¹ Bo anoras ni’aho mBata’i nDomba muha I segel kawituna, yanasa imêlaliaiêm na sorga, iêpa’io iwarua ngaoras kaêto’ana. ² Osa ahu mahawilah kawitu kioang, ê tumotod I ndior I Ningumêlêd, bo be silatuhula binean pitu têrumpet. ³ Yanasa mahi nêsatow kiong balina, bosia moho tumod susut I mesbah teka êsa pawatutuan I manyan mas. Bo besia binean mayan tado’o tanu iwowalaona mederoro’ teka sombayan I pahasa totumu lênas a mbao I mesbah mas a sa’angên i’aho ndoratuhan. ⁴ Yanasa kumapet ê nobol I mayan mêdo-roro’ teka sombayang I mangatow lênas wa’aho a kama i’aho kiong moho a ndior I Ningumêlêd. ⁵ Osa ni’aho kiong mindo i’aho pawatutuan I mayan, suangana baha I mesbah, bo masot i’aho a mbaoitoba. Yanasa tutohai nênu’ I koruhud, iwalalas I kilat bo mangoawo’ ⁶ Bo kawitu kiong ê tumaka-taka terumpet wa’aho mateke-tekebêm sumêput I têrumpet. ⁷ Osa kiong pertama sumêput I têrumpetna bo behamoalim têka eis, bo baha, kêmuhêmuan daha’ ; bo pahasa wa’aho bewasot a mboaitoba; yanasa kinatutuanêm iwatêlu I mbaoitoba bo iwatêlu I manga-mahatud bo imasêungitêm pahasa-oho-oho mata’ ⁸ Osa kiong karuana semêput I têrumpetna bo bana nêsa kêpom dungusan bako’, ê melalabange I mbaha, betepa a saloyon. Bo inatêlui aho saloyon imamoali daha’, ⁹ bo mamate iwatêlu I pahasa bengêlêd ê maha-aseng a saloyon bo imatutuseêm niwatêlu I pahasa kapal. ¹⁰ Osa kiong ê katêluna sumêput I têrumpetna bo a laingit dumabasoai êsa bintang bako’, mêlalab kele koheraw, bo dumatung I watêlu imanga-londola bo manga-lumbuhan inahe. ¹¹ Ngalan I aho mbintang Apsintus. Bo iwatêlu I pahasa ahe mamoali apsinbus, bo tado’o totumu’ imamete tawoi i’aho mahe, apa’an imêpêtu’um. ¹² Osa kiong kaêpatna sumêput I têrumpetna bo kinawakuranêm ni watêlu i nêndo bo iwatêlu I mbulan bo iwatêlu I manga-bintang, mahad iwaêluna imêdêdêm bo iwatêlu I kauha’an ahi’i tumêrang bo kelewa’aho hahi ê mbêngi. ¹³ Osa ahu mahawilah: ahu imahatanga’ êsa melepad balilangan lumepad a mbêtu’ i langit bo kumua karenên ênu mo’arid: “silaka, silaka, imasilakam silatahula ê mututun a mbaoitoba tatawoi I nênu’ I têrumpet I katêlu kiong balina, ê mainjo sumêputwe’ i terumpetna.”