¹ Iwatihêm tanu a kiong I njama’at a Epesus: êwa’im kukua-Na, ê tumaka-taka’ I aho mbintang a kama kanoal-na bo imalepang a tutud I kawitu a’ei sosoloan mas wa’aho. ² Kailahan-Ku pahasa patawoiênu : maelêng a poloku-lokoanu suma kohunduanu. Kailahan-Ku, awahêm sihow ahu’i êlud a mangatotumu’ ta’pia, awahêm sihow imangêpe’em silatahula ê mapakua sia siou, sumata ê kaulitana ahu’i helewa’aho, awahêm kinoamatanum silatahula tatowon. ³ Bo sihow imenet êlud bo iamhigon apa’an ngalan-Ku; bo sihow ahi’i mahaêlam palo’. ⁴ sumata’Ahu monero-nero I how, apa’an imêpa’amio kow I mbêlêsnu ê pahamunan. ⁵ Kawalian I aho imunên ime’em karalêmana how bahatia! Matobatêm bo maleng tuliaên asia napahamunan tinulidnu. Sa tahi’i halewa’aho, malengai ahu we how bo injon-Ku ê na’e isosoloanu a totodana, sa how hi’i matobat. ⁶ sumata’a wa’i ê mabana wehow ê wa’aho sihow mare’e I pahasa tatawoi I manga-malalas si nikolaus, ê nihare’e-Huy hahi. ⁷ Sisei maha-talinga, imerot sia tumanga’ asia ê mbehua I tutuh a manga-jema’at; siseiange mahasinggugat, sisia bean-Ku kakanên I tud I katowan ê mbana na taman Pirdaus I Ningumêlêd” ⁸ “Bo I wamatihêm tanu kiong injama’at Smirna: Êwa’im kukua I n To’tolan bo A sa pêtan, ê nimatem bo maleng I tumow: ⁹ kailahan-Ku kaipitanu bo kalêngeianu – sata’ sihow siha’ - bo doros ilatahula, ê mapakua sisia tow I yahudi, sumata’ ê kaulitana hi’i helewa’aho ; saliku’na silatahula awahêm jema’at I tapatena’ ¹⁰ Na’ matalo a nasia ê mustinu igonên! Kaulitana tapatena’ mainjo masot tatahulatow a tutud I honotahula a torunggu sani’aho komotahula êpe’an bo komotahula mahaere kasusa’an kaêto’ sangawulu’ ngando. Imerot kow kundu ahad I mate, bo ahu mainjo kumomba’ behow balalugi I katowan. ¹¹ Sisei maha-talinga., imerot sia maha-tanga’a sia ê nihua I Tutuh a magol jema’at: Siset mahasinggugat, sisia ahi’i mainjo mapongigon awa-awa a patean karuana”. ¹² “Bo iwamatiêm tanu kiong I njama’at a Pergamus: Êwa’im kukua-Na, ê mapake simala têbêl bo dua mbêlêna. ¹³ Kailahan-Ku bisana nututunanu, êwa’aho bibuli’, a lesad doratuhan I tapatena’; bo sihow mataha’ a ngalan-Ku, bo sihow hi’i isumakal kawaliemanu be Ahu, bo hahi hi’i a sinêpean I Antipas, sairi-itu, ê kundu be – Ahu, ê mbelimêd a sasa’angên I homotahula, a nututunan I tapatena’. ¹⁴ Sumata’ ahu bana tatahula katanêdan be how a tutudnu bana tatahulatuw ê malalas a sosusui I Bileanu, ê mapahe tutur’ besi balak tanu mawaureng I tow Israel, sani’aho silatuhula makan I pawasil a mberhala bo mêwêdêtul. ¹⁵ kelewa’aho hahi bana mbe-how mangatotumu’ê mataka’ asusui I Nikolaus. ¹⁶ Kawalian I’aho matabeêm ! Satahi’i kelewa’aho, tilahonêm Ahu mahi wehow bo ahu mêrang silatahula teka simala ê na mbaba-Hu wa’i. ¹⁷ Sesei mahatalinga, imerot sia managa’ asia nihua I Tutuh a manga-jemaat: siseiange mahasinggugat, be sia mainjo bean-Ku imana dumururu, bo mehe ahu be how batu wudo’, ê na mbaona pati-watihan ngalan telaya, e tahi’i hailahan siseiange, ihawalina a tumirimaisia. ¹⁸ “Bo iwanatuhêm tanu kiong I njama’at a taitira: Êwa’im kukua I mBata’i Ningumêlêd, ê mbêlên-A kêpom nêlab I mbaha bo a’e-Na kêpom besi tambaga; ¹⁹ kailahan-Ku pahasa pawatawoiênu: mauleêng bêlêsnu bohahikawahemanu, maulêng kawasalinu bo hahi kahunduanu. Kailahan-Ku, awahêm pinatawoinu a kahadaan lebe tado’o nde a pahamunan. ²⁰ Sumata’ Ahu menero’ I how, apa’an kow imayai I mbene si Tzebel, ê mapakua sisia balianbene, mawasusui bo mapawa lireng I manga-sosiu-Hu sania’ahomawa-pêdetuh bo mawu-Kan I manga-bewasil a mberhala. ²¹ Bo imehem Ahu tepo be sia tanu matobat, sumata’sia ahi’i maibog matobat I ndêtuhna. ²² Pilahên, si Ahu mainjomasot I sia a mbao I nggowot I tow pahadosan bo silatuhula ê mêwê-detuh bo si sia mainjo iwasot-Ku a kasusa’an bako’, sa silatuhula ahi’i matobat a manga-tatawoi I aho mbene. ²³ Bo manga-wata’na mainjo iwawa-wate Hu bo pahasajema’at mainjo mahailah awahêm si Ahum ê nitume’es I kêhê Ahu mainjo malas tanu homotahula a pahasatow ê maki’it a tatawona. ²⁴ Sata’tanu homotahula, êwa’aho mangatowalina a Tiaatira, ê tahi’i malalas I aho sosusui bo ê tahi’i imasilih asia ê niwapakua ilatahula popotalian I tapatena’, be homotahul kumua Ahu : Si Ahu ahi’i maibog mawalihud tangongan balina be how. ²⁵ Sata’ asia ê mbana wehow, tikêmên ni’aho ahad Ahu mahi. ²⁶ Bosiseiange suminggugat bo tumulid I tawoiên – Ku mahad a kasapêtana, besia mainyo komba’an – Ku imbahut a manga-bangsa; ²⁷ bo sia mainyo paêreta silatahula teka butul besi; silatuhula mainjo pawehên kale kure’ I tapatulid kure – mêkele kele ê tinirima-Hu a numang-Ku- ²⁸ bo bisia mainjo komba’an – Ku bintang timur. ²⁹ Sisei mahatalinga, imerot sia tumanga’ asia ê nihua I Tutuh a manga-jema’at.