¹ Osa kiong kalimana sumeput I terumpetna, bo ahu mahawilah êsa bintang ê mirumabasoai a mbao itoba, bo besia niean êsa kusi’i mboso i kitob i pawate. ² Yanasa binuha’anam mbonang imboso kitob ipawata wa’aho, osa kumapetai nobol a mboso wa’aho kêpom nobol i papêbaha’an bako’, bo êndo bo baoilangit mêdêndêm I nobol a mboso wa’aho. ³ Bo biboho a nobol mêluaiai manga-borit a mboaitoba bo be silatuhula binean kawasa kele kawasa I manga-lamu-lamu a mboaitoba. ⁴ Bo be silatahula behoyow, sani’aho silatahula hi’i mêdusah I mangaoho a mbaoituba suma mangalumolulun sumahahi manga-tudikayu, sumata’ bati’ totumu’ ê tahêm segel I Ningumêlêd a namosia. ⁵ Bo silatahula bewonga’e ahi’i tanu mamate I totumu’ sumata’ bati’ kumulêng silatuhula lima-nga ulan kaêto’ana, kuhulêng wa’aho kele kuhulêng I lamu-lamu siasia sumehed I totumu’ ⁶ Bo a tepo wa’aho manga-totumu’ mainjo mangilah pawate, sumata silatahula ahi’i mahasauwisia, bo silatuhula maiog mate, sumata’ pawate lumolahai be silatuhula. ⁷ Bo gio iaho manga-borit mêkele kele kawoyo ê mbetekeb tanu papêraugan, bo a mbao I kehong I latuhula bana nêsa keleitu balalugimas, bo tokia’i lata-hula mêkele wo tokia’ I totumu’, ⁸ bo utah I latahula mêkele wo utah I mbene bo ba’ang I latuhula mêkele bo ba’ang isinga, ⁹ bo adadah I latahula mekele wo latang besi, bo ênu’i kalekeb I latuhula kêpom nonggor I manga-kareta ê pakosen tado’o kawayo, ê mêlola-lolah moho a lesad I peperangan. ¹⁰ Bo wai I latahula mêkele wo lamu-lamu bo bana sosehedna, bo a suang I nuri I latehula wa’aho bana kawasa I latahula tanu mawa-ados I totumu’, lima nga-ulan kaêto’ana. ¹¹ Bo daja ê nimêreta silatahula êwa’aho kiong a kitob I pawate, ngalana atutul I Ibrani si Abadon bo atutul Yunanai si Apolion. ¹² Silaka a pahamunan kbehalewatêm. Ja’i talewe’ mainyo lumalas duawe’ kahi silaka ¹³ Osa kiong kaênêmua sumêptu i têrumpetna, bo ahu mahatanga’ êsa ênu lumuai a nêpat sapah I mêsbah mas ê na ndior i Ningumêlêd, ¹⁴ bo kumua a Kiong kaênêmua ê tumaka-taka’ turempet wa’aho: “Ilêpotêm nêpat kiong ê nisogosogot a tai londola wako’ Efrat wa’aho.” ¹⁵ Yanasa belêpotêm nêpat kiong ê sinadia tanu jam bo êndo, bulan bo ta’un tanu mamate iwatêlu I mangatow totumu’ ¹⁶ bo du’utan I sururaho wa’aho duangawulu ribu laksa mahusar; ahu imahatanga’ I ndu’utan I latahula. ¹⁷ Yanasa kelewa’ahom ahu imilah a pêlilahen wa’i manga-hawayo bo manga-totumu’ ê sumake-sake I sia; silatahula malatang latangbesi, meha’i mbana bo bulow bo kera I mbalelang kêlurna; kohong Iaho manga-kawayo mêkele wo kohong I singa bo a mbana ilumuai baha, bo obol bo belelang. ¹⁸ Tatawoi ia’i têlu kasilaka’an pinate iwatêlu imanga-tow êwa’aho tatawoi imbana, bo obol bo balelang, ê nilumuai a mbabana. ¹⁹ Apa’an imbahut imanga-hawayo wa’aho kaerean a suang I mbana bo a suang I nurina. Apa’an urima mêkele wo ulah; silatahula maha-halong bo teka I kohong I latahula wa’aho silatuhula mawawêdusah. ²⁰ Sumata’ totumu’ balina, ê tahi’i imate I aho kasilaka’an, ahi’i hahi mawêdis a tatawoi I kama I latahula : silatahula ahi’i sumondo’ maponiri I manga-tutuh ta’pia bo manga-berhala mas bo pera, a tambaga, batu bo kayu ê hati’i mahawilah suma mahatanga suma malapang, ²¹ bo silatuhula hi’i matobat a papêlimêndan, sihri, pêdêtuhan bo katahowan.