¹ Niado, malaikat kalimmana poghi trompet, monno zauwa eta ia madubbu warraka wali langita ne ponnu tana, monno barrana ayani kuzi bonga ngaba maut. ² Nia nabughe bonga ngaba maut, niaka pennene mau wali bonga netti, azama mau wali tillura a kaladana, monno lodo monno angkasa jadi kapattana orona mau bonga netti. ³ Niaka, wali barra mau netti louya kabala-kabala ne ponnu tanah, monno ghidda ayadi kuasa azama kuasa paletika ne ponnu tana. ⁴ Monno, barra ghidda ayadi pesan gaika da rusakaka ruta-ruta ponnu tana, tumbuh-tumbuhan, monno hayu-hayu, niadona ghidda damungngu segel Mori ne'e koba mata da ghidda ⁵ Ghidda da izinkidi ba pamate ghidda, takka ga'ika siksazi ghidda mado'i limma ghullana; monno siksaan netti zama atudda siksaan paletika ne maghinna nia akati atapia. ⁶ ne masa ghettipona, atapia a ghega mate, takka ghidda da kolekige. ghidda a beina mate, takka mate a erudi ghidda. ⁷ Touda kabala-kabala netti azama dara-dara pasiapda tagu patauna; monno ne ponnu katowa da ghidda gha'ige nesesuatu azama mahkota ammarara, mata da ghidda zama mata atapia. ⁸ Lode da ghidda zama logena maghinne monno ghuddu da ghidda zama ghuddu singa, ⁹ Monno tukku ngauda ghidda zama kalembe bei, monno punni kapa kereta-kereta ne aluwana dara a ne'ena ne padou patauna. ¹⁰ Monno, kikuda ghidda zama paletika monno gha'i sengatnya, monno ne barra kiku da ghiddawe gha;i kuasa tagu pakaroduka atapia ne mado'ina limma ghullana. ¹¹ Tokko a paretai ghidda nia malaikat ngaba maut, ne nia bahasa Ibrani ngarana niadona"Abadon," niaka ne'e bahasa Yunani ngarana niadona " Apolion". ¹² Bencana ne a ullu na lewataba, takka gha'i po doda karoduka wede nemmi a mai. Trompet Kaennena Napunni ¹³ Niado, malaikat aka ennena na poghi trompetna, monno zauwa wali kapata kadu altar* ammarara a gha'ina ne arona Mori, ¹⁴ Napaneghe barra malaikat kaennena a terrei trompet netti, "pazallai kapata malaikta ne paketeda ne loko Efrat a kaladana netti." ¹⁵ Niaka, apata malaikta netti, ghidda pasiapbada tagu jam monno lodo, ghulla monno dou netti, apazallai ga'ika pamatei sepertouda umat atapia ¹⁶ Mangedana tentara apenne dara ghidda niadu doda ngau rata luwana; zauwa reghe mangedada ghidda. ¹⁷ Monno, ne ghinna zauwa baku eta ne nampaka* dara-dara netti monno ghidda a madi'i ne ponnuna; ghidda a kaletei atau kalambe bei awarna rara wegara, biru kapatta, monno kuning azama belerang; monno katowa dara-dara netti azama katowa singa monno wali ngadada ghidda louza api, mau, monno belerang. ¹⁸ Ghidda akatoudana sepertouda atapia apamatei; awaidi api, mau, monno belerang a louza wali ngadada ghidda. ¹⁹ Niawe, paghezida dara-dara netti kole gha'idi ne ngada monno kiku da ghidda. niawe kiku da ghidda azama kaboko monno gha'ige katowa, monno ne niado ghidda papaluwaida. ²⁰ Niaka, atapia a slamat, a da mate wali bencana netti, engage bada bertobat wali parawi-parawida limmada ghidda,ba ghidda dana bisake marai roh-roh abokala monno marapu-marapu* wali ammarara, perak, tembaga, watu, atau hazu; a da bisa eta, renghe atau akako, ²¹ Monno ghidda da bertobatki wali pamate ata, sihir,* dala, monno kedu.