¹ Ge, Saulus pun nyatujui ngamis Stefanus dakoh. Saulus membinasakan Jemaat ka Yerusalem jangkah ano' dakoh, penganiaayaan da ahyo tajadi tahadap jemaat ka Yerusalem, ge ayo' a' samaan, kacuali ayo' rasul. ² Ani maningan sok saleh ano nyibur Stefanus ge batol ngawang padara Stefanus koh ta. ³ Ao' tapi, Saulus barusaha membinasakan jemaat nige' maruh ka tiap ramin. Ni nyeret bait are maupun mahung, lalu nyarah ta ayo' a' ka panjara. Filipus Ngabar Injil ka Samaria. ⁴ Lalu, ayo' a' laka tapansar dakoh ba kaliling sambil ngabar Injil. ⁵ Filipus sosor ka ranto kota ka Samaria ge ngabar tentang Kristus. ⁶ Ge, sok karah nige' sa ate nyantunung jai da Filipus muji waktu ayo' a' dangah ge mile tande-tande ajaib da ni' umas. ⁷ Sabab, roh-roh jahe mungkas umpatn ayo' sok da gatn ngarasuk. Gae ngampak nige' saratn dsa kuat, serta karah sok lumpuh ge pincang da gatn mangkuhat. ⁸ Karna dakoh, ani sukacita ahyo ka kota dakoh. ⁹ Namun, ani sok are da bagaatn Simon da biasa a laka mempraktek sihir ka kota ge umas kagum samaan sok Samaria, nige' muji bahwa adup a' sok kuat. ¹⁰ Samaan sok, mule umpatn sok paling inik sampe sok ahyo, nyansana, "Sok diah anilah kuasa Jabata da gatn muji 'Kuat'." ¹¹ Maka, ayo' a' pacaya wak' ini' ta karna ngatuhi ni' da umas ayo' a' takjub nige' ilmu sihir a'. ¹² Namun, ngalaka ayo' sok dakoh pacaya Filipus da ngabar Injil tentang Kerajaan Jabata ge gaatn Kristus Yesus, ayo' a' gatn Baptis, baitn are maupun mahung. ¹³ Bahkan, Simon da pacaya ge laka gatn baptis, ni' tarus madi ka reketFilipus, ge jangkah mile berbagai mukjizat ge tande-tande ajaib da ta jadi, ni' jadi takjub. ¹⁴ Ka waktu dakoh, waktu ayo' rasul ka Yerusalem dangah bahwa ayo' sok Samaria laka narima Firman Jabata, ayo' a' ngutus Petrus ge Yohanes wak' ayo' sok ka Teetn, ¹⁵ da utukng ge badoa yak ayo' a' agar ayo' a' narima Roh Kudus. ¹⁶ Sabab, Roh Kudus tinga susor samo sok pun umpatn ayo' a', ayo' a' hanya laka gaatn baptis ka sadatn gaatn Tuhan Yesus. ¹⁷ Lalu, Petrus ge Yohanes mana barekng a' ka samo ayo' a' ge ayo' a' narima Roh Kudus. ¹⁸ waktu Simon mile bahwa Roh Kudus gaatn mangkatn lewat penumpangan tangan ayo' rasul, Simon nawar uang wak' ayo' rasul dakoh, ¹⁹ Nige' nyansana, "Mangkatn ta uga wak'iko' kuasa diah supaya satiap sok da wak' a' iko' numpangkan barekngko' ao' narima Roh Kudus." ²⁰ Ao' tapi, Petrus nyansana wak' Simon, "Semoga uangmu' dakoh binasa samahumu' karna imu' mikr imu' bisa kaatn karunia Jabata nige' uang! ²¹ Imu' kati ani bagian atau hak sadatn hal diah karna atemu' kati tamud ka hadapan Jabata. ²² Jadi, ba tobatlah umpatn parbuatanmu' da jahe' diah ge ba doa ta lah wak' Tuhan supaya, jika mungkin, niat atemu' bisa gatn ngampun wak'mu'. ²³ Sabab, iko' mile bahwa imu' ani ka sadatn sampadu da pe'et ge sadatn jeratan da jahe. ²⁴ Namun, Simon jawab ge nyansana, "Badoa tal ah yak iko' wak' Tuhan supaya jai da laka akump muji kati aboh ka iko'." ²⁵ Maka, ngalaka Petrus ge Yohanes bersaksi nige' batol-batol ge muji firman Tuhan, ayo' a' malik buhut ka Yerusalem gae ngabar Injil ka karah desa sok Samaria. Filipus Membaptis Sok Etiopia ²⁶ Lakadakoh, malaikat Tuhan nyansana wak' Filipus, wat' a', "Agutn ta lah ge anolah wak Selatan, ka gala da susor umpatn Yerusalem ka arah Gaza. gala dakoh anilah gala da sunyyi'." ²⁷ Filipus pun agutn ge barangkat. Ge, tile sok Etiopia, da anilah sida-sida umpatn sok pejabat pengadilan Sri Kandake, Ratu Kerajaan Etiopia. Ni' ba tanggung jawab ka samaan harta sang ratu. Ni' nga utukng ka Yerusalem yak sambayang, ²⁸ ge sadang malik ure, gae unyung ka sadatn kereta a' ge maca kitab Nabi Yesaya. ²⁹ Lalu, Roh nyansana wak' Filipus, "Anu' ge bagabunglah nige' kereta dakoh." ³⁰ Maka, Filipus ta lama' ka kereta dakoh ge dangah sok dakoh sadang maca kitab Nabi Yesaya. Filipus mansikatn wak' a', "Ngarati bak tuan jai da sadang tuan maca?" ³¹ Ge, sok dakoh naham, "Langkina iko' bisa, kacuali ani sok bimbingko'?" Maka, ni' ngundang Filipus yak maka ge unyung samahu a. ³² Ka waktu dakoh, bagian umpatn Kitab Suci da sadang ni' baca anilah diah, "Ni gatn minsakng samu nige' minsakng domba ka tampat penyembelihan, ge samu samu ge anak domba tinga gatn mogotn burut a' usup-usup hingga ni kati muka baba'-Nie. ³³ Sadatn kehinaan-Ni', kati adil gatn ngarampas umpatn-Ni'. Asi da bisa nitis keturunan-Ni'? Sabab, idup-Nie laka gatn ngarampas umpatn Tana paitn. ³⁴ Lakadakoh, sida-sida dakoh naham ge nyansana wak' Filipus, "Iko' mohon wak' imu, tentang adupko' sadi atau tentang sok laitn?" ³⁵ Lalu, Filipus muka baba' a', ge mule umpatn Kitab Suci diah, ni' ba khotbah tentang Yesus wak' a'. ³⁶ Ge, saat ayo' a' ano nampuh pajalatn a', ayo' a' samapai ka tempat da bapaitn, ge sida-sida dakoh nyansana, "Mile ta, ani paitn! Jai da menghalangiko' yak gatn baptis?" ³⁷ (Lalu, Filipus nyansana, "Jika tuan pacaya nige' sapenuh ate tuan, tuan boleh." Lalu, ni' naham ge nyansana, "Iko pacaya bahwa Kristus Yesus anilah Anak Jabata.") ³⁸ Lakadakoh, sida-sida dakoh marintah a' kereta yak madi. Ge, ayo' a' badua disah ka paitn, Filipus ge sida-sida dakoh, lalu Filipus mambaptis a'. ³⁹ Ngalaka ayo' a' badua mungkas umpatn pait, Roh Tuhan minsakng Filipus pergi, ge sida-sida dakoh kati mile a' agi, lalu ngalanjut pa jalatn sambil basukacita. ⁴⁰ Namun, Filipus ampud adup a' tiba-tiba ka Asdod, ge waktu ni' lewat kawasan dakoh, ni' ngabar Injil ka samaan kota sampai ni' utukng ka Kaisarea.