¹ Marati mih ka ano-ano da unyhi, masa-masa da susah da ao' utuk'ng. ² Sabab, sok ao' jadi pacinta adup'a', pacinta uang, suka laceh, sumbong, pangujat, kati' taat ka sok dama, kati' pane batarima kasih, kati' suci, ³ kati' pane mase', kati' ituh badamai, marnuduh, kati' bisa ngandali adup'a', kejam, kati' nyuka jai da bait, ⁴ penghianat, caruboh, lawa, rabeh nyinta hawa nafsu sak ni da ngana mancinta Jabata. ⁵ nampak'a' saleh tapi parayup'm kuasa'a'. Da ngajauhlah sok da samu dakoh. ⁶ Sabab, ka antara ayo'a' ani ayo sook da maruh ka sadat'n jemaat ge' da ngarayu mahu-mahu lamah da gatn ngabeban nige' karah duse ge' nyeret ayo'a' nige' bamacam nafsu. ⁷ Mahu-mahu da samu dakoh salalu balajar , tatapi kati' suah bisa sampe manganal da taman. ⁸ Samu' ge' Yanes ge' Yambres da malawan Musa, ladiah uga sook diah da malawan da taman, pikiran ayo'a' laka rusak ge' iman ayo'a' kati' tahan uji. ⁹ Ao' ta, ayo'a' kati' bisa marabeh jauh agi' karna kabagaan ayo'a' ao' nyata ka satiap sok samu ge' kadua sok dakoh. Nasehat Paulus ka Timotius ¹⁰ Barang, imu' ngalaka nganang ajaranko' , cara idupko, tujuan idupko', imanko', kasabaranko', kasihko' , ge' katakunanko', ¹¹ samu panganyayaan ge' panderitaan da ko' ngalami ka Antiokhia, Ikonium, ge' listra. Iko' batahan sadat'n panganyayaan , ge' Tuhan da nyalamatko' umpat'n samaan dakoh. ¹² Sasungguh'a', samaan sok da ngate idup saleh ka sadat'n Yesus Kristus ao' gat'n nganyanya, ¹³ sadang ayo sok da jahe ge' ayo panipu ao' jadi marabeh jahe' agi, ayo'a' da nyasat ge' gat'n nyasat. ¹⁴ Sadak'ng ya' imu', ngalanjut mih nige' jai da laka imu' palajari ge da ngalaka gatn mu' yakin karna imu' pane umpat'n asimu' mampelajari'a', ¹⁵ samu nige' waktu mu' masih inek imu' ngakala nganal Kitab Suci da sanggup mangkat mu' hikmat ka kasalamatan nabo iman sadat'n Yesus Kristus. ¹⁶ Samaan Kitab Suci gatn Jabata mansingat ge' da bamanfaat ya' ngajar, ya' manyata da sara , ya' ngangkabait kalakuan, ge' ya' ngadidik sadat'n da taman . ¹⁷ Ge' ladakoh, talino da Jabata umpu ao' pane ge' gatn memperlengkap ya' satiap pabulah da bait.