¹ Siri’ i Yakobus, a’ta i Ngeled tow bo si Tuhan Yesus Kristus a kasanga wulu bo ama siri a pinalau-lauran. ² Marowo’ku ngawila tulidenange ihamutahula kele i kahahiin sa iwetan i pahasa sesepêd. ³ Awahêm kaemananu mamua' kaulitan. ⁴ Bo tulidênange karêdêmani aho mamua' maulêng, sani boho kamutahula mainjo motolimomod bo ahêm da'na. ⁵ Sumata' sa bana êsaan behamutahula ahii lêkêw kohoba', mangelei ange sai a Ngêlêdtow. Ê mahehe a pahasa tow karua i nate ênow bo ahii panali-nalihu'den nde pahasa i aho behem be sia. ⁶ Pangeleienange karua i kawaheman, osa naam mapelikako, nde tow likoko kelemange bohol i daloyon, isendohoho isendohai i kakab. ⁷ Totumu' kelewaaho naam me'dekereken, osa sia anahaere asia mange a Ningumêlêd. ⁸ Awahêm totumu' mo'dodu-do'duaan nate ahu ênow penonowana. ⁹ Awahêm marowo'ku mande menonow a kalêngeian ta' iwêkahi' ku nde keataNga ahu a katawan telas. ¹⁰ Bo totumu' siha' apahasa kalêngeiana nde sia mahasa hatambulala kele bungang i noho. ¹¹ Nde nêndo i ange sumulo moai kawasa'ana mawolatoi i moho, osa duma'kas bunganga osa hatalamoho konungaana. Kelea' boho hahi tow siha; pahasa tatawoina ihalambulalamoho. ¹² iwêkahi' ange tow imongi'gongi'gon a pahasa sesepêd, awahêm sia imaha' baya be êtêsen, nde sia mayo i tapel a pênonowan be nandi i Ningumêlêd be sisei e maheman i Sia. ¹³ Sa wana tow pinangêpe'an naam sia humua : "Ningumêlêd i mangêpe' besia" nde Ningumêlêd ahii mata'u pangêpe'an i ta'pia. Nde Sia ahii ana pangêpe' be sisei ange. ¹⁴ Sumata' totumu' mapangêpe' i kaha'bogena mio osa sia be soyot bo be ayur i kahako'gena. ¹⁵ Bosaniaho ikaha'bo'gena i mua'am maleng itumulid sea' bo sa pahasa kasea'an imamoalim ahad iwetan i pawate. ¹⁶ Morowo'ku ngawila karua i mbele'ku, naam kamotahula ihawureng! ¹⁷ Pahasa kewapahe maulêng bo pahasa kahomba' manunga, kehemoai i nambao, belolosai i Namang i pahasa sula; be Sia alahêm be hawalui suma palen apaan ahii pakasaolan. ¹⁸ Akahabogê Na tinulidNa hita kele kaulitan i kukua, sani boho hita mainjo kele he'dong matua pinomiaNa. ¹⁹ Ei morowo'ku ngawila kamai mbeles, imunenange pahasa yai; matiro' matanga', sumata' ngerenen mapoho'dait bo ahii tapo'boro'. ²⁰ Awahem boro' i totumu' ahii tumulid kaulitan andior Ningumêlêd. ²¹ Waaho kawalian ipaamio' pahasa kata'dooan i kahulengan bo kata;piaan osa ayonange kukua karua i nate enow osa ipa' asuang i natenu nde imawabuli' i kanalunu. ²² Sumata mamoali mange kamutahula mawa heman i kukua osa ahii sa bati' matanga'; nde sa ahii keleaho kamutahula momandei i hamutahula mio'. ²³ Nde sahow bati' matanga i kukua, osa ahii mafeman kele itumio' sia tow manengo-nengo i tokia'na seremin. ²⁴ ihaworusange sia enonengo-nengo i mbatangana, osa sia moho, konolingoana nemoho nggiona. ²⁵ Sumata' siseiange tumikem i mikum maulêng, awahem nu'kum i aho mawawekar i totumu', osa sia kumundu asuanga, yanasa hii osa bati' tumanga' osa kolingoanaho, sumata' ulit tumulid i aho, nde sia mekahi' apaan tatawoina. ²⁶ Sawana niaho totumu' mangatam i mbatangana maibadah, sumata' ahii tumahang i ndila'na, sia momandei imbatangana, ahem toro i nibadahna. ²⁷ ibadah motalimomod bo alahem da'ina andior i Ningumêlêd, Amang i hita, waaho niaho mahimbat i mangahe'dong alam ninang bo namang bo manga balu a tutud i kalengeian i latahula, bo miaha, saniboho batangana hahi ahii wawasokia' i mbaoito'ba.