¹ Osa mahi êsatow a pitu kiong, ê mape’a-we’ang i’aho pitu kowêr bo kumua beahu: “Ayom moaiwia’i, tumuru’ahuwehow tinêpu’an i tapêdêtuh bako’, ê mêdatu-ratuh a tampa ê tado’o nane. ² Teka sisia manga-daja a mbaoitoba imapêdêtuhanêm, bo manga-nututun a mbaoitoba i mololangom i nanggor pêdêtuhana.” ³ Asakum i tutuh ahu binalina a tana’ tandus bo ahu imahawilah êsatow bene dumatu-ratuh a mbao i nêsa beagên ê meha’molimba ê mawuli-wuling patih ngalan dororos. wa’aho mbiangen maha-hohong pitu bo sangawulu’ sapah. ⁴ Bo wa’aho mbene malatang doho’limba bo doho’ meha’io’molimba ê mveorangi’ias, kelana bo mandas, bo a kemana bana nesa kower mas mauhuhu i pahasa kasamêhan bo kataha’an i pêdêtahuna. ⁵ Bo a namona pati-watihan êsa ngalan, êsa tatahu: “Babel bako’, inang i mangawene tapêdêtuh bo a kasemêhan i mbaoitoba.” ⁶ bo ahu imahawilah i’aho mbene imololango i ndaha’i manga-totumu’ lênas bo daha i manga-sairi i Yesus. Bo anoras ahu mahawilah i’aho, ni’ito ahu imaerang. ⁷ Osa kua yaho kiong be ahu: “Nde’aho how merang? Siahu mainjo kumua behow tatahu’ i’aho mbene bo tatahu’ i mbiangen ê malihudisia, biangen ê maha-hohong pitu bo maha-sapah sangawulu’ wa’aho. ⁸ Awahem ê mbiangen belilahngum wa’aho, banam, sata’ alahem, sia mainjo lumembo a kitab i pawate, bo sia mainjo mogamat a kotutusan bo silatahula ê mututun a mbaoitoba, êwa’aho silatahula ê tahi’i behawatih a kitap katowan tu’os baoitoba pinengeled, mainjo mearang, sa silatahula mahawilah, awahem ni’aho mbiangen banam, sata’alahem, bo mainjo maleng lumembo. ⁹ Ê pênting ba’i êwa’i uteh ê maha êlur : kawitu kohong wa’aho awahem dungusan, ê na mbotuyunga pedatu-ratuhan i’aho mbene, ¹⁰ kawituna awahem pitu daja: lima besilatahula behatia’am, ê nesa bana bo êmbalina awe’ imahi, bo sa sia mahi, mutun sia bati’ sangaoras. ¹¹ Bo biangen ê mahasa bana bo ê nia’i talewe’ alahem wa’aho, sisiamio’ awahem daja kawaluna bo sata’ kalewa’aho êsa’an a kawitu wa’aho bo sia mogamat a kotutusan. ¹² Bo kasangawulu’ sapa ê mbelilahnum wa’aho awahem sangawulu’ daja, ê talawe’ itumo’tol mapereta, sata’ sangaoras kaêto’ana silatahula mainjo tumirima i kawasa kele daja, makaru-harua wo wa’aho mbiange. ¹³ Silatahula mepowongean, korowatan bo koimbahutan i latahula iehe ilatahula a mbiagen wa’aho. ¹⁴ Silatahula mainjo maperang lumawah i mBata’ i nDomba. Sumata’ Bata’ i nDomba mainjo mawa-sese silatahula, nde Sia awahem tuang a mbao i pahasa tuang bo daja a mbao i pahasa doja. Silatahula makaru-harua wo si sia hahi mainjo ihasinggugat, ewa’aho si latahula ê kinatiangan, ê kinasisirane bo mo’eman.” ¹⁵ osa sia kumuabeahu: “ pahasa ahe ê melilahngum, bisana ndatu-ratuan i aho mbene tapedetuh, awahem manga-bangsa bo dengare tado’o bo sanganah bo tutul. ¹⁶ Bo kasangawulu’ sapah ê mbelilahungum wa’aho teka biangen wa’aho mainjo mare’e i’aho tapedetuh bo silatahula mainjo mawa-liai bo kumeda’ai bo silatahula mainjo suda’i kêtêdna bo tumutui sia teka baha. ¹⁷ apa’an ningumeled imawaherawem i nate i latahula tanu tumulid i papandungen-Na karengan mepawongae’ean bo tanu mehe i paperata’an i latahula a mbiangen wa’aho mahad pahasa kukua i ningumeled belekewem. ¹⁸ Bo bene ê mbelilahngum wa’aho, awahem kota bako’ ê mapereta i manga-daja a mbaoitoba.”