¹ Ani saat'a, ni' ani wak jamaat Antiokhia, nabi-nabi ge' guru-guru, diu'ta Barnabas, Simeon da gat'n muji Niger, Lukius umpat'n Kirene, Menahem da gat'n ngangkaihyo samahu Herodes, raja wilayah, ge' Saulus. ² Samantara ayo-sok diah sadakng sambayang ka Tuhan ge' bapuasa, Roh Kudus muji', da ngusus mangkat'n ko' Barnabas ge Saulus ya' tugas da ya' dakoh iko' laka maba ayo'a." ³ Laka dakoh, ngalaka ayo'a bapuasa ge' badoa, nige numpang barekng ayo'a ka samo Barnabas ge' Saulus, ayo'a ngutus kadua'a anu. Barnabas ge' Saulus wak Pulau Siprus ⁴ Maka, ngalaka gat'n ngutus anu uleh Roh Kudus, Barnabas ge' Saulus disah ka Seleukia, ge' umpat'n teet ayo'a balayar ka Siprus. ⁵ Waktu ayo'a tiba wak Salamis, ayo'a nyarita firman Jabata wak sinagoge-sinagoge sok Yahudi, lalu ayo'a uga minsakng Yohanes sabage palayan ayo'a. ⁶ Pas ayo'a anu manjalajahi samaan pulau sampe ka Pafos, ayo'a kaat'n sok tukang nyihir, sok nabi palsu Yahudi, da bagaat'n Baryesus. ⁷ Ini' samahu nige Prokonsul Sergius Paulus, sook da cerdas, da mahi Barnabas ge' Saulus utukng ka ini' ge' ngate dangah firman Jabata. ⁸ Tapi aok'a, Elimas, tukang nyihir dakoh, barang ladakohlah gaat'na gat'n ngubah, nantang Barnabas ge' Saulus, nige barusaha ngabingkok Prokonsul dakoh umpat'n iman'a. ⁹ Barang, Saulus, da gat'n ngenal sabage Paulus, gat'n ngampahnunige Roh Kudus, natap elimas, ¹⁰ ge' muji', "Hei imu', da pahnu nige sagala tipu muslihat ge' sagala da jahe, imu' diu'ta anak Iblis, imu' diu'ta munsuh umpat'n sagala da taman, kati ngate imu' angkah ngabingkok pagala Tuhan da lurus? ¹¹ Mati, milelah, barekng Tuhan utukng ka samomu' aok jadi buta ge' kati mile matuano salama' mani jam." Pas ladakoh uga, amput'n ge' patakng disah ka samo'a ge' ini' anu kalilikng najo sok ya' nuntun barekng'a. ¹² Lalu, Prokonsul dakoh jadi pacaya pas mile jai da ngalaka tarjadi barang ini' kagum taradap ajaran Tuhan. Paulus ge' Barnabas anu ka kota Antiokhia wak wilayah Pisidia ¹³ Ani saat'a, Paulus ge' ayo-sok da nige'a balayar umpat'n Pafos sampe ka Perga, wak Pamfilia, tapi Yohanes ngagat'n ayo'a ge' malik ka Yerusalem. ¹⁴ Barang, Saulus ge' Barnabas ngalanjut pajalat'n'a umpat'n Perga ge' sampe wak Antiokhia, wak Pisidia. Ge', pas ano sabat, ayo'a anu ka sinagoge ge' unyung ka teet. ¹⁵ Laka maca Hukum Taurat ge' kitab para nabi, kapala-kapala sinagoge ngadu sok nyansana ka kadua rasul dakoh, "Ayo-age, sa' imu' umpu sarat'n-sarat'n penghiburan ya' ayo-sok diah, muji'ta lah." ¹⁶ Maka, Paulus agut'n ge' mangkat'n isyarat nige barekng'a ge' nyansana, "Hei ayo-sok Israel ge' imu' da buut aok ka Jabata, dangahmih! ¹⁷ Jabata bangsa Israel diah ngalaka milih ninek moyang ite ge' maninggi bangsa ite salama' ayo'a madi' wak tana Mesir ge' nige' lengan da trangkat, Ini' mimpin ayo'a mungkas umpat'n dakoh. ¹⁸ Salama sakitar ampat puluh tahun, Ini' basabar tradap tingkah laku ayo'a wak padakng balantara. ¹⁹ Ge', ngalaka Ini' membinasakan ijo' bangsa ka tana' kanaan, Ini' mawaris tana' dakoh. ²⁰ Samaan diah tarjadi kira-kira salama 450 taun. Laka dakoh, Jabata nyarah ka ayo'a hakim-hakim sampe ka masa Nabi Samuel. ²¹ Trus, ayo'a mahi sook raja, ge' Jabata mangkat'n ayo'a Saul, anak are-are Kish, sok umpat'n suku Benyamin, salama ampat puluh taun. ²² Lakadakoh Jabata nyingkir Saul, Jabata ngabangkit Daud ya' jadi raja ayo'a da tentang'a Jabata ngalaka basaksi ge' nyansana, 'Iko' ngalaka amput Daud, anak are-are Isai, sok da bakanan wak ate-Ko', da aok umas samaan kahendak-Ko'.' ²³ Umpat'n katurunan sok diah, Jabata, sasuai janji-A, minsakng ka Israel sook Juruselamat, diu'ta Yesus. ²⁴ Sabalum pajutukng Yesus, Yohanes ngalaka nyarita sabalum'a tentang baptisan pertobatan ka samaan sok Israel. ²⁵ Ge', samantara Yohanes sadakng ngangkabas tugas'a ini malar nyansana, 'Imu' kira asi iko' diah? Iko' inya Ini' barang, milelah, sook utukng maka iko' sundal ge' kaya'a pun kati layak muhu'a. ²⁶ Ayo-age, katurunan kaluarga Abraham ge' ayo-sok wak antara imu' da buut aok Jabata, ka ite barita kasalamatan diah ngalaka gat'n nyampe. ²⁷ Barang, ayo'a da madi wak Yerusalem ge' para pamimpin ayo'a, da kati nganal Ini' ge' kati mamaham ucapan ayo nabi, da gat'n maca satiap ano sabat, ngalaka gat'n ganap ucapan ayo nabi dakoh nige ngukum Yesus. ²⁸ Ge', nyakalipun ayo'a kati amput alasan jai pun ya' ngukum kabis, ayo'a mahi Pilatus ya' ngamis-A. ²⁹ Ge', sa' ayo'a mangganap samaan da gat'n nulis tentang Ini, ayo'a ngadisah-A wak sadat'n kuburan. ³⁰ Tapi aok'a, Jabata ngabangkit Ini' umpat'n antara sok kabis, ³¹ ge' salama barano-rano, Yesus nyua adup ka ayo-sok da bariuh nige-A umpat'n Galilea sampe Yerusalem, da mati' jadi saksi-saksi-A mangkat'n bangsa diah. ³² Ge', kai minsakng mangkat'nmu' bait tentang janji Jabata ka sama' te da idu, ³³ Bahwa, Jabata laka napati janji'a dakoh yak ite, anak-anak ayo'a, nige ngabangkit Yesus, ulah da tertulis ka sadat'n kitab Mazmur pasal dua: ' 'Akup'm diu'ta Anak-Ko. Ano diah, Iko ngalaka jadi Bapa-Mu.' ³⁴ Tentang Jabata da ngabangkit Yesus umpat'n antara sok da kabis, kati aok agi kambali ka kabinasaan, Jabata laka nyansana, 'Iko' aok mangkat'n ka imu' barakat da kudus ge' kaat'n gat'n macaya, da gat'n mangkat'n ka Daud.' ³⁵ Dakohlah sabab'a, Ini' uga nyansana ka sadat'n Mazmur da lait'n, 'Akup'm kati aok mambiar sok kudus-mu' mile kabinasaan.' ³⁶ Barang, Daud, laka malayani ganarasi'a sandiri uleh karna kahandak Jabata, lalu kabis, ge' gat'n ngabarikng wak anatara sok dama' da idu', gae mile kabinasaan, ³⁷ Tapi Yesus da Jabata ngabangkit umpat'n antara sok da kabis, kati mile kabinasaan. ³⁸ Uleh karna dakoh, kate'a ni' gat'n panane ulehmu', Ayo-age, bahwa nabo Ini' diahlah pangampunan ka samo duse-duse da gat'n nganyata ka imu', ³⁹ ge' nabo-A, satiap sok da pacaya gat'n ngabebas umpat'n sagala sasuatu'a, da umpat'n'a imu' kati kaat'n gat'n ngabebas uleh Hukum Taurat Musa. ⁴⁰ Jadi, ati-atilah supaya hal da gat'n nyansana wak sadat'n kitab ayo nabi kati tarjadi ka imu': ⁴¹ Ilenih. hei ayo pangejek! Takajut ge' binasalah, barang Iko' bulah karaje wak zamanmu', nyabuah karaje da kati aok imu macaya, ge' bahkan sa' sook manjelas'a ka imu'."' ⁴² Samantara Paulus ge' Barnabas mungkas, Ayo-sok bamohon supaya ayo'a nyampe tentang firman dakoh sa ano sabat laka dakoh. ⁴³ Laka badaput wak sinagoge dakoh, salesai, karah sok Yahudi ge' ayo proselit da buut aok ka Tuhan nganang Paulus ge' Barnabas, da nyansana ka ayo'a ge' nyurong ayo'a ya' malar madi wak sadat'n anugerah jabata. ⁴⁴ Pas hari sabat barikut'a ampir samaan sok wak kota bakumpul ya' dangah firman Tuhan. ⁴⁵ Tapi aok'a, sa' ayo-sok Yahudi mile keramean dakoh, ayo'a gat'n ngampahnu iri ate ge' mule nantang jai da gat'n Paulus nyansana sambil manghujat'a. ⁴⁶ Lalu, Paulus ge' Barnabas ngajawab'a nige pagat'n ge muji', "Hal diah penting bahwa firman Jabata saharus'a gat'n nyata ka imu' labih uru. Barang imu' nolak'a ge' nganggap adupmu' kati pantas umpu idup da kekal, ilelah, kai' bapaling ka bangsa-bangsa lait'n. ⁴⁷ Barang, ladiahlah Tuhan mangkat'n parintah ka kai': ' Iko' laka jadi tarakng yak bangsa-bangsa lait'n supaya imu' kaat'n minsakng kasalamatan sampe ka ujukng bumi."' ⁴⁸ Sa' ayo-sok inya Yahudi dakoh dangah hal diah, ayo'a basukacita ge' mamuliakan firman Tuhan. Ge', karah da laka gat'n nentu idup kekal, jadi pacaya. ⁴⁹ Maka, firman Tuhan nyebar ka saluruh wilayah dakoh. ⁵⁰ Tapi aok'a, ayo-sok Yahudi mangasut mahu-mahu da saleh da terhormat ge' ayo-sok penting wak kota, ge' ngabangkit panganiayaan tradap Paulus ge' Barnabas, gae' ngusir kadua'a mungkas umpat'n daerah baat ayo'a. ⁵¹ Barang, sambil ngimhar dabu umpat'n kaja ayo'a tradap ayo-sok Yahudi wak teet, Paulus ge' Barnabas anu ka Ikonium. ⁵² Ge', ayo murid gat'n ngampahnu nige sukacita ge' nige Roh Kudus.