¹ Ne ghinnawe, ku eta ne limma kawanona Nia a madi'i ne ponnu takhta ghetti a ia gulungan* zurata Bia, a gha'ina patulisa neghe uppu danana monno goungana, ne pasegelda monno Pittu segel. ² Mono, zauwa etawe ia malaikat a gagah aka waro monno li'i akaladan, " garrai a tuba abughe ne gulungan zurata Bia ghetti Monno bughe segel-segelna?" ³ Nia takkawe da'iki ia ata punnu, baik ne sorganada, ne ponnu tana, maupun a gha'ina dikabu ponnu tana a bisa bunghe monno a eta ne bagian ne'e dana gulungan neghe. ⁴ Niawe, zauwa ku gh'io tersedu-sedu orona da'i punnuki ia ata pakole me a bughe gulungan zurata Bia ghetti a eta ne bagian danana. ⁵ takkawe, ia wali kaweda-kaweda* ghetti na paneghe barragu, " Ngau ngi'o! eta, sings wali suku Yehuda, keturunan Daud*, na taluba nika Nia na bisa bughe zurata Bia ghetti Monno Pittu segella." ⁶ Monno, zauwa eta ne tillu-tillu takhta monno pata makhluk nema, monno ne tillu-tillu para kaweda-kaweda ghetti ia Ana bebe nadede, azama ba teba, a kolena Pittu kadu monno Pittu mata, ghidda Pittu Roh Mori ne patukada ne ngarakua ponnu tana. ⁷ Ana bebe ghetti mai monno deke gulungan zurata bia ghetti wali limma kawanona Nia a madi'i ne ponnu takhta. ⁸ Monno, na Ana bebe na dekewe gulungan zurata bia ghetti, apata makhluk Monno doka bullu pata kaweda-kaweda akaghodo ne arona Ana Bebe ghetti, masing-masing aterrei ia kecapi monno ia cawan ammarara abonnuna ne kemenyan, neghe ghidda ata-ata zingira. ⁹ Baka, ghidda adodou ia lagu baru, patekina: " Gho'u layak budeke gulungan zurata bia ghetti Monno bughe segel-segelna orona gho'u a tebagu, monno neghe ra'a-Mu gho'u a tebus ata-ata wali ia-ia suku, bahasa, kaum, monno bangsa bagi Mori. ¹⁰ Monno gho'u burawidi ghidda menjadi ia kerajaan monno imam-imam bagi Mori da ghitto, monno ghidda a pareta ne ponnu tana." ¹¹ Ne niawe, zauwa eta, monno zauwa arenghe li'i wali luana malaikat a mengelilingi takhta, pata makhluk, monno para kaweda-kaweda ghetti. monno jumlahda ghidda rata-rata, bahkan puluhan ribu, ¹² Kawaro monno li'i a kaladana, " nalayakna Ana Bebe, nagha paropoda ghetti, deiba kuasa, monno pote, monno padde, monno pangezi, monno pangaka, monno kemuliaan,monno dodo." ¹³ Neghe ghinna, zauwa arenghe netti makhluk a gha'ina ne sorga dana, monno ne kabu tanah, monno ne we'e bonnu, monno ngarakua a ne'ena neghe dana, ngarakua ghetti a paneghe, " tagu Nia, a madi'i ne ponnu takhta, monno tagu Ana Bebe, ngarakua dodo, pangaka, kemuliaan, monno kuasa dukki moriwali-moriwali!" ¹⁴ Monno, pata makhluk ghetti paneghe, "Amin!* monno para kaweda-kaweda kaghodo monno deika.