¹ Osa sia mawaturu’heahu londola i nahekatowan, ê lono kêpom kristal, bo maroyang i lumuai a ndoratuhan i Ningulêlêd bo doratuhan i mBata’i nDomba wa’aho. ² A tutud i têmbêran i kota wa’aho, e wa’aho a matetela’an i londola wa’aho, bana manga-pohong katowan ê mapamua’ maha-sangawulu’ borua, tebe i mbulan mahasa; bo tu’nana’i manga-pohong wa’aho papakên mapawa-mêmaulêng i manga-bangsa. ³ Yanasa alam kahi ê ndororot. Doratuhan i Ningumêlêdbo doratuhan i mBata’ i nDomba mainjo a suanga bo manga sosiu-Na mainjo m-ibadah be-Sia, ⁴ bo silatahula mainjo mahawilah i to kia’-Nda, bo ngalan-Na mainjo i hawatih a namo i latahula. ⁵ Bo bêngi alam kahi wibahe’, bo silatahula ahi’i wêrêlu sulo i sosoloan bo sulo i nêndo, apa’an Ngêlêdtow Ningumêlêd mainjo makeraw i latahula, bo silatahula mainjo mapêrata kele daja ahad kaêto-êto’na. ⁶ Osa Sia kumua we ahu : “Wa’i mangakukua têna bo ulit, bo si Ngêlêdtow, Ningumêlêd ê nimehe tutuh a moronabi, i masium i kiong-Nga tanu tumur’ a manga-sosiu-Na asia ê musti tilaho mamoali.” ⁷ “Kaulitana Si Ahu tilaho mahi. Maênowange totumu’ ê mawaki’it a manga-kukua i nobuat i kitab wa’i!” ⁸ bo ahu, si Yohanes, siahum ê nimahatange bo imêlilah i pahasa wa’aho. Bo maha tanga’oho ahu bo mêlilah-i’aho, siahu behasalikokob a ndior a na’e i kiong, ê nitumutu’um i pahasa wa’aho beahu, tanu moniri’isia. ⁹ sumata’asia ihumuawe-ahu : “ Na’am tumulid kalewa’aho! Siahu awahêm sosiu, mêkele kele sihow bo manga-wongngu, moro nabi bo pahasa silatahula ê maki’it i pahasa kua i kitab wa’i. moniri’im i Ningulêlêd!” ¹⁰ Osia sia kamua weahu: na’am sumengel imanga-kodait nobuat i kitab wa’i, nde tmepuna susutêm. ¹¹ Siseiange ê tumawoita’pia, mande sia menet matawoita’ia; sisei ê samêh, mande sia menet samêh, siseiange nulit, mande sia menet matawoi i kaulitan; siseiange ê lênas, mande menet mawalênas i mbatangana! ¹² “Kaulitana itu tilaho mahi bo Ahu me’ang i lawu-itu tanu mamalas a manga-totumu’ lumas a tatawoina. ¹³ SiAhu awahêm Alfa dan Omega, Ê pertama bo Ê kahadinio’, Ê To’tolan bo Ê Sepêtan.” ¹⁴ Maênowange silatuhula ê makemes i njubana. Silatahula mainjo mahaere beteng a mangaa phong i katowan o sumuang mêbe a manga tombonang i kota wa’aho. ¹⁵ Sumata’ manga-waled bo mangatapênihir, manga-totumu’ molanggoi, manga totumu’ tapêlimêd, manga-tapasiri i mbêrhala bo pahasa totumu’ ê mehalês i towo bo matawoi-i’aho, sumondo’-io’ a luar. ¹⁶ “Si Ahu, si Yesus, imasium i kiong-Ku tanu mehe sasairian sakum pahasa wa’i behow tanu manga-jemaat. Si Ahu awahêm salunge, êwa’aho suru i Daud, bintang basindo ê mêndaêndawêm.” ¹⁷ Tutuh bo pangantin bene wa’aho kumua: “Mayomêm!” Bo siseiange ê mahatangai’sia, maulênga sia kumua: “Mayomêm!” Bo siseiange kawêla’an, maulênga sia mahi, bo siseisnge ê maibong, maulênga sia mindo ahe i katowan karêngan i pêrei! ¹⁸ Si ahu sumairi a pahasa totumu’ ê mahatanga’ i manga-kodait tara a kitab wa’i: “Sa êsa totumu’ mawarohang adiamange tanu manga-kodait i a’i, yanasa Ningumêlêd mainjo dumohang besia manga-silaka ê niwati-watih a suang i a’i kitab. ¹⁹ Bo sa êsa’an totumu’ mawa-ina’ asiamange a manga-hodait a kitap tatara wa’i, yanasa Ningumêlêd minjo mindo i mbetenga a pohong katowan bo a kota lênas , kele ê niwati-watih a suang, kitab wa’i.” ²⁰ Sia ê mehe sasairian sakum pahasa wa’i, kumua : “O, si Ahu tilahonêm mahi!” ulit, moaiêm, Ngêlêdtow Yesus! ²¹ Bêlês kohomba’i Ngêlêdtow si Yesus mawi -awid i pahasa homatuhula! Ulit.