¹ lumalas biboho ahu mahatangan kele enu’ml’arid i sisipunan bako’ i tow tado’o a sorga, kuana: “Alelunya! kawia’an bo konunga’an awahêm be ningumêlêd i hita, ² apa’an ulit bo timbahel pahasa pangisa’an-Na, nde si Siam ê nimisa’am i’aho tape-detuh bako’, ê nirumusah i mbaoitoba taka pêdêtuhana, bo si siam ê nimalasem i ndaha’ i ndaka i manga-sosiu-Na a tapedetuhwa’aho. ³ Bo tanu a maharuam silatahula kumua: “Aleluya! Ei, obola ihumapet ahad kaetoeto’na” ⁴ bo karua-ngawulu’ bo êpat matu-matu’abo kaepat bengeled wa’aho bahalikokob bo momiri’i ningumeled ê medatu-ratuh biboho a ndoratuhan, bo silatuhula kumua: “Ulit, Aleluya.” ⁵ Osa katangaanem esa enu’ a ndora tuha waaho: “Dayowen Ningumeled i hita, ei komotahula pahasa sosiu-Na, komotahula ê matalo i sia, mauleng a kisit suma bako’!” ⁶ Osa ahu mahatanga’ kele ênu’ i sisipunan bako’ i towtado’o, kepo nggongor i ndunuh bo kepo nerut i koruhud ta’meri, kuana: “Aleluya! Apa’an si Ngêlêdtow, Ningumêlêd i luta, Ê Mo’imbahut, imamialim daja. ⁷ Ayomem kita mekahi’bo mosaha-saha’, bo maponunga i sia! Nde nendo pakawangan i mBata’ i nDomba imahim, bo pangantina sadiam. ⁸ Bo besia kinomba’an sani’aho lumatang doho’ lenên alus ê mangênda-ngêndaw bo ê mbudo’ berresi!” . [Lenên alus wa’aho awahêm manga-tatawoi ê nulit i mangato lênas.] ⁹ Osa sia kumua beahu: “Iwatihem: Meanowange silatahula ê mbinalu’ a pedekoman pakawengan i mBata’ i nDomba “ kuana hahi beahu: “kukua i a’i awahem ulit, manga-kukua i Ningumeled.” ¹⁰ yanasa behasalikokobem ahu a ndior i na’ena tanu moniri’i sia, sumata’ sia kumua weahu: “Na’am tumulid kelewana! Si Ahu awahem sosiu, mekele wo sihow bo manga-wogngu, ê maha-sasarian i Yesus. poniri’inêm Ningumêm Ningumêlêd! Apa’an sasairian i yesus awahêm tutuh nobuat.” ¹¹ Osaahu mahawilah sorga ihauha; kaulitana, bana nêsa kawayo wudo’; bo Sia ê masaku wesia mahangalan: “ ê Mo’eman bo Ê Nulit,” sia mangisa’bo mapêrang karêngan i timbahêl. ¹² Bo bêlên-Na kêpom nêlab i mbaha bo a mbao i kohong-Nga kaerean tado’o mbalalugi bo be-Sia pati-watihan êsa ngalan ê tahi’i kailahan i nêsatow ange, ihawalina si-Sia-mio’. ¹³ Bo Sia malatang juba ê mbelosohem a ndaha’bo ngalan-na êwa’i; “kukuain Ningumeled.” ¹⁴ bo pahasa pasukan ê na sorga mahalas be-Sia; silatahula masake a kawayo wudo’ bo malatang lenen alus ê mbudo’io’. ¹⁵ Bo a mbaba-na lumuaiai êsa simala têbêl ê mainjo sumese i pahasa bangsa. Bo Sia mainjo gumembala silatahula teka bambang besi bo Sia mainjo kumeresot i naggor a pakeresotan i nganggor, êwa’aho kinobero’anio’ i Ningumêlêd, Ê Mahaimbatio’. ¹⁶ Bo a njuba-Na bo pa’a-Na pati-watihan êsa ngalan, êwa’aho: “Daja i pahasa daja bo tuang’a mbao i pahasa tuang.” ¹⁷ Osa ahu mahawilah êsatow kiong tumotod a suang i nêndo bo sia tumerawa’ karêngan i nênu’ mo’arid a pahasa melepad ê malepad a tutud i langit, kuana; “ Mayomên bia’i bo sumêsênêm tanu lumas a pêdekoman i Ningumêlêd, pêdokoman bako’, ¹⁸ sam’aho komotahula kuman i kêtêd i pahasa daja bo kêtêd i pahasa tona’as bo kêtêd i pahasa imasake-wesia bo keted ipahasa tow, mauleng ê mardea suma ata, mauleng ê kisit suma ê mbako’.” ¹⁹ Bo ahu mahawilah biagên wa’aho bo manga-daja a mbaoitoba teka mangasururaho i latahula i sumesenem tanu tumelid paperangan sumaru i masake a kawayo wa’aho bo sururaho-Na. ²⁰ Yanasa kinatiho’anem mbiangen wa’aho bo makaru-haru isia nabi towo, ê nimengeledem imanga-tanda’ a sa’angen i mbelana, bo karengan kelewa’aho sia imawaureng silatahula ê nitumirima tanda’ i mbaiagen wa’aho bo ê nimoniri’im i patonga. Silandua bewasot menonow a suang i saloyon baha ww melalab i mbalelang. ²¹ Bo pahasa totumu’ balina ê mbelimed i simala, ê nilumuai a mbaba i tapasake i kawayo wa’aho; bo pahasa melepad imasuh i keted ilatahula.