¹ Osa ahu mahawilah êsa biangên lumuaiai a ndalêm i saloyon, mahasapah sangawulu’bo mahahohong pitu; a mbao i manga-sapahna bana sangawulu’ balalugi bo a kohonga iwati-watih mganangalan doro-ros. ² Biaên ê mbelilahku wa’ano mêkele wo macna tutul, bo a’ena kale a’e i mberuang bo babana kele baba i singa. Bo wa’ahondumerehe’i mehe wesia korowotana, bo doratuhana bo kaimbahutana wako’ ³ yanasa aku mahawilah êsa a manga kohonga kele tinena i pela’ ê mawasilakai katowana, sata’ pela’ ê mawasilaka i katowana wa’aho behatala. Lohow i mbaoitoba i merang, osa lumas i mbiagên wa’aho. ⁴ Bo silatahula imonin’ i’aho ndumerehe’, apa’an sia imehe korowotan a mbiagên wa’aho. Bo silatuhula maponiri’ i’aho mbiangen, karengan kimua: “Sisei ê mekele wo biagen wa’aho? Bo sisie ê ndo’an mapareang lumawah i sia. ⁵ Bo ambiagen wa’aho binean baba, e mawuli-wuling i kasukangan bo dororos; bisia binean kahi dowot tanu tumawoi-iaho epat nga-wulu’ bo ruang nga-ulan kaeto’ana. ⁶ Osa sia muha i mabana tanu medoros i Ningumeled, medoros i ngalan na bo dasing ututunan na bo pahasa silatuhula e na sorga. ⁷ Bo sia bewonge’e tanu maperang lumawah i manga-tolenas bo tanu mawa sese silatahul bo besia binean dowot a manga-bala’ bo tow bo tutul bo bangsa. ⁸ Bo pahasa tumumu’ ê mututun a mbaoitoba mainjo moniri’isia, êwa’aho ma ngatow ê ngalana ahi’i behawatih tumo’tol baoitoba bengeled a soang i katap katowan i mbata i ndomba e mbelusan. ⁹ Siseange mahatalingan ihamerot sia mahatanga! ¹⁰ Siseiange tinatu tanu tahangen, sia mainjo tahangen; siseisia tinatu tanu limeden i sinala, sia musti limeden i simala . Ê penditng bai’i êwa’i kolesenan bo kawaheman i magna-tolenas. ¹¹ Osaahu imahawilah êsa biagen balina lumuaioai a suang i mbaoitoba bo mahasapah dua mekele kele kedonga i ndomba ba sia makodait kele esa dumerehe? ¹² Bo pahasa korowatan i mbiangen ê na pertama wa’aho bewawalapanga a sa’angen i mbelena. Sia mahatatawoi lohow i mbaoitova bo pahasa nututun biboho noniri’ i mbiagen partama, ê pala’na imemaulengem. ¹³ Bo sia imanulid tanda-tanda’ ê ta’men, lebe-lebe sia imawaekad baha i langit a mbaoitoba a sa’angen i mbelen i pahasatow. ¹⁴ Sia miawaureng silatahula e mututun a mbaoitoba karengani mangatanda’ ê mbehem besia tanu tumulidiaho a sa’angen i mbelen i’aho mbiangen. Bo sia masui silatahula ê mututun a mbaoitoba, saniahosilatahula tumod patong tanumaponiri’i mbiagen ê pinela’an i simala, sata’ ê menenetlio’ mênonow wa’aho. ¹⁵ Bo besia binean dowot tanu mehe aseng tanu wa’aho patong i mbiangen, mahad ni’aho patong i mbiangen mapohodaitkahi, bo mutulid i nggio-hiona, mahad pahasa tow, ê tahi’i maponirei’ i’aho patong, limeden. ¹⁶ Bo sia mahatatawoi, mahad tanu pahasatow, kisit suma bako’, siha’ suma lengei mardeka suma ata, binean tanda’ a kama kanoalna suma a namona, ¹⁷ bo alahem mende esa tow ê ndo’na tumtles suma gumu’un ihawalina besilatahula ê mapake tanda’ wa’aho, êwa’aho ngalan i’ahombiangên suma tetebean i ngalana. ¹⁸ Ê pênting bia’i êwa’inêlur: siseisia ê nelur, maulenga sia tumebe tetebean i aho mbiangen, nde tetebean wa’aho awahem tetebean, i nesatow totumu, bo tetebana ewa’i enem ngatus enem nga. wulu’bo enem.