Malaikat Monno Gulungan Zurata bia Aki'ina ¹ Niado, zauwa eta ia malaikat paghezi wedeka burru wali sorgadana, atau kalambe karoba monno pelangi ne'i ne ponnu katowana, monno matana azama mata lodo monno gha'ina napagaina pari'i api. ² Malaikat netti naterrege ia zurata bia aki'ina a mabughe. monno, Nia naleduge gha'i kawanona ne bonnu dana monno gha'i ghellona ne tana deta ³ Niawe na kawaro monno li'i akaladana, azama singa a kangurruka; monno nababa nia bana kawaro, pittu punni kagurruka aparenghege li'ida ghidda ⁴ Niaka ghidda pittu kagurruka netti apunniba, zauwa ku tulissawe, takka zauwa kurenghe li'i waki sorgadana napaneghe, " segellawe appawe ne patekina ghidda pittu kagurruka netti! du tuliskawe!" ⁵ Neba ghinna, malaikat ne paetagu na dede ne bonnu dana monno ne tana deta netti nakeketa limma kawanona neghe langita, ⁶ Monno makutuka taguna Nia amoripa moriwali-moriwali, a rawige langita monno ngarakua inanawe, monno bonnu monno ngarakua inanawe, da'ibaki matundanawe ne, ⁷ Takka ne masa punnida malaikat akapittuna, ne nia bana poghiza trompetna, niaka na bonnuge ne pakabunnina Mori, azama ne Nia patekina barrada ghidda atapapatuka-Na: ghidda Nabi*." ⁸ Ne ghinnawe, li'i ne nena zauwa parenghegu wali sorgadana paneghe dommo barragu, ne paneghena, " kako monno dekewe gulungan zurata bia amabughe wali limma malaikat a dede ne ponnu bonnu monno tana deta netti." ⁹ Niak, zauwa kako barra malaikat netti monno kudeghiza yawe gulungan zurata bia aki'ina netti barragu. monno, malaikat netti paneghe barragu, " dekewe zurata bia ne monno nga'age, netti narawigo ti'amu podduwe, netti na terasa magolloge azama madu." ¹⁰ Niaka, zauwa kudeke zurata bia aki'ina ne limmana malaikat netti monno nanga'age, monno ne ngadagu netti kurasa magollo azama madu; monno ne zauwa ku nga'a bage , ti'agu na podduwe. ¹¹ Niaka, nia paneghe barragu, " yemmi enganiage bi bernubuat* dommo ne aro luwana ata bangsa monno tokko-tokko."