¹ Niadowe, zauwa eta Ana Bebe adede ne Bukit Sion, monno apalolo dangai-Nia gha'i ngau pata kabullu pata rata ata, a kolena ngara Ama-Na ne koba mata detada ghidda. ² Zauwa ku renghe li'i wali sorgana azama kangurruka we'e a luwana monno azama punnu kagurruka a kaladana, takka li'i ne pareghegu netti azama punni ghidda ama ghagona kecapi a ghagodi kecapi da ghidda. ³ Ghidda adodo na ia lagi baru ne aro takhta monno ne aro apata makhluk, serta ne arona kaweda-kaweda*. da'iki ia ata a hafalla na lagu netti selain ghidda ngau pata kabullu pata rata ata ne patebusda wali ponnu tana. ⁴ Ghidda ne ata-ata a da najis touda barra maghinne-maghinne orona ghidda perjaka. ghidda ne ata-ata a deku Ana Bebe gekako niana. ghidda a tebussai wali tillu atapia sebagai ghua-ghua a ullu bagi Mori monno Ana Bebe. ⁵ Da'iki boto barra ngadada ghidda; ghidda dabokalaki. Pesan Wali Touda Malaikat ⁶ Zauwa eta malaikat wedeka lera ne tillu-tillu langita, a ngidi Injil* Daka dukkana tagu ngidiwe barrada ghidda a dangi ne ponnu tana monno barra ghidda ne ponnu tana monno barra ngarakua bangsa, suku, bahasa, monno kaum ⁷ Monno nia paneghe monno li'i akaladana," Madautai Mori monno yani kemuliaan barra-Na orona waktu penghakiman-Na na dukki; deika Nia a arawige langita, ponnu tana, bonnu, monno ngarakua mata we'e." ⁸ Niaka, malaikat a wede, ne kadodana, namayusul monno napaneghe,"warraka, na warraka bawe Babel ne akaladana netti orona nia na rawidi ngarakua bangsa enuge anggur nafsu seksualna a bokala." ⁹ Niaka niawe, malaikat a wede, a katoudana, nasusullah doda malaikat netti pona, monno paneghe waina li'i akaladana," garrakugu a deika ranga netti monno patungna, ¹⁰ Ata netti na enuge anggur banina Mori, ne palegada awaina pangezi a bonnuna ne barra cawan bani-Na, monno nia a siksa wai api monno belerang ne aroda malaikat-malaikat zingira monno ne arona Ana Bebe. ¹¹ Monno, mau siksaanda ghidda penne moriwali-moriwali. Ghidda da'iki wakgtu ba istirahat, baik lodo atau gede, ne ghidda a deika na ranga netti monno patungna, atau garra punnuku a deiba tada ngarana." ¹² Ne niawe ketekunan ata-ata zingira a dagawe paretai Mori monno ate waida ghidda ne barrai Yesu. ¹³ Niaka, zauwa renghewe li'i wali sorga dana napaneghe, " tulissa ne: wali nemanghinna, pamaringidi ata mate, a mate ne barra Maramba,"Roh*paneghe, "nadua, ga'ika ghidda akolege istirahatda wali capeda ghidda orona parawi-parawida adekudi ghidda." ponnu tana Apanenge ¹⁴ Niaka, zauwa kueta ia karoba kaka monno madi'i ne togo karoba netti ia ata azama Ana Bebe*, natau mahkota ammarara ne katowa-Na monno sabit* a tara ne limma deta-Na. ¹⁵ Niaka, malaikta wede louza wali bait Mori, monno kawaro waina li'i akalada barra Nia a madi'i ne togo karoba, " wegutge sabit-Mu monno panen orona waktu tagu panen na dukkiba monno panen ne ponnu tana a dekkeba." ¹⁶ Niaka, Nia a madi'i ne togo karoba nawegutge sabit-Na ne togo ponnu tana, monno ponnu tana kaina apanenge. ¹⁷ Ne mahinna, malaikat wede alousa wali Bait Mori a ne'ena sorga dana, monno nia akolege sabitta a tara. ¹⁸ Monno,malaikat wede dommo, a berkuasa togo api, lousa wali altar*. Nia kawaro waina li'i akaladana barra malaikat a terrege sabit tara netti, " wegutge sabitmu a tara netti monno pakuadi gugusan ghua anggur wali pu'u anggur ne ponnu tana." ¹⁹ Niaka, malaikta netti naweguttage sabitna ne ponnu tana monno napakuadi gugusan ghua anggur wali pu'u anggur ne ponnu tana monno naletoi ne barra walu kilangan akaladana bani Mori. ²⁰ Perasawe ghua anggur netti arwaige ne gounga kota, monno ra'a nakoko wali alat pemeras anggur kekang dara monno malouna rata enne ngau stadia.