¹ Umpat'n Paulus, rasul Yesus Kristus da gat'n milih Jabata sesuai nige Janji kahidupan da ani ka sadat'n Yesus Kristus. ² Ankat'n Timotius, anak da gat'n nyayang. Anugerah, pamase, ge damai sejahtera umpat'n Jabata, Bapa, ge Yesus Kristus, Tuhan ite. Nasehat untuk Tarus ngabar Injil ³ Iko' ti madi-madi ba sukur ka Jabata, da ko' layan a' nige ate nurani da bersih samu' da nini' moyangko' bulah, jangkah ko' nyanuutmu' ka sadat'n doa-doako' asat ngarum. ⁴ Jangkah iko' sanuut ge pait'n matu mu', iko' ngate milemu' supaya sukacitako' panhu. ⁵ Iko' gat'n ingat nige imanmu' da tulus, da mule-mula idup sadat'n samma' mu' Lois, ge sinno' mu' Eunike, ge iko' yakin mati' idup sadat'n imu' uga. ⁶ Yak alasan diahlah, iko' nyanuutmu' agar tarus mangobarkan karunia Jabatada ani ka adupmu nabo' penumpangan barek ko'. ⁷ Sabab, Jabata ti mangkat'n ka ite roh uncot, melainkan roh kakuatan, kasih, ge penguasaan diri. ⁸ Jadi, usah manggun bersaksi tentang Tuhan ite' ato tentang iko', tahanan-A'. Ao' tatapi, oleh kuasa Jabata ngananglah mandarita demi Injil. ⁹ Ini' lah da laka nyelamatkan ite ge maba ite nige pantalah Kudus, inya karna pabulah ite, melaikan karna tujuan ge anugerah Adup-A da ngalaka Ni' mangkat'n ka ite' sadat'n Yesus Keristus sebelum dunia ani. ¹⁰ Mati', hal diah ngalaka jadi nyata nabo' pajutunk'ng Juru Selamat ite Yesus Kristus da ngalaka ngapus pangkabis ge minsank'ng ka hidupan ge kekekalan nabo' Injil. ¹¹ Oleh Injil diahlah, iko' ni nojo' jadi pengkhotbah, rasul, ge guru. ¹² Ikohlah sabab a', iko' mandarita samu mati' diah. Namun, iko' kati manggun karna iko pane ka asi iko' pacaya nge iko yakin bahwa Ni' sanggup jage jai da ngalaka Ni' pacayakan ka iko' sampe ono ikoh utunk'ng. ¹³ Nyintelahpokok-pokok ajaran-ajaran sehat da ngalaka akump dangah umpat'nko' sadat'n iman ge kasih da ani sadat'n Yesus Kristus. ¹⁴ Nige Roh Kudus da madi' ka sadat'n ite, jagelah bait-bait harta baharga da ngalaka gat'n paca ka imu. ¹⁵ Imu' pane umpat'n fakta bahwa samaan da ani ka Asia ngalaka bapaling umpat'n iko', ka antara ayo' a' anilah Figelus ge Hermogenes. ¹⁶ Kira a' Tuhan mengaruniakan pamase ka uhak ramin Onesiforus karna ni' sering menyegarkanko' ge ti manggun karna iko' kat'n manjara. ¹⁷ Sabalik a', katika nyampe ka Roma, ni' nige samangat mangkeko' ge amputko'. ¹⁸ Kira a' Tuhan ngirik'ng supaya ni' amput'n pamase umpat'n Tuhan pas ano dakoh, langsina adup akump pane mani raya pelayanan da ngalaka ni' mangkat'n ka iko' ka Efesus.