¹ Bo ahuimahawilah: kaulitana, Bata’ i nDomba tumotod a ndungus Sion bo iwakaru-haruan-Na sanga-tus êpatnga-wulu’bo ê pat ribu totumu’ ê nanamo i latahula tapi-watihan ngalan. Na bo ngalani namang-Nga. ² Bo ahu imahatanga’a esa enu’ a langit kepom talotoh i ndunuh bo kepom nerut i koruhud ê ta’meri. Bo ênu ê tinga’ku wa’aho keleenu’ imanga-tapayayang ê mapetih i kacapina. ³ silatahula makatar esa kahataren taleya a sa’angen i ndoratuhan bo a sa’angen i keapat bengêlêd bo matu-matu’a wa’aho,ba alahem mande êsatowange ê ndo’na majar i’aho katar ihawalina a sangatus êpatnga wulu’bo êpat ribu tow ê tinunduhem a imbaoitoba i’aho. ⁴ Silatahula awahem totu-totumu’ ê tahi’i imawa-sameh i mbatangana teka mangawene, apa’an silatahula leno mekele kele ê malalas biboho a mBata’i nDomba bisanamange nokoan – Na. Silatahula tinunduh a tutud i totomu’ kele darahes katare tanu ningumeled bo tanu Bata’inDomba wa’aho. ⁵ Bo asuang i mbaba i latahula ahêm kaerean towo; silatuhula ahêm nda’i. ⁶ Osa ahumahawilah êsatow kiong balina lumepad a mbêtu’ i langit bo besia bana Kukua ê têlasan tanu isahaina be silatahula ê mututun a mbaoitoba bo a pahasa bangsa bo bala’ bo tutul bo mêsanganah, ⁷ bo sia tumerewa’ karengan ênu’ mo’arid: “Matalomange i Ningumêlêd bo ponunganange Sia, nde imahim noras pangisa’an-Na, bo siri’inange Sia ê nimêngêlêdêm i langit bo toba bo saloyon bo pahasa lumbuhan i nahe.” ⁸ Bo êsatow kiong balina, kiong karuana, lumalas be sia bo kumua: “beha-eletem, beha-eletem mBabel, kota bako’ wa’aho, ê nimawa-wololangum i moro-bangsa teke angor kahahi’in i ndêtuhna” ⁹ Osa êsatow kiong balina, kiong ka teluna, melas silatahula, bo kumua karengan i nenu’ mo’arid: “Sa êsatow maponiri’ i mbiangên bo wa’aho patonga, bo tumirima tanda’ a nomona suma a kamana, ¹⁰ yanasa sia luku’ i nanggor boroi Ningumeled, ê sinadia ahi’i kinemuan a kower bor’-Na; bo sia mainjo kulengen i mbaha bo balelang a sa’angen i mbaha bo lalelang a sa’angen i mbelen i manga-kiong lênas bo a ndoir i mbêlên i mBata’ i nDomba ¹¹ Yanasa obol i mbaha ê dumai’i silatahula wa’aho kumapet a mbao ahad kaeto-eto’na, bo êndo wo wengi silatahula ahi’i mengondo nondo’ paraim, ewaaho ê maponiri’ i mabiangen teka patong wa’aho, bo siseiange ê nitumiriman tanda’ ngalana.” ¹² Ê pênting bia’i êwa’i kahunduan i mgangatotumu’ lênas, ê maki’it i pereta i Nungumeled bo maheman besi Yesus. ¹³ Osa ahu i mahatanga’ ênu a sorgamoai kumua: Iwatih : “Maenowange manga-totumu’ i mate ê nimate asakum si Ngeledtow, tumo’tol ia’italewe’ “ “ulit,” kuai Tutuh “ sania’aho silatuhula do’na lumemet a kolokoan ilatahula, apa’an pahasa tatawoi i latahula malalalas silatahula.” ¹⁴ Osaahu imahawilah kaulitana, bana nesa kambur budo, bo a mbao iaho kambur dumatu-ratu esatow kele bataii totumu teka esa balalugi mas a mbao i kohong nga bo esa sabit tebel a kama-na. ¹⁵ yanasa lumuaiai esatow kiong balina a mbale lenas bo sia tumerewa karengan enu moarid besia e ndumatu ratuh a mbao i aho kambur iweasem niana sabit – nu bo muwu’um, nde nimahim norasana tanu manguwu’ apa’an uwu’un a mbaoitoba kerom.” ¹⁶ bo sia, ê ndumatu-ratuh a mbao iaho kambur, meas i sabit na a mbaoitoba bo baoitoba bahi meuwaum. ¹⁷ Osa esatow kiong balina lumuaioai a mbale lenas ena sorga besia hahi bana nesa sabit tebel. ¹⁸ Bo esatow kiong balina a mesbah sa mahi sia maha-hawasa a mbaha bo sia tumerewa ka rengan enu moarid a kiong ê tumaka-taka sait tebel wa’aho, kuana: “ Iwaesem sabitmu ê tebel wana bo epasen mangabua’ i nanggor a mbaoitoba, nda mbuana kerom.” ¹⁹ osa niaho kiong meas i sabitna a mbao i maboitova, bo mangepas i mbua’ i nanggor a mbaoitoba bo masoti’aho a koherosotan bako’, êwa’aho boro, i Ningumeled. ²⁰ Bo manga-bua’ i nanggor wa’aho kine-resot a luar i kota bo a koherosotan wa’aho mêdoyong ndaha’, katatangana mahad a tom i kawayo bo karekangana dua nga-tus mil.