¹ Yanasa ahu mêlilah a kamahanoal I sia ê nolumaturatuh a mbao i’aho ndoratuhan, sanga-likun kitap, ê pinatihan a suang bo a luara bo sinegel I pitu segel. ² Bo ahu imêlilak êsatow kiong ê mbangun, ê tumerewa’ karêngan bawakalea, kuana: “ Sisei ê mê tena’an muha i’aho likunan I kitap bo muha I manga-segala?” ³ sata’a alahemai mande esatow e na sorga suma a mbaoitoba suma a ndalem I toba, e ndo’na mahawulia I likunan I aho kitap suma do’na milah I suanga. ⁴ Yanasa ahu mekae’ ni’it io’ matape apa’an alahemai mande esatow e katamen matema’an tanu muha I likunan I aho kitap sumahahi milah I suanga. ⁵ Osa mohodait e satow biboho a matu matua’a beahu: “na’am kow mekae! Kaulitana singa a mbala I Yehuda, êwa’aho sisina I Daud isuminggugatem, mahad sia dona muha I aho likunan I kitap bo muha i’aho kawitu segela.” ⁶ Yanasa ahu mahawilah atutud I ndoratuhan bo kaepat bengeled wa’aho bo a tutud i’aho mangamatu-matua’ tumotod êsa Bata’ I ndomba kepom belusam, mahasapah pitu bo maha-welen pitu: ê wa’ahom e kawitu Tutuh I Ningumeled e mbesiu a sereb I mbao I toba. ⁷ Osa mahi ni’aho mbata’i domba bo tumirima I aho likunan I kitap a kamaNa ê ndumatu-ratuh a mbao i’aho ndoratuhan. ⁸ A moras Sia nindo i’aho likunan I kitap, behasuma’am ni’aho kaepat bengeled bo karua-ngawulu’ bo êpat matu-matu’a a ndior I mBata’ I nDomba wa’ aho, êsa-êsa tumaka-taka’ êsa kacapi bo êsa kowêr mas, mawuli-wuling I manyan êwa’ahom sombayang I manga-totumu’ lênas. ⁹ Bo silatahula makatar êsa kahatarên taleya kuana: “ Si how metena’an tumirima i’aho likunan I kitap bo muha I manga segela; apa’an siitow belusam bo teka daha’-Nu sihow itumelesesem silatuhula tanu ningumeled a nesa-esa bala’ bo tutul bo manga-bala bo bangsa. ¹⁰ bo sihow itumulindem silatuhula imamoali êsa kaholano’an, bo imamoali manga-balian tanu Ningumeled I hita, bo silatuhula mainjo mapereta kele daja a mbaoitoba.” ¹¹ Yanasa ahu mahawilah bo mahatanga’ ênu’ tado’o I Kiong kumêkêd I ndora-tuhan, manga-bengeled bo matu-matu’a wa’aho; du’utan ; latahula molaksa-laksa bo moribu-ritu laksa, ¹² kuana bewakelea: “ Bata I nDomba ê mbelusa wa’aho tumena tumirima I nimbahut, bo kasiaha’an, bo turus, bo korowotan, bo sisiri’ bo konunga’an, bo dara-yowên!” ¹³ bo ahu imahatanga’, pahasa bengeled e na sorga bo e na mbaoitoba bo e na saloyon bo pahasa e nasuanga, kumua: “ tanu si sia e ndumatu-ratuh a mbao I ndoratuhan bo tanu Bata’ I nDomba, ewaêm darayowên bo sisiri’ bo konunga’an bo imbahut’ ahad koloko-lokona! ¹⁴ Bo kaepat bengeled wa’aho kumua: “ulit”. Bo wa’ahu manga-matu-matu’a behasalikokob bo moniri”.