¹ Osa ahu mahawilah esatow kiong a sorga sa lumolos tumaka-taka’ kusi’ i katab pawate bo êsa rante wako’ai komana; ² sia itumoho dumerehe’, si ulah matua’a wa’aho, êwa’aho si tapatena’ bo si senggotinalun. Bo sia sumogotisia sanga-ribu nga ta’um kaêto’ana, ³ osa tumepa-isia a suang i kotob pawate, bo tumakew i kotob pawate wa’aho bo sumengel-iaho a mbaona, sani’aho sia mo’nam kahi mawa-urang i manga-bangsa, a talawe’ behasapêt ê tempo sanga-ribu nga-ta’un wa’aho; lumalas biboho sia mainjo i lêpot hi’i hapui kaêto’ana. ⁴ Osa ahu mahawilah manga-doratuhan bo manga-totumu’ ê ndumatu-ratu a mbona; besilatahula binean kawasatanu mangisa’. Siahu hahi imêlilah manga_kanalu i latahula, ê pinoronganem ikohonga apa’an sasairian sakum si Yesus bo apa’an i kukua i Ningumêlêd; ê tahi’i maponiri i mbiangên wa’aho bo patonga bo ê tahi’i hahi itumirima i tanda’na o namo bo kama i latahula; bo silatahula maleng itumow bo mapêreta kale daja makaru-harua teka si Kristus tanu kaêto’an sanga-ribu nga-ta’un. ⁵ Sumata’ manga-towimate walina awe’ maleng itumow atalawe behasapet tempo ê sanga-ribu nga-ta’un wa’ahi. Êwa’im ê maleng kinatowan pertama. ⁶ Maênow bo lalenas sia, ê mahaere weteng a malang kinatowan pertama wa’aho. Pawate ê karuana alam kahi maha-hawasa be silatahula, sumata’ silatahula mamoali manga-imam i Ningumêlêd bo si Kristus, bo silatahula mainjomapereta keledaja makaru-harua wo si Sia, sanga-ribu nga-ta’un kaêto’ana. ⁷ Bo ilhaleotono tempo sanga-ribu nga’ta’un wa’aho lihasapêt, tapetena’ mainjo ilêpot a torungana, ⁸ bo sia mainjo mahah mawa-ureng mangabangsa a nêpat du’u i mbaoitoba, êwa’aho si Gog bo si Magog, ê sumesen silatahula tanu maperang bo du’utan i latahula mekele bo katado’oan i nêlis a saloyon. ⁹ Yanasa mangapet silatahula a sereb i kalobahan i mbaoitoba, osa membong i pêdasingan i sururaho i manga-tow lenas bo kota ê nihales wa’aho. Sumata baha a langit lumolosoai mawasengit silatahula, ¹⁰ bo tapatena’, ê nimawa0ureng silatahula, betapa a suang i saloyon baha bo balelang, êwa’aho lesad i mbiangen bo nabi towo wa’aho, bo silatahula dina’i endo wo wêngi ahad kaêto-eto’na. ¹¹ Osa ahu mahawilah êsa doratuhan budo’ ê mbako’ bo si Sia, ê ndumatu-ratuh a mbaona. A sasa’angên-Na itumambulalam mbaoitoba bo langit bo alam kahi kinatauwan ê tampana. ¹² Bo ahu mahawilah manga-towimate, bako’ bo hisit, tumotod a ndior i’aho ndoratuhan. Osa pinamuha’an pahasa kitab. Bo binuha’an kahi êsa kitab balina, êwa’aho kitab katowan. Bo manga-towi mate be-isa’ kumi’it a tatawai i latahula, besane a miwati-watih a manga-kitab wa’aho. ¹³ Yana saloyon mehe i manga-tow imate ê na suanga, bo pawate bo kaholano’an i pawate mehe i manga-tow imate ê na suanga, bo silatahula be-isa’ pahasa mi’it i tatawoina. ¹⁴ Osa pawate bo kaholano’an i pawate wa’aho betapam a suang i saloyon baha Êwa’ahom ê pawatean karuana: saloyon baha. ¹⁵ Bo pahasa totumu’ ê tahi’i kinaerean ngalana behawatih a suang i kitab katowan wa’aho, sia betapa a suang i saloyon baha wa’ho.