¹ Osa ahu imahawilah êsa tanda’ balina a langit, bako’bo maha-erangan: pitu kiong teka pitu kasilaka’an kasêpetan, apa’an karengan wa’aho ihasa petem mboro’i Ningumeled. ² Bo ahu imahawilah êsa keliitu saloyon kaca kemu-hemuan baha, bo atembir i’aho saloyon kaca tumutod manga totumu’ ê numawasesem i’aho mbingen bo patonga bo tetebean i ngalana. Besi salatahula bana kacapi i ningumeled. ³ Bo silatuhula makatar i katar i Musa, sosiu i Ningumeled, bo katar i mBata’ i nDomba, ênu’na: “Bako’ bo mahaunggangan pahasa tatawoi-Nu, o Ngeledtow, ningumeled, e mo’imbahutni’it ! Timahel bo ulit pahasa dalam-Nu, o daja i pahasa bangsa! ⁴ Sisei ê tahi’i matalo, o Ngeledtow, bo ê tahi’i maponunga i ngalan-Nu? apa’an si itow hemboho ê lenas, nde pahasa bangsa mainjo mahi bo kumepa moniri’i How, apa’an behataram kaulitan i pahasa pangisa’an-Nu ⁵ Lumatas biboho ahu imahawilah totumu’ imuha i mBale Lênas, malatang lenen budo’ berisi bo menda-endawem bo dada’nga kekekedan bokul mas. ⁶ Bo kawitu kiong teka kawitu kasilaha’an wa’aho, lumuai amBale Lênas, malatang lenen budo beresi bo menda-endawem bo dada’nga kekekedan bokul mas. ⁷ Osa êsa a nepat bengêlêd wa’aho mehe a pitu kiong wa’aho pitu kower mas ê mauli-wuling sua-suangan i mboro’ i Ningumêlêd, êwa’aho ningumeled ê menonow ahad kaeto-eto’na. ⁸ Bo wa’aho mBale Lênas pinuling i nobol apa’an konunga’an i Ningumeled bo apa’an imbahut-Na, bo mande esatowange ahi’i rona sumuang i’aho mbale lenas, atalawe behasapet kawitu silaka i kawitu kiong wa’aho.