¹ Yanasa belihahem esa tanda’bako’ a langit: Esa wene makukung êndo, teka bulan a mbawa’ i na’ena bo êsa balalugii sangawulu’ orua mbintang a mbao i kohonga. ² Sia mahali-alim bo a nimbulu bo papongingonêna a nimbulu bo papongigonêna a mahawata’an sia mapauasawang i kaadosan. ³ Yanasa belilahêm êsa tanda’ balina a langit; bopilahên, êsa dumerehe maha’io bako, maha-hohong pitu bo maha-sapah sangawulu’ , bo a mbao i kohonga bana pitu balalugi. ⁴ Bo urina makose-hose iwatêlu i mangabintang a langit bo masoti’aho a mbaitoba. Bo wa’aho ndumerehe’ tumod a sa’angên i aho mbene ê toyo’ta’am mahawata’, tanu tumêpês i mBata’na, matilaho a nihaworusoho ni’aho mbene mahawata’ i Sia. ⁵ Yanasa sia mahawata’oai êsa tuama, ê mainjo maiaha i pahasa-bangsa teka i mbambang besi, mêkombo’ai wa’aho mBata’na kinandet bo belolah be Ningumêlêd bo a ndora-tuhan-Na. ⁶ Wa’aho mbene lumolah a tana’tandus, a mbesadiam êsa lesad tanu sisia i Ningumêlêd, sani’aho sia iaha’an biboho sanga-ribu duangatus ênêmnga-wulu’ ngando kaêto’ana. ⁷ Yanasa beha-lêmbom paperangan a sorga. Si Mikhael bo manga Kionga mapêrang, lumawah i’aho ndumerehe’, bo wa’aho ndumerehe’ binotung i mangakiongga, ⁸ sata silatahula ahi’i imahasipapa; silatahula alam imahaere tampa a sorga. ⁹ Bo wa’aho ndumerehe’ bako’, si ula matu’a, patoton Iblis sumasetang, ê nimawawombureng i lohow i mbaoitoba, bewasot a ndalêm ; sia bewasotai i mbaoitoba, teka womanga-kionga. ¹⁰ Bo ahu mahatanga ênu’ mo’arid a sorga kumua : “Jai’talewe imahim kawiaan bo dowot bo pakolanoan i ningumeled i hita, bo korowotan i sia e tinutuh-na, apa’an betapam a ndalem tapatena i manga wog i hita, e nitumena silatuhula endo wo wengi a ndior i ningumeled i hita. ¹¹ bo silatahula imawasese i sia i ndaha i mbata i ndomba, bo i kodait sasairian i latahula. Apaan silatahula i latahula apa’an silatahula ahi’i mahales i naseng i latahula ahad a pawate. ¹² apa’an wa’aho mekahi-kahiim, ei sorga bo ei pahasa homotahula e mututun a suanga, silakamio’komotahula, a baoitoba bo saloyon! Apaan tapa tena ilumolosem behow, sakum awaduna e tameri apaan kai lahana, awahem tepona kapangem. ¹³ bo anoras ni’aho ndumerehe’ kobuli’an awahêm sia betapam a mbaoituba, mamêlas sia i’aho mbene ê nimahawata’ i’aho mBata’tuama. ¹⁴ A mbene wa’aho binean dua halekeb i melepad balilangan bako’, sani’aho sia lumepad a lesadna a tana’tandus, bisana sia beiaha’an dekang a tampa i’aho nulah kaêto sangatempo, duanga-tempo. ¹⁵ Osa niaho nulah mawa-sêmbun i nahe a mbabana, kahako’an i londola, a ndoro’ i’ahombene, sani’aho sia iwawa-wali i’aho londola. ¹⁶ Sata’ baoitoba imahi motung i’aho mbene. Muka sia imbabana, bo tumepes i londola ê mbesemburai i’aho ndumerehe a mbabana. ¹⁷ Yanasa imboro’om niaho ndumerehe biboho a mbene, osa mohi mamerang i suruna walina, ê mawaki’ita a mangalala’ut i Ningumeled bo maha-sasairian i Yesus. ¹⁸ Bo sia behatodemio’a sili’i saloyon.