¹ Bo I wamatihêm tanu kiong I njama’at a Sardis: Êwa’im kukua-Na, ê mahasawa I kawitu Tutuh. Ningumêlêd bo wa’aho kawitu bintang. Kailahan-Ku pahasa pawatawoine : sihow iwwapakua mênonow, kandati how imate! ² Tumodêm, bo I wawa-rowatêm asia ê toyo’ta’am mate, apa’an alahêmai mande êsa a patuwoiênu kinaeran-Ku tolimomod a ndior I Ningumêlêd-Ku. ³ Kawalian I aho imunên, kalembisa how itumirimam bo itumanga’isia, ku’itan ni’ahobo matobatêm! Nde sahow hi’i mahia-iaha, si ahu aminyo mau kale totahow ba sihow ahi’i mahailah a tepo mbisa Ahu mêtalwê’ai mahi wehow. ⁴ Sata’a Sardis bana tatahulatow ê tahi’i imawatatah I lataga; silatahula mainjo lumapang bo si Ahu a malatang budi’, nda silatuhula mêtêna’an tanu kale wa’aho. ⁵ Siseinge suminggugat, pêlatungan sia latang budo’ kalewa’aho, si Ahu ahi’i kumusu I ngalana a kitap katowan, sumata’ si Ahu mainjo monge’ei ngalana a ndior I Namang-Ku bo a sasa’angên I manga-kiong-Nga. ⁶ Seisei maha-talinga, imerot sia mahatanga’ asia ê nihua I tutuh tanu manga-jama’at. ⁷ “Bo iwatu hêm tanu kiong I njama’at a piladelpia: Êwa’im ê kukua I Ê Lênas, Ê Nulit, ê tumaka-taka’i kusi’ I Daud; sia sia muha, alahêm ê mahaelei tumakêw; sa sia tumaêw, alahêm ê makaelei muka. ⁸ Kalilahan-Ku pahasa pawatawoiênu: pilakên si Ahu imuham I mbonang tanu si how, ê tanu’i mata’u itaêw imande êsatow. Kailahan – Ku awakêm korowotanu ahi’i helembisa, sata’ sihow mawaku’it I kukua-Hu bo sihow ahi’i isumakal I ngalan-Ku. ⁹ Pilahên, tatahulatow jama’at I Tapatena’, êwa’aho silatahula ê mapakua I sia tow I Yahudi, sata’ ê nulitna ahi’i helewa’aho, sumata’ towo, mainjo iayo-Hu be how, kaulitana si Ahu mainjo masiu silatahula mahi bo ihahêpa’ a sa’angên I na’enu bo mangaku, awahêm Ahu mahelês I how. ¹⁰ Apa-apa’an kow maki’it akukua-Hu, tanu kundu manondo-nondo’ I Ahu, yanasa si Ahu hahi mainyo muyung I how a nêndo pangêpêan ê malengai I lohow imbaoitoba tanu mangêpe’ silatahula ê maututun a mbaoitoba. ¹¹ Si Ahu tilaho mahi. Tikêmên asia ê mbana we how, sani’aho alahêm mande êsatow mindo I mbalaluginu. ¹² siseiange mahasinggugat tulidên-Ku sia mamoali tu’ul ête’ ambele Lênas I Ningumêlêd-Ku bosia alam kahi lumuai wiboho; bo besia patihan-Ku ngalan I Ningumêlêd-Ku, ngalan ikota I Ningumêlêd-Ku, êwa’aho Yerusalem taleya, ê na sorga sa lumolasai a Ningumêlêd-Ku, bo ngalan-Ku taleya. ¹³ Sisei maha-talinga, imerot sia mahatanga’ asia ê mbehua I Tutuh a manga jema’at” ¹⁴ Bo iwatihêm tanu kiong I njama’at a Laodikia: Ê wa’im kukua ulit, sairi ê kundu bo ulit, tino.toluan I mbengêlêd I Ningumêlêd; ¹⁵ Si Ahu mahailah I pahasa pawatawoiênu: sihow hi’i utin bo hi’i waso’. Ime’em kamaulêngana sa how utin suma waso’! ¹⁶ Yanasa nole how ndate, bo hi’i utin sumawaso’, si Ahu mainjo a mba’-ba-Hu mêlua’i how. ¹⁷ Apa’an kow ihumua: siahu siha’ bo siahu imawa-wêsiha’am I ahu mio’ bo siahu ahêm kahurangan wasi-wasia, bo apa’an ahi’i how moho’ita’u, awahêm ahi’i how moho’ita’u, awahêm kow ipit, bo silaka, lêngei, buta bo kêda’ai, ¹⁸ Yanasa Ahu meheturu’ behow, sani’aho how tumêlês be Ahu mas ê udinuduwêm a mbaha, sani’aho how mêsiha, bohahi latang budo’, sani’aho latangênu, sani’aho ha’ kawilahan kahêda’aianu ê maha-sokia’an; bo bahi solo tanu sumawu I mbêlênu, sani’aho how do’na mêlilak. ¹⁹ Sasiange nihalês-Ku sia parowên-Ku bo sambêtan-Ku, kawalian iaho iake natenu bo matobatêm.! ²⁰ Pilahên, si Ahu tumotoda ndior imbonang bo tumêkol, sa wana totumu’ mahatnga’ I nênu’-Ku bo muha I mbonang, mainjo Ahu sumuang sumauwisia bo ahu kuman makarua wo sisia; bo sisia iwakarua-Hu. ²¹ sisuage suminggugat, iwawaratuh-Kusia makarua wo si Ahu a mboa indoratuhan-Ku, mêkele hahi wo si Ahu imaha-singgugatem bo dumatu-ratuk bo Amang-Ku a mbao I ndoratuhan-Na, ²² siseiange mahatalinga I merot sia mahatanga’ I nasia ê nihua I Tutuh a manga-jemaat.”