¹ Niaka niawe, zauwa eta ia danga bani louza wali barra bonnu, terrei kabullu kadu monno Pittu katowa. barrai ne kaduna gha'ige ia mahkota monno ne serial katowana namatulissa ngara-ngara hinaan. ² Tanga bani ne zauwa paeta netti mirip nazama macan tutul, gha'ina azama gha'i azama gha'i beruang, monno ngadana azama singa. Naga netti ayani danga bani netti apaghezi, takhta, monno kuasa a kaladana. ³ Zauwa kueta ia wali katowa-katowana azama a ghanna manu'a a kolena ne pamate danga, takka manua'a netti na langngagr. ngarakua ponnu tana kagum monno Adeku na ranga abani netti. ⁴ Monno, ghidda adeika naga netti orona ayabadi pangezina barra ranga bani netti; monno ghidda neika ranga bani netti monno na paneghe, " garraku a zama na ranga bani ne monno garrai a bisa pataudangai monno abisa lawai nia?" ⁵ Monno, barrana ayana ia ngada a paneghe-neghe takossuka monno pakanikina, monno kuasa tagu rawige ne mado'i pata kabullu doda. ⁶ Nia na bughe ngadana ne pakanikina bana lawai Mori, tagu pakanikina ngara-Na, monno ghidda a dangi sorga Dana. ⁷ Nia kaina a ijinnai bana lawai ata-ata zingira monno pakalai ghidda; monno barrana ayadi kuasa ne ngarakua suku, kaum, bahasa, monno bangsa. ⁸ Ngarakua a dangi ne ponnu tana a deikania, niaka setiap ata a ngadana dapa tulissada sejak ponnu tana arawige ne'e zurata bia moripa douna Ana Bebe, na paropoda. ⁹ Setiap ata aka tillu enga niage bana renghewe ne: ¹⁰ " Baniaka na ata patentukada tagu tawanan, nia na jadi tawanan; na ata bana pamateko waina katopo, monno katopo nia harus pamate." niado patekunda monno ate waimu ata-ata azingira. Ranga A Louza Wali Ponnu Tana ¹¹ Niado, zauwa eta a ia ranga bani wede louza wali Dana ponnu tana; monno ranga netti a kolena doda kadu azama ana bebe, takka nia panenghe azama ia naga. ¹² Nia napakako ngarakua kuasa ranga bani a ullu netti ne arona, monno rawige ponnu tana monno ghidda a dangi ne barrana adeika ranga bani a ullu, a manu'a parana a palangani. ¹³ Nia narawina tada-tada ajaib a kaladana, ba paburru api wali langita Ne ponnu tana, ne aro ata-ata. ¹⁴ Monno, nia napa sesatai ata-ata a dangi ne ponnu tana ne tada-tada ajaib ne. paijinda taguna barawige ne aro ranga bani a ullu. Nia natekkiwe barra ghidda a dangi ne ponnu tana tagu rawi paying ranga bani a ullu, a manu'a orona katopo, takka enga moripa netti. ¹⁵ Nia paijinda tagu yadi Ngau barra patung ranga bani netti niaka patung ranga bani netti bisa paneghe monno apasebabge ata-ata a da deika patung netti nepamate. ¹⁶ Monno, nia apasebabge ngarakua ata, ki'i monno kalada, pote monno dengo, atapapawede monno ata kaloga , ayadi ia tanda ne barra limma kawanona monno koba matada, ¹⁷ Gaika da'ikana ia ata abisa magho'i monno ama batta kecuali nia a kolena taxa netti niado ngara ranga bani netti monno bilangan ngarana. ¹⁸ Hal ne butu padde. ga'iku ata a bijak kira na angka ranga bani netti orona angka netti niadoawe angka ia atapia; monno angkana enne ngau enne kabullu enne.