¹ Niaka, ayagai barragu a ia ghullu, napagaina azama tokko pengukur, monno paneghe-paneghe, " kako monno ukurwe ne Bait Mori monno altarna serta ghidda a ibadah ne barrana. ² Nia takka we, ga'ikoge pelataran Bait Mori a ne'ena gounga, du ukurka orona netti ayabada bangsa-bangsa; monno ghidda a leduge kota zingira netti madoina pata kabullu doda ghulla. ³ Monno, zauwa ku yadi kuasa barra doda saksigu monno ghidda a bernubuat* mado'ina rata doda kabullu enne lodo monno awaina kain kabung." ⁴ Ghidda niadu dodo pu'u ghazu zaitun monno doda kaki dian a dede ne arona Maramba a terrege ponnu tana. ⁵ Monno, ba gha'iko ata a beina pakarodukadi ghidda, api louza wali ngadada ghidda monno apahangusazi musuh-musuhda ghidda. garrakuni a pakaroddukazi ghidda, nia napamatei ne cara azama netti. ⁶ ghidda doda ne akolena kuasa atodi langita ga'ika urra danna burrukana ne lodo-lodo nubuat ghidda; monno kolena kuasa tagu we'e tagu ubawe namenjadi ra'a monno tagu palo ponnu tana ne setiap malapetaka, ne ghidda pabeida, ⁷ Monno, nia ghidda ababa batekiwe kesaksianda ghidda, ranga amuncul wali ngaba dana maut a patauna bapalawanna ghidda monno pakalai ghidda, serta pamatei ghidda. ⁸ Monno, mayat ghidda akadodana a warraka ne lara kota akaladana, ne cara simbolis patekida Sodom* monno mesir, padouna Marambada ghitto kaina nepasalibda. ⁹ Monno, wali ngarakua bangsa monno suku monno bahasa monno kaum a eta mayatda ghidda adoda selama touda lodo setenga monno da ijinkidi mayat adoda apabeikai ne kubur dana. ¹⁰ Monno, a dangi ne ponnu tana a maghenghera ate ne taguda ghidda monno senangnga; monno ghidda saling pangidina hadia ia ata monno ata wedeka orona adoda nabi ne asiksazi ghidda a dangi ne ponnu tana. ¹¹ Takka nia, ba ne touda lodo kanippu, roh moripa wali Mori tama ne barrada ata mate netti, monno ghidda adede ne ponnu gha'ida ghidda niaka ne apasarradi ghidda amadauta. ¹² Niado, ghidda reghe li'i a kaladana wali sorgadana paneghe barrada ghidda,' penne ni'ami!" Monno, ghidda kaina penne ne sorgadana barra karoba, asaksika ghidda musuh-musuhda ghidda. ¹³ Monno, niaka ne netti, adadiwe epu ponnu tana a dahsyat niaka seper kabullu kota netti warraka; monno pittu rata ata mate orona epu netti, monno ghidda da mate a madauta, niaka a deika Mori a ne'ena sorgadana. ¹⁴ Bencana a kadodana na lewataba; etawe bencana katouda nemmi ammi memage. Trompet a kapittu Napunniwe ¹⁵ Niado, malaikat aka pittu poghi trompetna, monno renghewe li'i akaladana ne sorgadana a paneghe, " paretada dunia na jadi pareta Marambada ghitto monno Nia a paurapi-Da*, monno Nia a pareta dukki moriwali-moriwali." ¹⁶ Niaka niawe, doka bullu pata kaweda-kaweda* a madi'i ne takhta ghidda, ne arona Mori, katikka monno deika Mori, ¹⁷ Monno paneghe, " yamme bersyukur barra-Mu ya Maramba, Allah a mahakuasa, a gha'ina monno a gha'ibana, orona gho'u bu dekewe kuasa-Mu a kaladana monno mulai kako pareta. ¹⁸ Monno, bangsa-bangsa a buttu ate, takka bani-Mu nemm ammige, monno waktuna na dukkiba bagi ata-ata mate tagu baadili monno bayadi upa atapapaweda-atapapawede-Mu nabi-nabi* monno ata-ata zingira monno a madautane ngara-Mu a ki'ina monno akaladana, monno tagu pubuka para penghancur ponnu tana" ¹⁹ Niaka niawe, namabughewe Bait Mori ne sorgadana monno napaetage Tabut perjanjian Mori barra Bait-Na, monno naouda kilat monno li'i kagurruka monno epu monno urra es a rukke.