¹ Osa ahu mahawilah langit taleya bo baoitoba talanya, apa’an langit ê pêrtama bo baoitoba ê pertama beha-lewetêm, bo saloyon kahi alam. ² Ahu mahawilah kota ê lênas, Yerusalêm taleya, a sorga sa lumolos, a Ningumêlêd, ê maha-orangi kêpo pangantin bene ê nimêlur tanu natuamana. ³ Osa ahu mahatanga’ ênu’ mo’arid biboho a ndoratuhan kumua: “Pilaênêm, dasing i Ningumêlêd, ê maha-orangi kêpo pangantin bene ê nimêlur tanu natuamana. ⁴ Bo sia mainjo kumusu i pahasa lue’ a mbêlên i latahula, bo pawate mainjo alam; suma tatabian kahea’en, suma tatapean, apa’an pahasa asiamane ê nêto’om wa’aho beahleotêm. ⁵ Sia ê ndumatu-ratuh a mbao i’aho ndoratuhan kumua: Pilahênêm, si Ahu imawatulid i nawasiamange taleya!” Bo kua-Na: Iwatihêm, nde pahasa kodait wa’i awahêm têna bo ulit.” ⁶ Kua-Na hahi be ahu: “Pahasa imamoalim. Si Ahu awahêm Alfa bo Omega, Ê To’tolan bo Ê Sapêtan. Totumu’ê kawêla’an mainjo bean-Ku luku’un Karêngan i pêrei i mahe i lumbuhan katowan. ⁷ Sisei nihasinggugat, sia mahaere i pahasa wa’i, bo Ahu mamoali Ningumêlêdna bo sisia mamoali bata’Ku. ⁸ Sumata’ manga-totumu’ tatalon, manga totumu’ ê tahi’i mahaman, manga-totumu’ orow, manga-totumu’ tapêlimêd, mangatotumu’sundal, manga-tapasihir, mangataponiri i mberhala bo pahasa tatawon, silatuhula mahaere benteng i latahula a suang i saloyonan ê mêlalab-ange i mbaha bo balelang ; êwa’im pawatean ê karuana.” ⁹ Osa mahi êsatow a pitu kiong ê tumaka-taka’ i pitu kowêr, êmauhuhu i kawitu silaka kahadaan wa’aho, osa sia kumua weahu, kuana: “Mayomên moai wia’i, siahu tumutu’ behow pangatin bene, mampilei Bata’ i nDomba.” ¹⁰ Osa, a sakumên i tutuh sia mali i ahu a mbao i nesa dungusan bako’ bo matatang bo sia tumuru’ beahu kota ê lênas wa’aho, Yerusalem, a sorga sa lumolos, be Ningumêlêd. ¹¹ Kota wa’aho mawuli-wuling i konunga’an i Ningumêlêdbo sulona mêkele kele kelana ê ni’itio’ êlur, kepom kelana yaspis, leno kopom kristal. ¹² Bo dindinga bako’bo matatang bo tombonga sangwulu’borua; bo a mbao i’aho manga-tombonang bana sangawulu’ borua kiong bo a mbaona behawatih ngalan i sangawulu’ borua bala’i Israel. ¹³ A ndoro’i bahe’ bana têlu tombonang bo a ndoro’ buli’ têlu tombonang bo andoro’bio’ têlu tombonang bo andoro’ bonge têlutombonang. ¹⁴ Bo dinding i’aho kota bana sangawulu borua batu alêdan ê na mbaona pati-watihan i sangawulu’bo rua rasul i mBata’ i nDomba wa’aho. ¹⁵ Osasia, ê menunu bo siahu, bana nêsa butul sosokad mas tanu sumokad i’aho kota teka manga-tombonanga bo dindinga. ¹⁶ Kota wa’aho paela imahapat, kahatangana mêkele kele kaoangana. Bo sia masokad i’aho kota teka butul wa’aho: sanga-wulu’ bo rua stadion kahatangan bo kaongana bo katatanga mekele. ¹⁷ Usa sia sumokad i ndindinga: sanga-tus êpat nga-wulu boêpat hasta, lumas asokad i totumu’, ê nawahêm kahi sokad i kiong. ¹⁸ Dinding wa’aho kelana yaspis sa tulidên; bo wa’aho kota hahi mastotu’u, kêpomkaca totu’u. ¹⁹ Bo manga-alêd i ndinding kota wa’aho beorangi i morowalina kelana. Alêd ê pêtama batu yaspis, aled karuana batunilam, aled kateluna batu mirah, alêd karuana batu nilam, alêd kateluna batu mirah, alêd kaêpatna batu zamrud, ²⁰ alêd ê kalimana batu unam, alêd ê kaênêmna batu sardis, alêd kawituna batu ratnacempaka, ê kawaluna batu beril, ê kasiowna batu krisolit, ê kasangawulu’na batu krisporas, ê kasengawulu bo êsa batu lazuardi bo ê sangawulu’ bo rua batu kaeubung. ²¹ Bo kawangawulu’bo rua tombanang wa’aho awahêm sangawulu’ borua mandas: atebe i tombonang tinod a nêsa mandas a nêsa mandas bo manga-têmbêran i’aho kota mastotu’u kêpom kaca leno satulidên. ²² Bo ahu hi’i mêlilah Bale Lênas a suanga; apa’an Ningumêlêd, si Ngêlêdtow, Ê moimbahutuni’it, awanêm Bale Lênas na, kalewa’aho hahi mBata’i nDomba wa’aho. ²³ Bo kota wa’aho ahi’i pêrêhe êndo bo bulan tanu sumolo-isia, nde konu nga’an i Ningumêlêd sumulo-isia bo Bata’i nDomba wa’aho awahêm sosoloana. ²⁴ Bo manga-bangsa mainjo lumapang a sakum i soluna bo manga daja a mbaoitoba mame’ang i kasiha’an ilatahula besia; ²⁵ Bo manga-tumbonanga ahi’i i takêw a kauha’an, nde mbengi alam kahi wibahe’, ²⁶ bo kasiha’an bo siri’i mangabangsa mainjo pe’angêlako besia. ²⁷ Sumata’ ahi’i mainjo sumuang a suanga awasia ê samêh, suma totumu’ ê matulid mahaoroan sumata towo, suamta’ bati’ silatahula ê ngalana beha watih a kitab katowan i mBata’ i nDomba wa’aho.