¹ " Monno, barra malaikat jemaat ne Sardis tulissawe: ne niawe patekina Nia aterrena Pittu Roh* Mori monno Pittu madubu ghetti: Zauwa paddege parawi-parawimu. ata tekiwe ba yemmi moripa, takka nia yemmi bi mate. ² Daga wekina, monno perkuatlah hal-hal ne a gha'ina, a hampir mate, orona Zauwa daku kolekipuna panghilli mu asempurna barra paetana Mori. ³ Orona ghetti, lolowe appawe neghe yemmi padeibamu monno parengemu, dekugu netti monno bertobata! niakane yemmi didaga wekikona, Zauwa kumai pazamana ata kedu monno yemmi dipaddekige jam pirra Zauwa baku mai barramu. ⁴ Ne niawe, yemmi biterrena pirra ata ne Sardis a drawipona kotora nekalambeda ghida; monno ghida a kako danga-Ga monno tau kalembe kaka orona ghida alayaka. ⁵ Ata a menanga a patau kalembe kaka monno Zauwa dakua opike ngarana wali zurata Bia. Zauwa ku ako ngarana ne arona Ama-Gu monno ne arona malaikat-malaikat-Na. ⁶ Nia a gha'ina katillu ga'iku renghewe appawe nepateki na Roh barra jemaat-jemaat." Zurat Barra Jemaat Ne Filadelfia ⁷ "Monno, barra malaikat jemaat ne Filadelfia tulissawe: ne niawe pateki wali a zingira monno adua, a terrena kuzi Daud,* a bughe monno da'i punnuki ia ata abisa todiwe; a todiwe monno da'i punnuki ia ata abisa bughewe: ⁸ Zauwa paddege parawi-parawimu. etawe, Zauwa ku bughego binna tagumu, da'i punnuki ia ata a todiwe orona paghezi li'i, takka yemmi bi deku punnuge li'i-Gu monno di sangkalke ngara-Gu ⁹ Etawe, Zauwa ku rawige para sinagoge kaballika netti, a mangaku sebagai ata Yahudi, takka nia indaki, ba niawe aboto, Zauwa ku rawidi ghida bamai monno kaghodo ne barra gha'imu, monno kurawidi ghidda paddege ba Zauwa kumanawarami. ¹⁰ Orona yemmi bidagawe Li'i papaghilli takka-Gu, Zauwa a dagami wali ne akaregu ne a mai ne ngarakua ponnu tana, ga'i kanungai ghidda a dangi ne ponnu tana. ¹¹ Zauwa ammi memaga. terrege appa ne pakolemu ga'i kada'ikana ia ata adekegu mahkotamu. ¹² Nia a Talu, Zauwa ku pawai pari'i pa'adde umma zingira Mori-Gu, monno nia danna kakobaki wali netti; monno Zauwa kutulissa barrana ngara Mori-Gu monno ngara kota Mori-Gu, niawe Yerusalem abaru, a ghetti aburru wali sorga dana, wali Mori-Gu, monno ngara-Gu abaru. ¹³ Nia a gha'ina katillu ga'iku kana renghe appawe ne patekina Roh barrada jemaat-jemaat." Zurata Barra Jemaat Ne Laodikia ¹⁴ " Monno, barra malaikat jemaat ne Laodikia tulissawe: neghe niawe pateki sang Amin, saksi a setia monno adua, ullu wali ngarakua parawina Mori: ¹⁵ Zauwa ku paddege parawi-parawimu, ba yemmi dimaghegelaki bania bana bangata. naduapo ne yemmi bi maghegela monno bangata. ¹⁶ Niawe, orona yemmi bi hangata, dana bangatake monno maghegela, Zauwa kumuttami wali ngada dana-Gu. ¹⁷ Orona yemmi paneghe,' Zauwa pote, paluana, monno da'ike akurangmi,' monno dipaddekige ba neghe yemmi sengsara, Malang, miskin, kaburra, monno kagola. ¹⁸ Zauwa palolodangago ku gho'i barra-Gu ammarara ne pamurniwaida api ga'i yemmi kipote, monno kalembe-kalembe kaka ga'i yemmi kibisa tauzi neghe rasa mekkemu orona bikagola danapa etakige, monno rodoge salep neghe matadetamu ga'i yemmi kibisa eta. ¹⁹ Ghida ne pamanawaragu, kupaloloda monno kupanungadi; orona ghetti, yawe atemu monno bertobata! ²⁰ Etawe! Zauwa adede ne arona binna monno atudda. ba gha'iko ata arenghe li'i-Gu monno abughe binna, Zauwa ku tama barrana monno a'a dangani, monno nia palolodanga-Ga. ²¹ Nia a Talu, Zauwa ku pilli padou bana madi'i danga-Ga ne takhta-Gu, zamaga ne Zauwa ataluba monno madi'i dangai Ama-Gu ne takhta-Na. ²² Nia a gha'ina katillu ga'iku kana renghe appa patekina Roh barra jemaat-jemaat."