¹ Karna dakoh, anakko', jadilah kuat sadatn anugerah da ani sadatn Yesus Kristus. ² Jai pun da laka imu' dangah umpatn iko' ka tura karah saksi, pacayakan dakoh ka ayo' sok da setia, da uga mampu ngajar sok laitn. ³ Ngananglah mandarita sebage prajurit Yesus Kristus da bait. ⁴ Kati ani prajurit da nyibukkan adup a' nige' urusan idup nya ando'-ando' supaya ni' kaatn nyenagkan komandan a'. ⁵ Lah dakoh uga nyungan sok olahragawan da ba tanding, ni' kati ao' kaatn mahkota kamenangan kacuali ni' ba tanding manurut paraturan da ba laku. ⁶ Nyungan sok patani da karaje karas nga selayak a' jadi sok pamule da narima asil panen a'. ⁷ Mikirlah jai da ako' muji a' karna Tuhan ao' mangkatnmu' pangartian sadatn sagale hal. ⁸ Ingatlah Kristus Yesus, da laka bangkit umpatn antara sok kabis, katurunan Daud, samu' da iko' muji a' sadatn Injilko', ⁹ Da kat a' iko' mati' mandarita sampe gatn manjare sebage nyungan sok kriminal, tapi Firman Jabata kati ta panjare! ¹⁰ Karna dakoh, iko' ba tahan sadatn sagale sesuatu demi ayo' sok pilihan Jabata supaya ayo' a' uga kaatn ka salamatan da ani sadatn Yesus Kristus ge nige' kamuliaan a' da kekal. ¹¹ Pamuji a' diah batol, "jika ite kabis samahu Ini', ite uga ao' idup samahu ini'. ¹² Jika ite ba tekun, ite uga ao' mamarintah samahu Ini'. Jika ite nyangkal a' Ini', Ni' uga ao' nyangkali ite. ¹³ Jika ite kati setia, Ni' tatap setia, karna Ni' kati kaatn nyangkal adup-A'." Pakaraje da menyenagkan Jabata. ¹⁴ Ingat a' ayo' a'ao' hal-hal diah. Nasehatilah ayo' a' ka hadapan Tuhan agar usah ba debat soal kata-kata, sabab kati ani gune a' ge hanya ao' ngancurkan ayo' sok da dangah a'. ¹⁵ Umaslah da ta bait yak mamparsembahkan adupmu nige' layak ka hadapan Jabata sebage pakaraje da kati perlu manggun, ge da laka ngajar a' perkataan kabenaran nige' tepat. ¹⁶ Ao' tapi, ngindarlah omong kosong da sia-sia karna hal dakoh ao' nuntun ka ketidaksalehan da labih parah. ¹⁷ Perkataan ayo' a' ao' nyebar samu panyakit gangren. Ka anta ayo' a' anilah Himeneus ge Filatus, ¹⁸ Da laka nyimpang umpatn kabenaran, nige' ngansana a' bahwa kanangkitan laka ta jadi. Ayo' a' ngarusak iman sabagian sok. ¹⁹ Namun, Dampar Jabata da kuat tatap agutn nige' materai diah: "Tuhan nnganal asi da jadi umpu-A'," ge "Satiap sok da ngakui gaatn Tuhan arus ngagatn a' kajahatan." ²⁰ Ka sadatn raminda megah, inya sadi ani uga perabot umpatn barawatn ge perak, malainka uga umpatn kayu ge tana' liat. Sabagian gatn gune a' yak tujuan da ta hormat, tapi sabagian yak tujuan da hina. ²¹ Karna dakoh, jika nyungan sok nyuci a' adup umpatn hal-hal da hina, Ni' ao' jadi parabot yak tujuan da ta hormat, gatn ngusus a', ba gune yak tuan a', ge gatn ngayiap a' yak satiap pangaraje da bait. ²² Jauhilah hawa nafsu sok anggod, ge ngagalah kabenaran, iman, kasih, ge damai sejahtera ba samu-samu nige' ayo' a' da maba Tuhan nige' ate da murni. ²³ Hindarilah pa debatan da baga ge kati ba pengetahuan karna imu' pane bahwa hal dakoh ao' mendatangkan a' pa tengkaran. ²⁴ Pelayan Tuhan aruslah kati ba daru, tapi ramah nige' samaan sok, pane ngajar, ge sabar, ²⁵ nige' lambut ngoreksi lawan a'. Samoga Jabata menganugerahi ayo' a' patobatan da nuntun a' ka pengetahuan ao' kebenaran ²⁶ Supaya ayo' a' jadi sadar ge ngarapas a' adup umpatn jebakan iblis da laka menawan ayo' a' yak majalatn a' ka inginan a'.