¹ Lumalas bineanêm ahu sanga-londolan naog kuanamolo kele butul sosokad, karêngan i kodait ê wa’i : “Tumodêm bo sokadenem i mbale Lenas i Ningumeled bo mesbah bo silatuhula ê ma’ibadah a suanga. ² Sata’ isaketai lesad i mBale Lênas a tulung i luar, na’am kow sumokadisia, nde sia mbehem a bangsa-wangsa walina bo silatuhula mainjo mohembang i kata Lênas êpat-nga-wulu’ bo rua nga-ulan kaêto’ana.” ³ Bo ahu mainjo mehe tawoiên a ndua sairi-Hu, sani’aho silatuhula mano-buat kerêngan i matapa, sanga-ribu dua nga-tus ênêm nga-wulu’ Kaêto’ana. ⁴ Silatuhula awahêm dua nga-tud saitun bo dua a’ei sosoloan ê tumotod a ndior i Ngêlêdtow i lohow i kayoba’an. ⁵ Bo sabana totumu’ ê mapandung kumulêng silatuhula, lumuaiai mbaha a mbaba i latahula mawasêngit i pahasa sehed i latuhula. Bo sa bana totumu’ ê mapandung kumulêng silatuhula, yanasa totumu’ wa’aho musti mate kelewa’aho. ⁶ Silatuhula maha-rowot tumakêw a langit, sani’aho alam mêkad têka kaêtosilatahula manobuat; bo silatahula maharowot a lohow i nahe tanu malui-isia mamoali olaha’, bo tanu makur i mbaoitoba bo lohow i manga-silaka, atebe silatuhula mapandung-i’aho. ⁷ Bo sa silatuhula imawahaom i sasairian i latahula, yanasa biangên ê nilumuaioai a kitab i pawate, mainjo sumaru silatuhula bo mawa-sese osa mêlimêled silatuhula. ⁸ Bo bangke i latahula mainjo iwao-waomio’ a têmbêran i kotawako, ê mi’it a kawaheman iwapakua sodom bo masir, bisana siNgêlêdtow kahi bahalawati i latuhula. ⁹ bo manga-totumu’ a moro-bangsa bo bala’a bo tutul bo sanganihan, mêlilah i mbangke i latuhula kuburên. ¹⁰ Bo silatahula ê mututun a mbaoitoba mobeat bo mêkahi’ sakum silatahula wa’aho bo mapesta bo mapê-kiriman pêrêseng, apa’an ni’aho ndua nabi totumu’ ê mutu-utun a mbaoitoba. ¹¹ Têlu wo-wêta’ ngando lumalas sumolong tutuh katowan i Ningumêlêd be silatuhula, mahad silatahula tumod bo pahasatow ê melilah silatahula imatalomio. ¹² 12Bo mangatolumu’ wa’aho maka-tanga’ êsa êno mo’arid a songa modi kumoa be silatahula : “ Kumapetemoai!” osa silatahula mangapet i langit sinapuat i kamber, sinapuat i kamber, sinairian mangakasehed i latahula. ¹³ Anokas wa’ahoimangoawo’om dêpêt bo iwa_sangawulu’ tihad i aho kota behaweru’, bo pitu-ngo-ribu totumu’ i mamete i aho mangoawo’ bo manga totumu’ balina imatalomio’, osa maponunga i Ningumêlêd a sorga. ¹⁴ Silaka karuana behaleotêm: pilahên, silaka katêluna tilaho lumalas. ¹⁵ Osa kiong kawituna sumeput i terumpetna, bo kinatanga’an manga-enu’ mo’arid a sorgakana : “ Pakolano’an a mbaoitoba taka-taka’an i Ngeledtow i hita bo sisia ê tinutu-Na , bo sia mainjo mapêreta kele daja mahad kaêto-êto’na.” ¹⁶ Bo karua-nga-wulu’ bo êpat matu-matu’a, ê ndumatu-ratuh a ndior i Ningumêlêd a mbao i ndoratuhan i latuhula, behahêpa bo moniri’ i Ningumêlêd, ¹⁷ karengan kumua: “Kamitahula kumua dayow be-How, o Ngêlêdtow, Ningumêlêd, Ê mahaibahut, ê mbana bo ê mbanam, apa-apa’an sittow itumahuwên i kaimbahutan nu ê mbako’ bo itumo’tolêm mapênreta kele daja, ¹⁸ bo pahasa bangsa imobaro’om sata’ boro’-Nu imahim bo arasên tanu manga-totumu’ imamatem isi’an bo mehetêndan a manga-sosiu-Nu, manga-nabi bo manga-totumu lênas bo besilata hula ê matalo i ngalan-Nu, a manga-tohisit bo manga-towako’ bo tanu mawa-wotutus i mbaitoba.” ¹⁹ Yanasa behawuham ê mpoale Lênas i Ningumêlêd a sorga, bo kinawi lahanêm piti i ndarandian-na a suang i mBale Lênas wa’aho bo behamoalim kilat bogongori koruhud bo bangguang bo têka eis dêpêt.