¹ "Ayo-age ge' Ayo-sama', dangahnih pambelaanko' mati ka imu'." ² Ge', sa' ayo'a dangah kalo Paulus maba ayo'a ka sadat'n bahasa Ibrani, ayo'a samangkin tunguh-tunguh, ge' Paulus nyansana, ³ "iko' ani'ta sok Yahudi, lahir wak Tarsus, Kilikia, tapi gat'n ngangkaihyo wak kota diah, gat'n ngadidik wak saroh Gamaliel nige ketat sasuai hukum ninek moyang ite', ge' jadi giat mangkat'n Jabata, samu ulah imu' samaan pas ano diah. ⁴ Iko' nganiaya pagala diah sampe pas kabis, ningo ge' ngadu ayo'a maruh, bait ayo-are maupun mahu, ka sadat'n panjara, ⁵ ulah da uga Imam Aihyo ge' saluruh majelis pangama kaat'n basaksi ka iko'. Umpat'n ayo'a iko' narima surat-surat ya' ayo-age wak Damsyik ge' anu ya' ningo ayo'a da aok gat'n ngukum. ⁶ Maka, tarjadilah, samantara iko' sadakng ka sadat'n pagala ge' ampir sampe wak Damsyik, kira-kira pas ano tano, tiba-tiba cahaya tarakng umpat'n rangit babalo ngangkalilikngko'. ⁷ Iko' tasungkur ka tana ge' dangah sarat'n ka iko', 'Saulus, jai imu' manganiaya iko'?' Ge', iko' naham, 'Asi'ta Akup'm, Tuhan?' Lalu, ini' muji' ka iko', 'Ikolah Yesus umpat'n Nazaret, da sadakng imu' aniaya.' ⁹ ayo-sok da samahuko' mile cahaya dakoh, tapi kati ngarati sarat'n sok da sadakng nyansana ka iko'. ¹⁰ Ge', iko' muji, 'Jai da harus iko' umas, Tuhan?' Ge', Tuhan naham iko', 'Agut ge anulah ka Damsyik, ge' ka teet, imu' aok gat'n muji' samaan sok laka gat'n natap ya' imu' bulah.' ¹¹ Ge', sa' iko' kati kaat'n mile barang kamuliaan cahaya dakoh, iko' gat'n nuntun uleh ayo-sok da samahuko' ge' maruh ka Damsyik." ¹² Laka dakoh, ani sok da bagaat'n Ananias, sok da saleh manurut Hukum Taurat, ge' gat'n nganal bait uleh samaan sok Yahudi da madi wak teet, ¹³ utukng ka iko', ge' ngalaka agut'n wak suut'nko', ini' muji', 'Age Saulus, milenih!' Lalu, saat dakoh, iko' kaat'n mile agi ge' mile ini'. ¹⁴ Ge', ini' nyansana, 'Jabata ninek moyang ite manatapkanmu' ya' pane kahendak-A ge' mile da Raman, gae dangah sarat'n umpat'n baba-A, ¹⁵ Barang imu' aok jadi saksi mangkat-a bagi samaan sok tentang jai da laka imu' mile ge' dangah. ¹⁶ Ge', mati', jai imu' manunda-nunda? Umpatlah ge' mangkat'nlah adupmu' gat'n ngabaptis, gae marasih duse-dusemu' sambil maba gaat-A.'" ¹⁷ Sa' iko' kambali ka Yerusalem ge' sadakng badoa wak Bait Jabata, iko' gat'n nguasai Roh, ¹⁸ ge' iko' mile Ini' nyansana ka iko', Bagegasnih ge' japat mungkas umpat'n Yerusalem barang ayo'a kati aok narima kasaksianmu' tentang Iko.' ¹⁹ Lalu, iko' nyansana, 'Tuhan, ayo'a sadi pane kalo iko' ge' ningo ayo'a da pacaya ka-Mu' umpat'n nyiteng sinagoge ka da lait'n'a. ²⁰ Laka dakoh, sa' daya' saksi-Mu', Stefanus, gat'n nuntokng, iko' sadi sadakng agut'n wak teet, manyatuji, ge' ngajaga pangiak-pangiak ayo-sok da ngamis'a.' ²¹ Laka dakoh, Yesus muji' ka iko', 'anulah! Barang, iko' aok mangutus imu' jauh ka bangsa-bangsa lait'n."' ²² Sok karah dakoh dangah Paulus sampe ka sarat'a diah. Laka dakoh, ayo'a samaan ngantat'n sarat'n ayo'a ge' muji', "Boholah sok da ulah dakoh umpat'n bumi barang ini' kati pantas!" ²³ Lalu, samantara ayo'a tarus ngampak, ge' nyangkahat'n jubah ayo'a, ge' ngangkamhur dabu ka udara, ²⁴ Kapala pasukan marintah supaya gat'n minsakng ka markas, sambil muji' kalo Paulus harus gat'n mariksa nige cambukan sahingga ini' kaat'n amput alasan jai ayo'a ngampak malawan ulah dakoh. ²⁵ Barang, sa' ayo'a laka marentangkan nige tari-tari kurit, Paulus nyansana ka perwira da agut'n wak riket'a, "Diu'ta sah bagi imu' ya' mancambuk sook da ani'ta sook warga negara Roma ge' tanpa gat'n ngadil?"' ²⁶ Sa' perwira dakoh dangah, ini' anu ka kapala pasukan ge' muji'a', wat'n nak, "Jai da aok imu' umas? Barang, sok diah ani'ta sook warga nagara Roma." ²⁷ Maka, kapala pasukan dakoh utukng ge' nyansana ka Paulus, "muji'lah ka'iko, diu'ta imu' sook warga nagara Roma?" Ge', Paulus muji', "ai'." ²⁸ Kapala pasukan dakoh naham, "Iko' kaat'n kawarganegaraan diah nige sajumlah aihyo uang. " Ge', Paulus muji', "Barang, iko' jadi warga nagara uleh kalahiran." ²⁹ Maka, ayo-sok da aok mariksa Paulus langsung ngagat'n'a ge' kapala pasukan jadi buut sa' ini pane kalo Paulus ani'ta sook warga nagara Roma ge' kalo ini' laka ningo'a Paulus Nyansana nige Pamimpin Yahudi ³⁰ Tapi aok'a, pas ano barikut'a barang kapala pasukan ngate pane alasan sabanar'a jai Paulus gat'n nuduh uleh ayo-sok Yahudi dakoh, ini' ngarapas Paulus ge' marintah imam-imam kapala nige saluruh Sanhedrin ya' bakumpul, lalu ini' minsakng Paulus disah ge' manghadap'a ka tuda-uda ayo'a.