¹ Mamga woku tamu tow maheman besi Yesus Keristus ngeled tow ihita a monunga, naam de enam ioho komotahula mehe karua monarah inamo. ² Nde sawana esa tow sumuang asuang’i pasesenannu karua make sising emas, bo pakean loor bo i mahi hahi esa tow lengey bi boho karua i make latang ta’pia. ³ Bohamotahula i mising i tow i mak loor io bohumua besia wai’ tuang datuhan’ atampa mauleng; nde atotumu i lengey, i boho komotahula kumua: Tumod iloho biboho; suma: Dumatuhio ambelah atai nae ioho ⁴ hiire homotahula dona tumulid pahisalaan asuang inatenu bo tumulid tanu hakim, bo tumulid tanu hakim karua a kata’ piaan i nuteh? ⁵ Tangaan nde manga po’ ihales, ahii re Ningumêlêd i sumi sir i manga tow abeangap, lengey ambao toba iai sa ma moali siha asuang i kaemanan, bo mamoali endo saleng i kolano amberandina besisei yange imahales isia. ⁶ Sumata komo tahula isumeroom itotumu lengey ahiire’ kelemanga totumu siha i humeleng i homotahu la a pahurusan? ⁷ Ahiire homotahula dumoros ingalan a monunga, apaan homo tahula imamoali sinisir i Ningumêlêd. ⁸ Sumata homo tahula lumapang i lala’ut a pahamunan bewatih asuang kaol bayo: i hales kahelenu totumu kele batanganu mio, nde homo tahula i tumulid mauleng. ⁹ Awahem homotahula milah inamo, komo tahula itumulid kaseaan, i lala’ut wa’aho ihatara, nde homotahula tumulid kaseaan. ¹⁰ Awahem sasisey kumiit pahasa ilala’ut ioho, sumata esa mange ahii kahiitana, kelemange masea pahasa. ¹¹ Nde kuana; naam mapedetuhan, kumua hahisia, naam lumimed kawalian mande homotahula hii mapedetuhan, sumata imelimed, kele mange ilumawah i lala'ut. ¹² Kumua mange bo tulidenange kele mangatow e mainjo isaan ilala'ut e mawawebas itow. ¹³ Awahem apahahadan satahii bama belesna ihatuli hahi atotumu ahii bama belesna. Sumata belesna mautung a pahahadan. ¹⁴ Manga woku, asia bereguna esa tow kumua sia moeman sumata sia ahii tumulid. Do'na onah kawahemana mawa enow isia bereguna? ¹⁵ Sawana tow po'ngu tuama bo wene ahem latang bo ahem kanen a tebei inendo ¹⁶ Awahem sawana esa tow kumua; lumapangem, make koso' osa kuman ahad i masuh. Sumata ahii sia mehe asia ioho kahabogen, imbatangana, asia bereguna ioho? ¹⁷ Kele aho hahi kawahemana; sa' kawahemana ahii i wekarua e kawatawoi, nde pahasa ioho kawaheman nen ahem bereguna, suma mate. ¹⁸ Sumata bana tow kumua: behow bana eman bo beahu bana tinuli' sowatku behow: wai kaemanamku pahasa haturu a tatawoihu ¹⁹ sihow moeman, awahem bati esa Ningumêlêd? Waaho mauleng? Sumata manga tutuh mahalah pahasa ioho bo silatahula matalo. ²⁰ Totumu ta'pia niaitalewe dona pangakunu, sa maheman ahii wakarua tatawoyen ahem moho bereguna. ²¹ Awahem amang ihita Abraham, beulitan, nde pinatawoy – tawoyna; e kawalian sia mehe si isak bata'na ambao i mezbah. ²² Pilahen ihomotahula, matawoi-tawoi karua, imaheman awahem tatawoyen ioho mainjo loor ²³ nde kele waaho malekewem nats ihumua i bohom si Abraham, maheman a Ningumêlêd i tumulid, aboho sia kele kaulitan. ibohom Abraham kalahan karua Ningumêlêd. ²⁴ Pilahen ihomotahula, awahem totumu beulitan nde kawatawoi-tawoina, osa ahii bati kawaheman. ²⁵ Keleaho haki si Rahab, ta'pedetuh, beulitan nde kawa tawoi-tawoina ateposia irumuru mangatow ambewa siu sumuang ambalena, sa' turu'ana dalan balina bebean ilatahula. ²⁶ Keleaboho hahi batangan alahem kamahi mate, keleaboho hahi kawaheman hii matawoi awahem mate.