¹ Niadowe, napaoudage a ia tanda a kaladana ne langita deta: na ia ata maghinne na tau kalambe mata lodo monno ghulla ne kabu gha'ina monno mahkota wali kabullu doda madubbu ne katowa detana. ² Manghinne netti ne'na pati'a monno karodukana na napa'ana, nia nakawaro karoduka. ³ Niadowe, naouda na ia tanda wedeka ne langita deta: na ia naga kalada awarna rara a kolena Pittu katowa monno kabullu kadu serta Pittu mahkota barra katowana. ⁴ Kiku naga netti atongu sepertouda madubbu ne langita deta monno aletoni ne ponnu tana. Naga netti na dede ne aro maghinne a na pa'ana netti ga'ika bana maghinne netti na pa'ana, nia nakabolloni Ana-na. ⁵ Maghinne netti na pa'ana na ia Ana kabani, na a pareta bangsa-bangsa waina tokko bei; takka Ana netti narampassa monno a ghiddi barrai Mori monno ne aro takhta-Na. ⁶ Maghinne netti namalle na aro padang belantara, a kapatana na pasiapna Mori taguna ga'i ka ne'ege ne'e, nia nadaga ne mado'ina rata doka bullu enne kabullu lodo. ⁷ Monno, nadadiwe patauna ne sorgadana, Michael monno ghidda malaikat apatauna balawaina naga netti. Naga netti napatauna azama dangngai ghidda malaikat, ⁸ Takka ghidda da tutuki panghezi niaka da'iki padou dommo tagu da ghidda ne sorgadana. ⁹ Naga kaladana netti aletoni ne kabu, na kaboko kaweda na patekida kaballika atau Setan, a pasesattai ngarakua ata ponnu tana, nia paletoda ne ponnu tana, monno ghidda malaikatna aletodi ne kabu azama dangainia ¹⁰ Monno, zauwa reghe li'i a kaladana ne sorga Dana a paneghe, " Ne maghinna, ne ammi bage toleka, kuasa, monno kerajaan Morida ghitto, serta paghezina karittu*-Na orona na penuduh oledadi-oledadi da ghitto, a tuduzi ghidda ne arona Mori lodo monno gede, a letobadi ne kabu. ¹¹ Ghidda apakalai ne ra'a Ana Bebe, monno ne paneghe kesaksian da ghidda; orona ghidda da manawarage dewa da ghidda, ba ne'edi a' aroge ne pamate danga. ¹² Orona netti, madita paneghe, ne sorga dana monno ngarakua a dangi barrana! Niawe, celakah ponnu tana monno bonnu orona kaballika burru barramu ne banina a kaladana orona nia na paddege ba waktu ne pakolena NAIA todduge." ¹³ Natti Naga netti eta ba nia a letobai neghe ponnu tana, nia na'aniaya maghinne a padadi Ana kabani-kabani nena. ¹⁴ Takka nia, maghinne netti ayani doda kapa keila wikita a kaladana ga'i nia bisa lera ne marada kikapa, nepadouna ne, ge niage ba karagha selama ia rapa, doda rapa, monno kadippu rapa morro wali aro na nippe. ¹⁵ Kaboko netti na ghurrutage we'e ne azama loko ne arana maghinne netti, tagu pahanyutta na Maghinne barrana. ¹⁶ Niawe, ponnu tana natulluna maghinne netti; ponnu tana nabughe ngadana monno nakabolloge we'e ne paghurrutana naga netti. ¹⁷ Niaka, naga na bani wali ate barra maghinne netti monno kako tagu lawani ana-ana awede wali maghinne netti, nati ata-ata a dagawe pareta-paretai Mori monno aterrege ne kesaksian Yesu. ¹⁸ Naga netti na dede ne uppu bonnu.