¹ Ne maghinna, zauwa kupasarrage ba Ana Bebe Na bughe ia wali Pittu segel ghetti, monno zauwa kurenghewe ia wali pata makhluk ghetti na paneghe monno li'i a zama katarraka, "Mai" ² Niaka, zauwa kueta ia Sarah kaka monno nia a madi'i ne ponnu na naterrei ia segel pana; monno ia mahkota ayana barrana, monno nia namaju bana pakalah monno natalu. ³ Monno, nebane Ana Bebe ghetti nabughe segel a Ka dodana, zauwa reghe makhluk a aka doda paneghe, "Mai" ⁴ Niaka, namaju ia dara wedeka nawarna rarana azama wegara api, monno nia a madi'i ne ponnu na ayani kuasa tagu deke ne damai wali ponu tana niaka ata pia na pamate wekina, monno ia katopo a kaladana ayana barrana. ⁵ Monno, Niawe Ana Bebe ghetti nabughe segel a Katoudana, zauwa reghe makhluk na paneghe, "Mai" Niaka, zauwa eta ia dara mette monno nia a madi'i ne ponnuna aterrege ia timbanga ne limma detana. ⁶ Lalu, zauwa ku reghewe azama gha'ige li'i wali tillu-tillu ghidda pata makhluk ghetti a paneghe, " ia cupak ia riti monno touda cupak walla tagu ia riti, takka du parusaka minya monno anggurna!" ⁷ Monno, na Ana Bebe ghetti nabughe ne kapatana, zauwa kureghewe li'i a paneghe, "Mai" ⁸ Niaka, zauwa eta ia dara awarna hijau pucat monno nia a madi'i ne ponnuna ngrana Maut monno Hades adekuni. monno, kuasa ayana barrada ghidda ne 1/4 ponnu tana, tagu pamate waidi katopo, kareba, penyakita, monno ranga-ranga bani ne ponnu tana. ⁹ Na Ana Bebe mana bughe segel a kalimmana, zauwa eta ne kabu altar* dewa-dewada ghidda ghidda papamateda orona li'i Mori monno orona kesaksian neghe ghidda papattuda. ¹⁰ Ghidda akawar neghe li'i a kaladana, " pirra mado'ina nawe, Maramba a zingira monno adua, Gho'u.pattu wekina wali buadilizi monno bubalasa ra'ama yamme barrada ghidda a dangi ne ponnu tana?" ¹¹ Monno, barrada ghidda-ghidda dewa ghetti a yadi ia juba kaka monno ghidda atekidawe ba ghidda harus israhat yodi kia yodi, niaka Jumla ole-ole pelayanan Monno oledadi-oledadi ghidda ne papamateda azama ghidda agenappa ¹² Monno, zauwa etawe na Ana Bebe natti nabughe segel a kaennena, nadadiwe makoddoka ponnu tana a dahsyat; mata lodo na mettena azama kain karung ne parawida wali loge ngarakua ghulla na zama ra'a. ¹³ Monno, padubu-padubu ne lagita awaraka ne ponnu tana azama hayu ara apagugurai ghua-ghuana a morona ma koddokaku paringi a panghezi langu takka. ¹⁴ Monno, namabakka* lagita napatuddana zurata bia ne pagulungda, monno ghidda gunung monno pulau apadikidi wali padouna ¹⁵ Niaka, tokko-tokko ne ponu tana, monno para atakalada, monno perwira-perwira,* Monno ata-ata pote Monno berkuasa, monno ngarakua atapawede, monno ata abebasa akabunni goa-goa monno ne tillu watu-watu ne akaliddakana. ¹⁶ Ghidda apaneghe barra gunung-gunung monno watu-watu karugguta netti, " warraka apedarama yamme monno a urrima yamme wali arona Nia a madi'i ne ponnu takhta, monno wali banina Ana Bebe! ¹⁷ Niawe, lodo kalada tagu bani ghidda na madukkiba monno garragu abertahan?"