¹ Bo ahu mahawilah êsatow kiong balina ê morowot a sorga sa lumolos, sapu-saputeên I kambur, bo duni’bana nambao I kohonga bo takia’na mêkelwo êndo, bo a’ena kêpom tu’ul baha. ² A kamana sia kumêkêkêm êsa likunan kitap kisit ê muha-wuha. Sia imawatando’i na’e-hanoalna a saloyon bo a’e-holodina a mbaoitoba. ³ Bo sia tumerewa bewakalea kele singa I manguang. Bo ihaworusoho sia nitumerewa, wa’aho pitu koruhud mawatanga I mêrutna. ⁴ Bo ihaworusoho ni’aho pitu koruhud behaom mênunu’, mapandung ahu matih i’aho, sumata mahatanga’ahu ênu a sorga kumua: “Isegelêm asia ê mbehua i’aho pitu koruhud bo na’am kow matih i’aho!” ⁵ Bu diong ê mbelilahku tunotod a mbas I soloyon bo ambaoitobe, mailang I kawa hanoala a langit, ⁶ Bo sia iwasupa tanu si Sia ê nênonow ahad kaêto-êto’na, ê ninêngêlêdêm i langit bo pahasa suanga, bo baoitobe bo paluasa ruanga, bo saloyom bo pahasa suanga, kuana: “alam kehi ê niharotyot! ⁷ Sumata’ anaras nu’i têrenupet i kiong kawituna, êwa’aho sa sia sumeput i têumpetna, Yonasa, i nainji lekewen tinepuau i mbetahu’ i ningemeled, kale ê umbehilia nam a manga sosiu-Na, ê wa’aho moanabi”. ⁸ Bo ênu ê tinanga’kum a langit osa mahi wa’aho, kumuahahi weahu, kuana: “Mohonêm, indou likunan i kitap muha-wuha a kama i kiong, ê tumotod a saloyon bo a mbaoitoba wa’aho. ⁹ Osa ahu mohoa kiong wa’aho bo mangelei wesia, sani’aho sia mehe i aho likunan i kitap beahu. Kuana weahu: “Indonêm bo kanênêm sia; tuliêna tianu mahahelam petu’, sumata’a mbabanu kahêlaman sia êma kele biluh.” ¹⁰ Osahu mindo iaho kitap a kamaiaho kiong, bo kumanisia, tianku kahaleman mêpêtu’. ¹¹ Yanasa kumua sia weahu: “sihow musti maleng mawatara a tado’o mbangsa bo a sanganah bo tutul bo daja”