¹ Osa ahu imahatanga’enu’ moarid a suang i mbalelenas kumua a kawitu kiong wa’aho : “Mohenem bo iusahem kawitu kower boro i ningumeled wa’aho a mbao-itoba.” ² Yanasa imohom kiong pertama bo sia musah i kowera a mbao i mbaoitoba, yanasa melembo kesah ta’pia bo e mbahaya a pahasa tow ê mapaketanda’ i mbiangen wa’aho bo ê maponiri’ i patonga. ³ Osa kiong ê karuana musah i kowera a mbao i saloyon, yanasa ahena mamoali daha’, kele daha i tow i matam bo mamate ê pahasa bana naseng, i menonow a suang i saloyon. ⁴ Osa kiong kateluna musah i kowera a manga londola bo manga lumbuhan i nahe, bo pahasa imamoali daha’. ⁵ Bo ahu imahatanga kiong ê mahahawasa i mbao i nahe wa’aho kumua: “Timbahel kow, si itow ê bana bo ê mbanam, siitow ê lenas, ê nimêkadai i nu’kuman wa’i. ⁶ Tatawoi silatahula imobusahem i ndaha’ i mangatotumu’ lenas bo manga-nabi, si how hahi imehem be silatahula luku’daha, êwa’aho tena be silatahula! ⁷ Bo ahu imahatanga wa’aho mesbah ihumua: “o ngeledtow, ningumeled, e moimbahut, ulit bo timbahel pahasa pangisaan-Nu. ⁸ Bo kiong keapatna musah i kowera a mbao i nendo, bo besia binean dowot tanu mawasengit i totumu’tekabaha. ⁹ Bo totumu’ bewawa-sengit i paso’ i mbaha tameri, bo silatahula imedoros i ngalan i ningumeled e maha-imbahut a manga-silaka wa’aho bo sila athula ahi’i mawedis tanu mawa-wonungaisisia. ¹⁰ Osa kiong kalimana musah i kowera a mbao i ndoratuhan i mbiagen wa’aho bo kaholanoana medenndem, bo silatahula mangi’ki i ndila’ i latahula tatawoi i kahadosan, ¹¹ bo silatahula imedoros i Ningumeled ê na sorga tatawoi kahadosan bo tataoi i kesah i latahula, sata’ silatahula ahi’i mawedis a manga-tatawoi i latahula. ¹² Osa kiong ê kaenemna musah i kowera a mbao i londola wako’, londola efrat, osa mawela nahena, saniaho sadiam ndalan tanu manga-daja ê mbibahê sa mangoai. ¹³ Bo ahuimahawilali ambaba i ndumerehe’ bo a mbaba i mbiagen bo am mbaba i mbalikan towo wa’aho ilumuai telu tutuh sameh ê keleitu tupalah. ¹⁴ Êwa’ahom êmanga-tutuh i tapatena’ ê matulid tatawoi mahaunggangan, bo silatahula moho-manauw i manga-daja a lahow i mbaoitova, tanu sumesen silataula tanu paparangan anendo wako, ewa’aho endo i ningumeled e mo’imbahutio’ ¹⁵ pilaen, mahi ahu kele tapenahow maenowange sin, ê mahia-iaha bo ê mahiaha i latanga, sani’aho sia na’am lumapang kumeda-heda’ai bo na’am kawilahan ponokianana.” ¹⁶ osa sia mawa sesen si latahula a lesad, e na tutul i Ibrani iwapakua itarmagedon. ¹⁷ Osa kong ê kawituna musah i howera a langit, bo a mBale Lênas katangan’an-oho ênu’mo’arid andoratuhan wa’aho kuana: “Beha-moalim” ¹⁸ yanasa imanulom lalat bo imerutem koruhud, bo behamoalim bangguang i mbaoitoba ê ta’meri kele awe’mahasa behamaoli tu’os banam totumu’ a mbaoitoba kelewa’aho kata’meriana i’aho mbangguang. ¹⁹ osa behaweta’ mu’aho kota wako mamoali telunga tihad bo behaweruum manga-kota i manga-bangsa ê tahi’i mahahilala i Ningumeled. Yanasa mahaimun Ningumêlêd i mBabel ê mowuling i nanggor koboro’an-na-mio’. ²⁰ Osa pahasa libuton bewanga tambulala manga-dungusan alam kahit bewatauw. ²¹ Bo tuka eis bako, sanga-tus pon katanedan, a langit osa iharebas medatung i totumu’, bo totumu’ maroros i Ningumeled tatawai isilaka tukaeis wa’aho, apa’an wa’aho silaka ni’itoi’ ta’mên.