¹ Lumalas bibowa mêlilah aku: kaulitauna, êsa wenang behawulia a sorga bo êniê ê na pahanuman tinanga’kum, kemua we ahu kêpo nênie I turumpet, kuana: kumapetêmoai bo ahu mainjo tumuru’ be how asia musti ihamoali ihaleotoho nia’i. ² Tilahun ahu beamasan I Tutuh bo pilahên, êsa doratuhan behatulid a sorga, bo biboho a udoratuhan dumatu-ratuh Êsatow. ³ Bo siseaê mêdatu-ratu boboho a ndona-tuhan kawilahan kêpom kelana yaspis bo kelana sardis, bo êsa duni’ kumêkêkêd I aho ndoratuhan mênda-êndawêm kêpo kelana mata-mata’an. ⁴ Bo a tambulehe’ I aho udoratuhan bana ndua nga-wulu’ bo êpat doratuhan, bo a manga-doratuhan wa’aho dumatu-ratuh dua-ngawulu’ bo êpat matu-matu’a, ê malatang budo’ bo balalugi mas kohong I latahula. ⁵ Bo bilboho a ndoratuhan I lumuai kilat bo genggori kuruhud matana’ bo pitu koheraw mêlalab a sa’angên I aho ndoratuhan, êwa’aho kawitu Tutuh I Ningumêlêd. ⁶ Bo a sa’angên I aho ndora-tuhan bana soloyon kaca kêpom mandas, a tutud I aho ndoratuhan bo a tambulehe’na bana nêpat bengêlêd mawuli-wuling I unbêlên, a ndoro’ I sa’angên bo andoro’ I lihud. ⁷ Awahêm bengêlêd pertama mêkele kele singa, bo bengêlêd ê karuana mekele kele kedongani sapi, bo bengêlêd ê katêluna mahatokia’ kele tokia’ I totumu’, bo bengêlêd kapatua kêlê mekepad balilangan ê mêlepa-lepad. ⁸ bo kaêpat beugêlêd ma’ahu êsa-êsa maha-halekeb ênêm, tambulehe’na bo atuluung I suanga mawuli-wuling I mbêlên, bo karêngan I tahi’i sumondo’ silatuhula materewa’ êndo wo wêngi; “ Lênas, lênas, lênaêm ngêlêdtow Ningumêlêd, Ê moimbahut, ê mbanam boêmbana bo ê mainjo mahi.” ⁹ bo susud ni’aho manga-bengeled mowalad darayowen, bo sisiri’ bo darayow be sia, e nduma turatuh ambao I aho ndoratuhan bo ê mênonow ahad I koloko-lokona, ¹⁰ yanasa behahêpam ni’aho ndua ngawulu’ bo epat matu-matu’a andior-na e ndumatu-ratu a mbao i’aho ndoratuhan bo silatuhula moniri’i sia e menonow ahad koloko-lokona. Bo silatuhula I mamasat I mbalalugina a sa’angen I aho ndora tuhan , osa kumua: ¹¹ “O ngeledtow bo nigumeled I hamitahula, sittow tena tumirima I ndarayow bo sisiri’ bo imbahut; apa-apa’an sitow ê nimêngeledem I pahasa; bo apa’an I padung-Ngu pahasa I aho bana bo bengeled.