¹ Morowoku na’am tado’o atutud ihamotahula maibog mamoali guru apa’an kalahan ihita awahêm kele guru kita mainjo isaang kumiit asosoka lebe tanêd ² apa-apaan pahasa ihita tado’om penêsaan; siseiange tahi’i mêsea awakodaina sisia awahêm totumu tolimomod êndona tumulid imbatangan dona hahi mator imbatangana mio. ³ Kita mepa tom ambaba ihawayo ahad sia makihi-hiit a pandung ihita; karengan i kelewaaho kita dona mator imbatangana ⁴ bo pilahanange manga kapal mande sia bako io bo bewawaeru i kakab depet, sata dona iatod i kamudi mande sia kisit, kumiit a pandung tapa kamudi. ⁵ Kelewaaho hahi ndila, mande tihad imbatangan ê kisitange sata dona manirayo i manga perkara bako. Pilahen, mande kelembisa kahisitan imbaha sisia dona tumutu italun bako. ⁶ Dila kahi awahêm baha, sisia kele lêsad i katapiaan bo ambatangan ihita dona mawatatah ilohow imbuligan bo maelab i kawapurisi i pênonowan i hita, awahêm sisia mio benanag imbaha naraka. ⁷ Pahasa biagên silu, mangamelepad, bo manga biagên maloyod bo biagên i saloyon dona iwawalalam bo bewawalalamen i ngio itotumu. ⁸ Sata mande êsa towange êndona mawawolalam i ndila; sisia awahêm êsaan a nahas ê tahii haatoran bo mauhuhu indiara ê mahawate. ⁹ Karengan indila kita marayow si Ngeletow, Amang i hita; bo têka dila kita dona mamutung itow ê mbengêlêd kumi’it pael i Ningumêlêd. ¹⁰ A nêsa baba lumuai kamang bo ponapa sakum wa’i morowogku, ahii matau i hamoali. ¹¹ Awa bana lumbuhan malumbuh ahe tewang bo ahe wêtu a lumbuhan êsa? ¹² Morowogku awa bana tud i nara dona mamua zaitun bo awa bana tud i nanggor mamua ara? Kelewaaho hahi lumbuhan i nahe moasin ahi’i rona mawaluai ahe tewang. ¹³ Siseyêm a tutud behamotahula ê nêlud bo mosononoi? Maulênga sia karêngan i kawawenonow maulêng mawaturu i tatawoina i kasononoian ê nilumêmbo a koemengana. ¹⁴ Sahomotahula mahepapa kêhêlam kahanatên i natê bo komotahula bati mapangimun imbatanganamio naam komotahula sumukag bo naam maponowo malawah i kaulitan ¹⁵ waaho ahii kasononoian ambao de mahi sata a mbao toba sa mahi, a kahabogen i totumu a manga tapatena. ¹⁶ apa-apaan bisa mbana kahanaten i nate bo mapangimun imbatangan mio, biboho bana kahurasian bo moro tatawoi tapia. ¹⁷ Sata kasononoian e nambao samahi awahem apahamunan leno, lumalas tapasononoi kalawusan moêlêd, mohi’it, tadoo mbewêlês bo bua-wua maulêng ahi’i mapogiwing bo hi’i tapomurisi, ¹⁸ bo bua i kaulitan bewêpês asakum sononoi tanu silatahula tapasononoi.