¹ Ihaleotoho ni’aku, mêlilah ahu êpat kiong tumotod a kaêpat du’u I mbaoitoba bo silatahula isumukud I kaêpat kakab I mbaoitoba, sani’aho alahêm kakab sumeputai a andarat, suma a saloyon suma a manga-mahatud. ² Bo ahu mêlilah êsatow kiong balina ilumêmbo a pawaliaian I nendo. Sia mape’aweang segel I Ningumeled e menonow; tumerewa sia karengan I nenu’ bawakalea a mepat kiong e mbewasiu tanu medusah I mbaoitoba bo saloyon, ³ kuana: “Kanawe’ mêdusah I mbaoitoba suma saloyon suma manga-mahatud atalawe’ kamitahula I sumegel I namo I latahula!” ⁴ Bo ahu mahatanga’ du’utan ilatahula ê sinegel wa’aho pahasa bala’ suru I Israel. ⁵ A mbala’ I Yuheda sangawiluluboruan ribu ê singel, a mbala’i Ruben sangawulu’ borua ribu, a mbaka’i Gad sangawulu’ borua ribu, ⁶ a mbala’ I Asyer sangawulu’ borua ribu, a mbala’i Naptali sangawulu’ boruan ribu, a mbalai Manasye sangawulu’bo rua ribu, ⁷ a mbala’ I simeon sangawulu’ bo rua ribu, a mbala’ I Lewi sangawulu’borua ribu a mabala’i I Isakhar sangawulu’ borua ribu. ⁸ a mala’ I sebulon sangawulu’ borua ribu, a mbala I Yusup sangawulu’ borua ribu, a mbalai Benyamin sangawulu’ bo rua ribu. ⁹ ihaletoho ni’aho siahuimahawilah: kaulitana, sangaruduan bako’ towtado’o ê tahi’i hatebean katado’oana, a marowalina mbanga bo bala’ bo sanganah bo tutul, tumotod a ndior I ndoratuhan bo andior I mbata’i nDomba, malatang juba wudo’ bo tumaka-taka’ manga-tu’nana I palêm a koma I lalatahula. ¹⁰ Bo karenan I nenu bewakalea silatuhula tumerewa’ : “ kawia’an tanu Ningumeled I hamitahula ê ndumatu-ratuh a mbao I ndoratuhan bo tanu Bata’i nDomba!” ¹¹ Bo phasa kiong tumotod tumambu-tambulehe’ I ndoratuhan bo mangamatu-matuah’ bo kaepat bengeled wa’aho, silatuhula beha-hepa a ndior I aho ndoratuhan bo moniri’ I Ningulêlêd, ¹² osa kumua: “Ulit! Drayow bo konunga’an, bo kaêluran bo darayow, bo sisiri’ bo kaimbahutan bo korowotan tanu nigumeled ahad koloko-lokoma! Ulit!” ¹³ Bo êsatow biboho a matu-matua’a kumua weahu: “siseipo’ silatahula ê malatang jubawudo’ wa’aho bo bisanapo’ sasilata, hula mahi?” ¹⁴ Yanasa kuaku besia: “Tuaku, situang mahailahiaho.” osia sia kamuaweahu: “silatuhula wa’i awahêm manga-totumu’ ê nilumuai a kasusa’an bako’ ; bo silatahula imagenmesem I njuba I latahula bo imawawudo’ a sakum I ndaha’ I mbata’ I ndomba. ¹⁵ Kawalian iaho silatuhula tumotod a ndior I ndnatuhan I nigumeled bo masali I sia êndo wowengi a mbale lenas-Na. Bo si sia ê ndumatu-ratu a mboa i’aho ndoratuhan mainjo mawa-welad I ndasing-Nga ambao I latuhula. ¹⁶ Silatuhula alam nigon I male’o bo hahi kawelaan bo endo suma kose’engan alam kahi tumena silatuhula. ¹⁷ apa’an mBata’ I nDomba ê natutud i’aho ndoratuhan, mainjo miaha silatuhula bo matod silatuhula a lumbuhan I nahe kaenowan. Bo nigumeled kumusu I pahasa lue’ a mbêlên I latahula.”