¹ Niaka, zauwa kureghe ia li'i a kaladana wali Bait Mori a peneghe barra pittu malaikat, "kakoghu monno legawe ne pittu cawan banina Mori netti ne ponnu tana." ² Malaikat a ullu nakako palegawe ne cawanna ne ponnu tana, niaka ouda kabillo a pamadigila danga monno akaroduka barra ata-ata a tauge tada ranga netti monno a deika patungna. ³ Malaikat akadoda nalegawe cawanna ne bonnu dana, niaka bonnu naberubawe jasdi ra'a ata mate; monno ngarakua a moripa ne barrana kaina amate. ⁴ Malaikat akatoudana nalegawe cawanna ne loko-loko monno mata-mata we'e, monno ngarakua jadi ra'a. ⁵ Niaka, zauwa renghe malaikat a berkuasa ne tagu we'e napaneghe, " gho'u adil, ya ne zingira, a gha'ina monno ne gha'i bana orona Gho'u menghakimi ngarakua ne, ⁶ Niawe, ghidda a patakaddakadi ra'ada umat-Mu a zingira monno ra'a Nabi-nabi-Mu*, takka ghidda buyadi ra'a ba enu. ghidda pantas badeibawe." ⁷ Monno, zauwa renghewe altar* paneghe, " ya Maramba, Mori a terrena kaghukku, adua monno a,adilla penghakiman-Mu." ⁸ Malaikat akapata nalegawe cawanna ne togo mata lodo, niaka mata lodo ayani kuasa tagu pakarrai ata pia wai api. ⁹ Atapia apakrrai ne bangata a luar biasa, takka ghidda akanikiya ngarana Mori a gha'ina kuasa ngarakua bencana ne. ghidda dabeikina bertobat monno deika mori. ¹⁰ Malaikat kalimmana nalegawe cawanna ne ponnu takhta ranga netti, niaka kerajaanna na jadi kapattage; monno ghidda akate lammada ghidda orona karoduka, ¹¹ Monno kaniki Mori a ne'ena sorga dana orona rasa karoduka monno kabillo-kabillo da ghidda; takka ghidda dabeikina bertobat wali parawi-parwida ghidda. ¹² Malaikat akennena na legawe cawanna ne loko dana akaladana, netti Efrat, niaka we'ena jadi keringwe tagu siappai lara tagu tokko-tokko wali Timur. ¹³ Niawe, zuawa eta wali ngadana naga, wali ngadana ranga netti, monno wali ngada nabi palsu louza touda roh dirraka a ouda zama pake, ¹⁴ Orona ghidda niadu roh-roh bokala, a padadina tada-tada ajaib, a kako barra tokko-tokko ne ponnu tana tagu pakuaidi ghidda nebaaroge patauna ne lodo kalada, ne lodou Mori, a terrena kaghukku. ¹⁵ [" Etawe! Zauwa ammiga patudda atakedu. pamaringidi ata a engana madaga monno adaga kalembena niaka nia danna kakoki waikina kagola monno ata-ata dappa etana kemaluannya."] ¹⁶ Ne ghinnawe, roh-roh bokala netti apakuadi ghidda ne padouna, ne pateki bahasa Ibrani atekiwe Harmagedon. ¹⁷ Malaikat kapittu nalegawe cawanna ne paringi deta, niaka renge li'i a kaladana wali barra Bait Mori, wali takhta netti, napaneghe, na selesaiba." ¹⁸ Monno, na ouda katarraka, asambar-sambarwe, li'i monno kanguruka kagurruka, monno epu a hebatta azama ne da terjadipoh sejak atapia bagha'idi ne ponnu tana,na dasyat wali atena epu netti. ¹⁹ Kota kalada netti namabakka menjadi touda bagian, monno kota-kota bangsa-bangsa aruntuh; monno Babel akaladana netti dana bullakige Mori tagu bayana barrana cawan anggur bani-Na a meluap-luap. ²⁰ Setiap pulau a muana monno gununhg-gunung dappa etaki. ²¹ Kira-kira aboto ia talenta, warraka wali langita apadipparadi ata pia; takka atapia na kaniki Mori orona bencana urra es netti. naiwe, bencana netti pama dauta danggawe.