¹ Yanasa a melilah wa’aho nbata’ indomba pertama muha a kawitu segel wa’aho, bo mahatanga’ahu e pertama boho a kapat bengeled kumua kepom nenu’ I koruhud: “Mayom !” ² Bo ahu mahawilah: kaulitana, bana nêsa kawayo wudo’ bo totumu’ ê sumakesake isia tumaka-taka’ êsa pana bo besia pinowaladan êsa balalugi. Osa sia dumior kele imaha-singgugat imangambut I kasinggugatan. ³ Bo anoras ni’aho mBata I nDomba muha I segel karuanan, mahatanga’ahu bengeled karuana kumua: “Mayom!” ⁴ Bo dumiorai êsa kawayo walina, êsa kawayo meha’oi’ bororumu’ ê sumake-sake wesia kinomba’an imbahut tanu mindo I sononoi ênow imbaoitoba, ahad silatahula melilimedan, bo besia kinomba’an êsa simalabako’ ⁵ Bo anoras ni’aho m Bata’ iDomba muha I segel katêluna, mahatanga’ ahu bengeled kateluna kumua: “Mayom!” Bo ahu mahu-wila: kaulitana, bananêsa kawayo wuling bo totumu’ sumake-sake wesia tumaka-taka’ êsa patumbi’an a kamana. ⁶ Bo ahu imahatanga’ kelembana ênênu’ a tutud i’aho kaepat bengeled kumua: “Mahasa I cupa bukeran êsa dinar, bo mahatêlu I cupa njelai êsa dinar sumata’na’am dusakên ni’aho solo bo anggor.” ⁷ bo anoras ni’aho mBata’ I nDomba muha I segel kaepatua, mahatanga’ahu ênu’ I mbengeled kaempatna kumua: “Mayom!” ⁸ Bo ahu I melilah: kaulitana, bana nesa kawayo mata’mohero bo totumu’ sumake-sake wisia maha-ngalau si pawate bo kaholano’an I pawate malalasisia. Bo besilatahula bimean kawasa a niwahapat I mbaoitoba tanu niêlimêd teka kobit bo karêngan kale’oan bo limud, bo karêngan manga-biagên ahas ê na mbaoitoba. ⁹ Bo anoras ni’aho mBata’ in Domba muha I segel kalimana, melilah aku andalem I mesbah manga-hanalu I lalatula ê mainjo pinate apa’an kukua I Ningumeled bo tatawoi I kawairian ê mbesilatahula. ¹⁰ Bo silatahula tumerewa’ bewakalea, kuana: “Tahulawe kaêto’an, o mahaimbahut ê lênas bo ulit, sihow hi’i misa’bo malas I ndaha’ I hamitabula be silatuhula ê mututun a mbaoitoba?” ¹¹ bo besilatahula êsa-êsa binean êsa jubawudo’, bo silatuhula musti lumêmêt alam êto’ ahad malêkêw Ndu’utan manga-harua masali bo bomanga-wog I latahula, ê mainjo paten mêkele kele silatuhula. ¹² Yanasa ahu mahawilah, anoras ni aho mbata’ I ndomba muha I segel kaenemna, kaulitana behamoalim mangoawa’ ê ta’mêri bo êndo mêbuling kêpom karong I nutah bo bulan imêmeha’ pahasa kêpom udaha’. ¹³ Bo manga-bintang a langit I mêdabasoai a mbaoitoba kêpom kayuara imawa-rabas I manga-bua’na ê mata’ sa sia irandu’ i kakab dêpêt. ¹⁴ Yanasa I humêsutêm langit kêpom likunan i kitap êmbelikun bo besoyoêm mangadungusan bo manga-libuton a tampana. ¹⁵ Bo manga-daja a mbaoitoba bo manga-towako’ taka mangapatona’asên, bo manga-tosiha’ teka mangatow maha-imbahut, bo pahasa ata teka totumu’ merdeka imêduru a manga-bilahu’ bo manga-êmpang imbatukarang a ndungusan. ¹⁶ Bo silatahula kumua a mangadungusan bo a maya-batukarang wa’aho: “Ihawiowêm tumênamoai ihamitahula ba iwawa-ruru kamitahula andior-Ra, ê ndumatu-ratuh a mbao I ndoratuhan bo andior I tokia’ i’aho mBata’ I nDomba.” ¹⁷ nde mbeho’amaêm nêndo wako’ boro’ I latahula bo sisei ê udo’na tumo’unoi?