¹ Neba ghinnawe, ia wali pittu malaikat a terrege pittu cawan netti nabarraga monno napaneghe barragu, neghinnage," Maiwa, zauwa ku boghogu barramu hukuman tagu pelacur akaladana netti, a madi'i ne togo aluwana we'e, ² ne pawaida tokko-tokko ne ponnu tana berzina monno ghiddaa dangi ne ponnu tana a mabuk orona anggur perzinaanna." ³ Malaikat netti naghidiga ne barra Roh ne marada belantara, monno zauwa eta ia ata manghinne madi'i ne togo ia ranga awarna rarana a bonnuna ngara-ngara kaniki, a gha'ina pittu katowa monno kabullu kadu. ⁴ Maghinne netti na tau kalambe warnah ungu monno rara a hiaskan ammarara, watu-watu permata, monno mutiara. Nia terrege ia cawan ammarara a bonnuna waina kekejian monno kenajisan perzinaanna. ⁵ Ne koba mata detana, naterluissa ia ngara, ia rasia: "BABEL A KALADANA, INNADA NGARA PELACUR NGARA KEKEJIAN NE PONNU TANA." ⁶ Zauwa kueta namaghinne netti mabok orona ra'a ata-ata zingira monno orona ra'a saksi-saksi Yesu. ne saat baku etaza, zauwa ku heran takka punnu. ⁷ Niawe, malaikat napaneghe barrag, " ne yemmiki heranba? Zauwa ku tekidawe netti rasia maghinne netti monno rasia ranga na papenneda, na katowa pittu monno apakaduna kabullu netti. ⁸ Ranga ne yemmi paetami netti gha'i memabani, takka ne maghinna da'ibai, monno na segera louzo wali ngaba maut menuju kebinasaan. Monno, ghidda a dangi ne ponnu tana, ne ngarana da tercatat ne barrana zurata bia moripa sejak ponnu tana barawige, na heran banna etako na rangan natti, a gha'i bana, takka ne maghinna da'i baki, monno namuncul dommo. ⁹ Hal ne butoh akal monno hikmat, pittu katowa natti niado pittu gunung ne togona maghinne netti madi'i. ¹⁰ Pittu katowa nanti kaina niadona pittu tokko, limma ne tilluna na warrakaba, ia tokko gha'ipu, monno ia tokko dommo dana maikipo, takka ba nia na mai, nia danna madoiki. ¹¹ Ranga netti waina perna gha'i, takka nema ghinna da'ibai natti, niadona tokko pondo nia atama barra pittu tokko nena, monno nia menuju kebinasaan. ¹² Akabullu kadu ne paetamu niadona kabullu tokko a dadeibapo pareta, takka ghidda deiba kuasa sebagai tokko selama ia jam azama dangai ranga natti. ¹³ Ghidda a kolena tujuan a zama, monno ghidda ayadi kuasa monno wewenang ghidda barra ranga natti. ¹⁴ Ghidda a patauna alawai Ana Bebe, takka Ana Bebe na pakalai ghidda orona Nia Maramba ngarakua maramba monno Tokko tagu ngarakua tokko monno ghidda a palolo dangani-Nia niadona pakadangada, apede, monno a setia." ¹⁵ Ne ghinna, malaikat natti paneghe barragu, " we'e ne yemmi paetami, ne ponnuna pelacur natti madi'i, ata aluwana, bangsa, monno bahasa. ¹⁶ Kabullu kadu ne yemmi paetami monno ranga natti na buttu ate na pelacur. ghidda a rawina patalantar monno kagola, serta melahap kana'ana monno natunno nia wai api. ¹⁷ Niado, Mori na taige hal netti ne barra ateda ghidda tagu capaiwe ne tujuan-Na monno setuju tagu yana kekuasaan ghidda barra ranga natti hinng li'i Mori aponno. ¹⁸ Maghinne ne yemmi paetami natti niadona kota kalada a pareta ghidda tokko-tokko ne ponnu tana."