¹ Niaka netti, zauwa eta pata malaikat adede ne pata penjuru ponnu tana, ane'ena apattu apata paringhi ponnu tana ga'i kada'ikana ama poghi ne tana deta, ne we'e bonnu, monno ne hayu-hayu. ² Niaka, zauwa eta malaikat wadde amuncul wali padou oudana lodo, na ngiddi segel moripa. Nia akawaro monno li'i kaladana barra apata malaikat ne pa yada bada kuasa tagu parusaka neghe ponnu tana monno bonnu ghetti, ³ " Du parusakawe ponnu tana, bonnu, monno hayu-hayu ne dama babakipo yamme ne ya taka segel ne kobamata deta atapapatuka-atapapatukai Morida Ghitto." ⁴ Monno ku reghewe luada ghidda ne Pasegelda Ngau pata kabullu pata rata ata gidda ngarakua a walina neghe suku ana-ana Israel:* ⁵ Wali suku Yehuda kabulli doda rata Pasegelda wali suku Ruben kabullu doda rata,wali suku Gad kabullu doda rata, ⁶ Wali suku Asyer kabullu doda rata, wali suku Naftali kabullu doda rata,wali suku Manasye kabullu doda rata, ⁷ Wali suku Simeon kabullu doda rata, wali suku Lewi kabullu doda rata, wali suku Isakhar kabullu doda rata, ⁸ Wali suku Zebulon kabullu doda rata, wali suku Yusuf kabullu doda rata, wali suku Benyamin kabullu doda rata. Ata Aluwana A Dapa Kira Luawana ⁹ Ne baghinnawe netti zauwa kueta, ne ghinnana nepakuwada aluwana atapia ne dappa kira jumlada, wali ngarakua negara monno bahasa, dede ne aro takhta monno ne aro Ana Bebe, na tauwe juba kaka monno ro'o-ro'o palem ne limma detada ghidda; ¹⁰ Monno ghidda akawaro neghe li'i akaladana, "toleka tagu Mori ma yamme a madi'i ne ponnu takhta, monno tagu Ana Bebe." ¹¹ Monno, ngrakua malaikat a ne'ena dede ne uppu takhta netti monno ne uppu kaweda-kaweda,*monno apata makhluk netti, ghidda akaghodo ne aro takhta netti monno deika Mori, ¹² Neghe bapaneghe, "Amin! *deika monno kemuliaan monno padde monno paneghe syukur monno kehormatan monno karegu, monno keperkasaan tagu Mori da ghitto dukki moriwali-moriwali. Amin!" ¹³ Ne niawe, ia wali kaweda-kaweda netti apaneghe monno ama tua barragu,"garradi ghidda a tau juba kaka ne monno gewali niada ghidda amai?" ¹⁴ Niaka, zauwa paneghe barrana, "Tuanku, gho'u bupaddege." niawe, ne paneghe barragu,"ghidda niazi ata-ata a louza ba wali pasiksada arukke monno pawanoda juba da ghidda monno pakakazi ne barrana ra'a Ana Bebe. ¹⁵ Ne orona netti, ghidda adede ne aro takhta Mori monno melayani Nia lodo monno gede ne bait-Na; monno Nia a Madi'i ne ponnu netti na daingi ne tillu da ghidda. ¹⁶ Ghidda da karebaki monno damaro'uki; ataupun lodo amarettika dana pakarodukaki ghidda ataupun terik a wede. ¹⁷ Niawe, Ana Bebe neghe ne tillu-tillu takhta netti na jadi Gembala ghidda monno na tuntudi ghidda ne mata we'e amoripa; monno Mori na opi ngarakua we'e mata wali matada ghidda."