¹ Yanasa ia’i talewe ei komotahula manga totumu’ siha, mêkaeem bo mongisodêm a nigogêm ê tumema i hamotahula! ² Kasihaannu kawowowêm, bo latangu kinanêm i nêngat! ³ Mas bo peranu tinai kayongêm, bo taikayonga mainjo sairi asakum ihamotahula bo mainjo suda’ i kêtêdnu kele baha , komotahula imanêsênêm gaidan a manganendo masusutêm i hasapêt. ⁴ kaulitana imahatangaamahu sawang bawakalea, apa-apaan i humutang i lawu i manga mapanguwu ambondoinu, bo imotahadêm a talinga i Ngelêtow lohoi i kaayaan. ⁵ Asakum kahêlian kamotahula imenonowêm bo i monayo-nayo a mbaoitoba komotahula i mawêdêêm i natenu mêkele a nendo pinêlusaan ⁶ komotahula imukumêm bo hahi imêlimêd i totumu’ ulit bo ahi’i mahabaya lumawah i hamotahula. ⁷ aho kawalian, mangamorowog, mêludêm ahad anahian i Ngêlêtow! Kaulitana tapanguma masondo i mbua êmbana baera a tanana bo mêlud ahad imêkadêm têka a musung mêdondang bo têka a musung mêlulun. ⁸ Kamotahula hahi musti mêlud bo musti mawaête i natenu, nde nahian i Ngêlêtow susutêm. ⁹ Morowog na’am komotahula masosa-sosamong bo mêseseaan saniaho homotahula na’am ukumên. Kaulitana tapasiha itumodêm ambaba imbonang. ¹⁰ Morowog makiitange tuturu i pinahagon bo kaulêdan i moro nabi ê nimapohodaitêm tanu ngalani Ngêlêtow. ¹¹ Kaulitana kamitahula ihumua silatahula imaenow, ê wa’i silatahula ê ihumundum; kamotahula itumangaam kahunduan i Ayub bo komotahula mahailahêm asia ê napahadan besadia i Ngêlêtow tanu sisia, nde Ningumêlêd wowêlês io mauhuhu i kobêlêsan ¹² sata ihatud morowog, na’am komotahula masupah tanu sorga suma baoitoba asiamange mbalina. sa eyem, musti komotahula kumua eyêm, sa tahi’i musti komotahula kumua ahi’i, saniboho kamotahula natênan inukuman. ¹³ Sawana êsa tow atutud ihamotahula mahigon maulênga sia sumombayang! Sawana ê nêsa tow mekahi-hahi maulênga sia makatar! ¹⁴ Sawana esatow atutud ihomotahula pahadosan, maulênga sia tumiang i moro penatua i njêmaat, saniaho silatahula sumombayang isia bo sumawu i solo karêngan ingalan Ngêlêtow. ¹⁵ Bo sombayang enilumêmbo a kawaheman mainjo mawia itow pahadosan iaho bo si Ngêlêtow mawawolo isia; bo sa sia imaorowêm yanasa kaoroana waaho mainjo apungan. ¹⁶ Kawalianiaho musti komotahula mêpawawa’haan inorownu bo mêsosombayangan, saniaho komotahula mênyaman. Sombayang i totumu’ ulit sa karêngan ikaemanan isombayang, bako ia imbahutna. ¹⁷ Si Elia awahêm totumu’ biasa kahele ihita. Bo sia imuliu-liutêm isumombayang saniaho na’am tuka, bo tekana na’am mêkad atoba kaêtona têlu ngataun bo ênem ngaulan. ¹⁸ Osa sia hahi sumombayang bo langit imawaêkad têka bo bao itoba ahi’i imehe wuana. ¹⁹ Morowogku sawana atutud ihamotahula sumea ikaulitan bo êsa tow tumuli isia sumomba’i, ²⁰ kalahande awahêm sisei sia tumulid itow tumalihud andalan ikaseana, sisia mainjo mawawia ikanalu itotumu waaho a pawate bo kumolob i manga kaoroana.