitu ka sadat'n kemah samahuIsak ge' Yakub; ayo' a' pawaris umpat'n janji da samu, ¹⁰ sabab Abraham sadang nganti nyabuah kota da ani pondasi, da ngarancang ge' pantagut'na' anilah Jabata. ¹¹ Kat' iman, Sara kaat'n kamampuan yak batahi ge' baranak, meskipun ni' mandul ge' nga talalu ama yak baranak, sabab Sara ngangap ni' da ngalaka ba janji ka ini' anilah satia. ¹² Karna dakohlah, umpat'n sok nyungan da nga sangat ama ge' hampir kabis, gat'n beranaklah katurunan da karaha' samu' bintak'ng ka rangit ge' da jumlaha' kati taritong samu' bigi pasir ka pantai. ¹³ Ayo' a' samaan diah nga kabis sadat'n iman nige' kati kaat'n jai da gat'n janjikan, tatapi ayo' a' nyantunung ge' nyambut janji-janji dakoh umpat'n jauh, nige' panane bahwa ayo' a' anilah sok pandatang ge' sok asing ka bumi. ¹⁴ perkataan ayo' a' da pangkoh dakoh gat'n nojo nige' jelas bahwa ayo' a' sadang najo tana pait bagi ayo' a'. ¹⁵ Karna, jika da ayo' a' mikir anilah negeri da ayo' a' madi' sabeluma', maka ayo' a' bisa aja ure agi ka teet'n. ¹⁶ Namun, ayo' a' bunggu ka negeri da marabeh bait, yaitu negeri sorgawi. Kat' karna dakohlah, Jabata kati manggun gat'n muji sebage Jabata ayo' a' sabab ni' ngalaka nyiapa' nyabuah kota yak ayo' a'. ¹⁷ Kat' iman, ketika Tuhan manguji a', Abraham gat'n nyerah Isak sebage korban; ni' da ngalaka narima janji-janji ikoh rela mamparsembahkan anak tunggal a'. ¹⁸ Tantang anak dakoh, Jabata ngalaka ngansana, "Nige' gaat'n Isaklah katurunanmu' ao' a' ni muji." ¹⁹ Abraham manna' kaparcayaan a' ka Jabata, bahkan ni' pacaya bahwa Jabata sanggup mambangkitkan sok kabis. Ibarat a', Abraham ngalaka kaat'n Isak ure umpat'n pangkabis. ²⁰ Kat' iman, Isak mambarkati masa depan Yakub ge' Esau. ²¹ Kat' iman, Yakub, menjelang pangkabis a', mamberkati anak-anak Yusus. ni' nyambah ka Jabata nige' bersandar ka abak tongkat a'. ²² Kat' iman, Yusuf, ka ahir idup a', ba carita tantang kaluar a' bn Israel umpat'n Mesir ge' mangkat'n parintah sahubungan nige' turak-turak a'. ²³ Kat' iman, Musa, ketika ni' gat'n baranak, ni gat'n nyukat'n salama taru burat'n kat' pangama a'. Ayo' a' mile bahwa Musa anilah kangod da sampe tagas, ge' ayo' a' kati buut taradap parintah raja. ²⁴ Kat' iman, Musa, ngalaka tumbuh ni' dewasa, nolak gat'n magaat'n anak umpat'n Putri Firaun. ²⁵ ni' lebih milih mandarita samahu umat Jabata daripada menikmati kasanangan duse da hanya samentara, ²⁶ Ni' anggap bahwa kehinaan Kristus labih ba harga daripada samaan kakayaan Mesir sabab nyantunung ka pahala da ao' a' utuk'ng. ²⁷ Kat' iman, Musa nanggalat'n Mesir tanpa rase buut tahadap murka Raja Firaun sa olah-olah ni' kaat'n mile Ini' da kati tile dakoh. ²⁸ Kat' iman, Musa melaksanakan paskah ge' macek daya' sahingga malaikat pangkabis usah marab bangsa Israel. ²⁹ Kat' iman, bangsa Israel bajalat'n ngalangkah Laut Merah, saakan-akan bajalat'n ka tana karik'ng. Namun, katika ayo' sok Mesir nyuba umas hal da samu, ayo' a' ni nanggulup. ³⁰ Kat' iman, paga Yerikho ruruh ngalaka gat'n ngaliling salama ijo' ano. ³¹ Kat' iman, Rahab, pelacur dakoh, kati' ni' ngamis samahu nige' ayo' sok da kati taat karna ni' narima mata-mata Israel nige' damai. ³² Ge' jai agi da arus ko' muji a'? iko' katigi cukup waktu yak gat'n nyarita a' ka imu' tantang Gideon, Barak, Simson, Yefta, Daud, Samuel, ge' ayo' nabi, ³³ Da kat' iman ngalaka menaklukan kerajaan-kerajaan, kabenaran, kaat'n janji-janji, ge' ngatup baba singa-singa, ³⁴ Ngamis kobaran Api, terlepas umpat'n matu pedang, gat'n nguat umpat'n kelemahan ayo' a', gagah perkasa sadat'n pertempuran, ge' ngansar bala tantara asing. ³⁵ Ayo mahung narima agi ayo' sok kabis ayo' a' lewat kabangkitan, tatapi ani uga da gat'n nganiaya ge' nolak yak narima pembebasan supaya ayo' a'kaat'n kabangkitan sadat'n kahidupan da labih bait. ³⁶ Samantara dakoh, ani uga da gat'n hina ge' gat'n cambuk, bahkan gat'n balanggu ge' gat'n manjara a'. ³⁷ Ayo' a' gat'n munu', gat'n ngaragaji jadi dua, ge' gat'n ngamis nige' padang. Ani uga da mengambara nige' ngiak pangiak umpat'n kurit domba ato kurit kambing; ayo' a' da paparuga, gat'n nindas, ge' gat'n ngalakukan samenang-menang. ³⁸ Dunia diah kati pantas yak' ayo' a', ayo' a' mengembara ka padang gurun ge' gunung-gunung, madi' ka pilek-pilek gunung, ge' gua-gua ka saroh tana. ³⁹ Walopun kaat'n kesaksian da bait karna iman da ayo' a' umpu, ayo' a' kati narima jai da gat'n janji. ⁴⁰ Sabab, Jabata gat'n nyiap a' jai da labih bait yak ite, sahingga tanpa ite, ayo' a' kati ao' jadi sampurna.