¹ Bisana remahi pinaseaan bo pinepatean ihamotahula? Ewaaho kawalian ni mahimai pinongaweduan bo pinapepatean ihamotahula waaho kawalian nimahimai pinongaweduan imekunduan, asuang imbatanganu? ² Kamotahula bananihabog ihamotahula sumata kamotahula ahii mahaere, osa kamotahulla mamate i ikanat ihamotahula, sumata ahii kamotahula ahii ihoamat apataarenu, osa kamotahula mepate bo mekure, waaho kawaliaan kamotahula ahii mahaere awa-awa, apa-apaan kamotahula sumombayang. ³ Suma hamotahula sumombayang kahi, sumata’ kamotahula ahi’i mahaere wasia-sia, awahêm kamotahula mesea sumombayang, awahêm komotahula imangeley ioho bati komotahula mawahawu tanu kahabogen kêtêd’nu. ⁴ Ei komotahula mangatow ahi’i maheman ahi’i kailahan ihomotahula, awahêm mêkalasan a mbao i toba ihare’e Ningumêlêd? awa’aho kawalian sisei how mabog iwakarua imbao i toba ia’i sisia ihare’e i Ningumêlêd. ⁵ na’am komotahula kumua mange awahêm pedalehan kaol kumua: “monggonggu’ot bepa i Ningumêlêd a mbatangan ihita ihabog ga karua ikanat!” ⁶ sumata’ sononoi, e mbehomba namai behita. Lebe waho a pahasa ioho, sumata’ behuana; Ngêlêtow mare’e i totumu’ sombong sumata’ mahalês itotumu’ doros nate. ⁷ awa’aho kawalian kumi’it besia, osa lawahên setang osa sia dumekang be hamotahula! ⁸ Sumusut a Ningumêlêd saniboho sia sumusud be homotahula. Bêrêsin kamanu osa kamotahula tow imêsea osa bêrêsin ê natenu nde kamotahula mododua nate. ⁹ imunênange kasoednu, katanêdan inate bo kumae: osa kêkênu saolên i kae bo kasenangan i natenu bo katanêdan inate. ¹⁰ kumênêngêmoho batanganu asa’angên i Ningumêlêd, sanibooho iatanga komotahula. ¹¹ 1mangamorowogku, na’am komotahula matêtêna’an! Sa’ sisei matêna’ suma’ matêpu’ i pog’nga, sia maponero’ i hai lau bo matêpu’ i sia; sa how matêpu’ i nu’kun, yanasa how ahi’i maki’it a nukum, sumata’ tapatêpu, ¹² bati bana nêsa i nukum bo matêpu awa’aho sia ê mahahawasa tapatulid i lala’ut bo tapahisa awa’aho si Sia mahaimbahut mawaaia bo mawawotutus, sumata sisei how, awahêm kow mainjo matêpu i kahelenu tow? ¹³ yanasa ia’i talewe kamotahula ê nihumua ini’a suma sando matang kamitahula moho a kotanu, bo biboho kamitahula mutung sangata’un bo mapajual sa mahaere utung ¹⁴ osa hamitahula ahi’i mahalah asia mamuali sando. Asia toro i pênonowannu? Pênonowannu ioho mêkele mange bo kakap ahi’i êto kawilahan osa ilumeotêm. ¹⁵ totu’u kamotahula doro’na kumua; sa ponge’ean i Ningumêlêd, a pênonowan ihamilatula bo tumawoi wa’i bo wa’aho; ¹⁶ sumata’ ia’i talewe kamotahula mawasêrê imbatangan a kasombongannu, bo pahasa konungan’an ioho i mêsea ¹⁷ sumata’ sa êsa tow mahalah kelembisa sa tumawoy maulêng, sumata hi’i tawoyêna, imêsea sia.