¹ zauwa eta tada wede ne lagita deta, a kaladana monno ajaib, pittu malaikat a ghidi pittu bencana, ne niado bencana akadukkana, orona barrada apittu bencana niawe bani Mori papangauna. ² Niaka, zauwa eta ne ia azama bonnu kaca apacampurrna api monno ghidda a pakalah na ranga netti, patungna, monno angka ngarana, adede ne uppu bonnu kaca netti monno terrei kecapi Mori. ³ Ghidda adodoni lagu Musa,* atapapawedena Mori, monno laguna Ana Bebe: " kaladana monno ajaib ngarakua paghilli-Mu, ya Maramba, Mori a Mahakuasa. Adil monno dua ngarakua lara-Mu, ya Tokko da angarakua bangsa. ⁴ Garrai ia dama dautagu barra-Mu, ya Maramba monno da deikago ngara-,Mu? Niawe, gho'u kidona a zingira. ngarakua bangsa a mai monno akahodo ne aro-Mu orona keadilan-Mu bu yabama." ⁵ Ne ngarakua hal ne, zauwa eta Bait Mori, kemah kesaksian Mori ne sorga dana, namabughe, ⁶ Pittu malaikat a ngidi pittu bencana netti louza wali Bait Mori, tau kalembe linen a kakana monno amagidata, monno tau kalembe bale ammarara ne tuka ngau detada ghidda. ⁷ Ia wali pata makhluk ayawe barra pittu malaikat netti pittu cawan ammarara, bonnuna bani Mori, a moripa molriwali-moriwali. ⁸ Bait Mori aponnoh wai mau wali kemuliaan Mori monno wali kuasa-Na; monno da'iki ia ata abisa tama Bait Mori sebelum pittu bencana wali akapittu malaikat netti akadukkabana.