¹ Baniawe ghetti, zauwa kueta ia binna amabughe ne sorgadana, monno li'i nena, ne zauwa parengegu nazama li'i trompet napaneghe danga-Ga, paneghe," Penneghu ne ni'a monno Zauwa ga'i kaku boghogo barramu appawe amarawi nema ghinna neghe." ² Nemmi ghinna kaina, zauwa akuasaga Roh* monno etawe, ia takhta gha'ige ne sorga dana monno ata ia madi'i ne ponnu takhta ghetti. ³ Monno, Nia a madi'i ne ponnu takhta ghetti, napa oudana azama watu permata yaspis monno Sardis; monno gha'i ia pelangi ne uppu-uppuna takhta neghe, a paetana azama Zamrud. ⁴ Ne uppu takhta neghe gha'idi doka bulu pata takhta monno ne ponnu takhta-takhta neghena zauwa atazi doka bulu pata kaweda-kaweda* madi'i atau jubah kaka monno mahkota-mahkota ammarara gha'idi katowa detada ghidda. ⁵ Monno, wali takhta neghe louza katarraka monno punnu li'i katarraka. monno,gha'i Pittu dian a wegarra ne arona takhta neghe, ne a Pittu Roh Mori. ⁶ Monno, ne arona takhta neghe kaina gha'ige ne paeta azama we'e bonnu kaca, azama Kristal. ne tilluna monno ne uppuna takhta neghe gha'i pata makhluk a bonnuna monno mata ne bagian aro monno lira. ⁷ Makhluk a ullu napatuddana ia sings, monno makhluk aka dodana atudda ia tape mane, monno makhluk aka toudana napamata nazama mata atapia, monno makhluk aka Patana nazama a ia keila wikita a ne'ena lera. ⁸ Ghidda pata makhluk ghetti masing-masing gha'idaba enne kapa a bonuna mata, baik gounga monno ne dana; lodo monno gede, ghidda pata makhluk ghetti dapernah ngauki bapaneghe, "zingira, zingira, zingirana Maramba, Mori a terrena kuasa, a gha'i bana, a gh'ina, monno nemmi amai." ⁹ Monno, nesetiap Kali makhluk-makhluk ghetti bayawe kemuliaan, hormat monno ucapan syukur barra Nia a madi'i ne ponnu takhta, a moripa moriwali-moriwali, ¹⁰ Ghida doka bullu pata kaweda-kaweda ghetti kaghodo ne arona Nia a madi'i ne ponnu takhta ghetti, monno adeika Nia a moripa pakitana moriwali-moriwali ghetti, monno a tubbadi mahkota da ghidda ne aro takhta ghetti sambil paneghe, ¹¹ "Ya Maramba monno Morima yamme, gho'u bulayakka budeiba kemuliaan, hormat monno kuasa orona gho'u Bu rawige ngarakuana monno orona pabei-Mu ngara ghetti gha'ige monno arawige."